السلام عليكم
دي اول مشاركة لي في قسم رينو الجميل دا

انا ليا واحد صاحبي كان حابب يشتري عربية داستر وسألني كام سؤال وبما اني معلوماتي عن العربية محدودة جدا حبيت أسأل هل رينو بنفسهم عن العربية

الأسئلة

1- هي العربية في منها بينزل أوتوماتك ولا كلها مانيول ؟ ولو في أوتو هل هو دفع رباعي ولا لاء وبكام الاوتو والمنيوال لو وجد يعني ؟

2- العربية من ناحية الوسع الداخلي من قدام ومن مورا اخبارة ايه يعني من الخلف تاخد تلاتة مرتاحين ولا مزنوقين جنب بعض ؟

3- من خلال تجربة ملاك العربية اخبارها ايه في الاعتمادية وهل قطع غيارها معمرة ولا نص نص

4- اخبار سحب وثبات العربية ايه في الطرقات والعزل كمان ايه اخبارة ديلو كام في المئة مثلا كل من العزل والثبات والسحب ؟

5- العربية كويسة في موضوع اعادة البيع ولا ممكن يبقى في صعوبة شديدة ؟ والنقطة دي مهمة جدا ؟

6- أسعار قطع الغيار في متناول اليد ولا مبالغ فيها ؟

أخيرا بقى علشان تعبتكم

هل في مكان ممكن يقسط العربية مباشرة بدون اللجوء لبنك ولا مفيش ؟

وآسف علي الاطالة وربنا يجازيكم خير