الموضوع: شاركنا بالكتب اللى قرأتها

المشاركة الأصلية كتبت بواسطة wael3m

ان ذكر أنهم يتغلغلوا لظباط الجيش عن طريق الصوفية أو بمعني أصح بعض الضباط المؤثرين حاليا بيان أنهم كانوا يتبعوا الصوفية ولكن فى الحقيقة هم إخوان .. وشرح كمان خطة التمكين ودا اللي أنا شايفه بيحصل دلوقتي

حكاية خطة التمكين دى و كل ما نراه من حاليا من خصائص اسلوب و تصرفات الاخوان و تفسيراتها و المرحلة التى وصلت اليها الجماعة من سيطرة لمجموعة القطبيين عليها بفكرهم التكفيرى المعروف هو محور الجزء التالت من الكتاب. . . زى موضوع الكذب و النقض العهود و الوعود و غيرها و ازاى كل الحاجات دى عادية بالنسبة لهم و لها تبريرها. . . و انا كمان لفت نظرى موضوع الصوفية ده. . . كان هينفع يبقى علامة تعرف بيها الاخوانى المتخفى فى الجيش لكن اعتقد دلوقتى خلاص مش محتاجين يتخفوا. . . على العموم ربنا يهديهم لما فيه مصلحة البلد

خلصت رواية عمارة يعقوبيان
الرواية ثرية ومتشعبة ولغتها قوية وتجعل القارئ يستغرق فى القراءة
لكن اشعر ان علاء الاسوانى سلط ضوء قوى على شخصية حاتم رشيد الشاذ
لدرجة انى حسيت فى لحظة انه بطل الرواية ومشكلته هى قضية القصة
طبعا فى تفاصيل كتيرة مظهرتش فى الفيلم
والرواية فى مجملها ممتعة ومفرداتها صادقة ومبدعة وجديدة وسلسة
عدد صفحات الكتاب 348 صفحة

لسه مخلص رواية السنجه لأاحمد خالد توفيق -- طبعا تحفه كالعاده لا تقل روعه عن يوتوبيا -- بس سودا و كئيبه اوي اوي اوي يعني مناسبة للجو جداااااااااااااا

النهاردة ذكرى مرور عامين على وفاة سعد الدين الشاذلى العقل المخطط و المنفذ لنصر اكتوبر..... انصحكم بقراءة مذكراته عشان تعرفوا اد ايه الشغل اللى عمله الراجل ده و كان ورا النصر..... و كمية المشاكل و الصعوبات الغير عادية اللى تم التغلب عليها بالتفكير العلمى..... و فى النهاية لللاسف النهاية الحزينة لواحد وصل الى القمة فى خدمة بلده لكنه اتبهدل لمجرد اختلافه مع القيادة السياسية اللى قراراتها الغلط كادت تكلف البلد خسارة النصر العسكرى ..... و اذا كان اتظلم من الناس و ضاع تقدير مجهود كمهندس لنصر اكتوبر الا ان اجره عند الله لا يضيع