الموضوع: أسئلة بخصوص الداستر ؟

المشاركة الأصلية كتبت بواسطة mohammedgido

السلام عليكم
دي اول مشاركة لي في قسم رينو الجميل دا

انا ليا واحد صاحبي كان حابب يشتري عربية داستر وسألني كام سؤال وبما اني معلوماتي عن العربية محدودة جدا حبيت أسأل هل رينو بنفسهم عن العربية

الأسئلة

1- هي العربية في منها بينزل أوتوماتك ولا كلها مانيول ؟ ولو في أوتو هل هو دفع رباعي ولا لاء وبكام الاوتو والمنيوال لو وجد يعني ؟

العربيه مانيوال فقط و هى ١٦٠٠ سى سى و الان فى منها ٤ فئات ، ٢ جر رباعى و ٢ جر ثنائى و هى بتبقى مستوردة من مصنع رومانيا و بالنسبه للفئات واحده فيهم اسمها e2 و دى الكاملة و هناك منها جر رباعى و دى سعرها الان ١٤٨ الف جنيه من التوكيل مش اوفربرايس و الجر الثنائى منها ب ١٣٨ الف جنيه و الفروق بينهم فى موضوع الجر الرباعى و تصفيح العربيه من تحت و الجنوط و ال ebd و الفتيس ٦ نقلات فى الجر الرباعى و العفشه بتاعه الجر الرباعى بتاعه اكس تريل و هناك فئه تانيه ظهرت حديثه فيها جر رباعى و ثنائى برضه بس ناقصه حاجات كتير عنهم و اسمها eop

2- العربية من ناحية الوسع الداخلي من قدام ومن مورا اخبارة ايه يعني من الخلف تاخد تلاتة مرتاحين ولا مزنوقين جنب بعض ؟

العربيه ما شاء الله واسعه و تشيل ٥ افراد مرتاحين و شنطتها كمان ما شاء الله ٤٧٥ لتر و ده رقم محترم قوى

3- من خلال تجربة ملاك العربية اخبارها ايه في الاعتمادية وهل قطع غيارها معمرة ولا نص نص
قطع غيارها موجوده فى التوكيل و اسعار قطع غيارها زى اى عربيه جديده مش غاليه زى الإشاعات التى تقال على ان قطع غيار رينو غاليه قوى و مش موجوده و الكلام ده كان بيتقال زمان لكن دلوقتى التوكيل محترم جدا و من احسن التوكيلات و بالمناسبه هو برضه معاه توكيل كيا

4- اخبار سحب وثبات العربية ايه في الطرقات والعزل كمان ايه اخبارة ديلو كام في المئة مثلا كل من العزل والثبات والسحب ؟السحب ممتاز و بيتحسن بعد التليين و اللى مساعد ان الفتيس مانيوال و الثبات كمان جيد جدا لكن لازم نضع فى الاعتبار ان العربيه عاليه عن الارض و لذلك فلابد من أخذ الموضوع فى الاعتبار عند قياده النوع ده من السيارات بصفه عامه و عدم التعامل معاها على انها عربيه سباق يعنى و التنبيه ده بيبقى لكل ال suv علشان مركز الثقل مختلف عن السيدان العادى. بالنسبه للعزل جيد جدا نقدر نعطى له هو الثبات ٨٠٪ من وجهه نظرى

5- العربية كويسة في موضوع اعادة البيع ولا ممكن يبقى في صعوبة شديدة ؟ والنقطة دي مهمة جدا ؟
اعاده البيع مش فى سهوله الكورى مثلا و كمان نقطه المانيوال دى بتعاكس شويه فى اعاده البيع لكن بتتباع . طبعا هى اليومين دول زايده ١٢ الف جنيه عن سعرها الطبيعى و التوكيل هو اللى مزودها و ده طبعا فى مصلحه اللى اشترى قبل الزياده و بصفه عامه العربيه فى امكانياتها و سعرها تعتبر متميزه و ارخص كتير من منافسيها و ماركه محترمه و فئه ال suv طالعه موضه اليومين دول و بالنسبه للجر الرباعى عفشتها هى عفشه الاكس تريل فهى طريه و قويه و تستحمل بهدله الطرق بتاعتنا و فيها جر رباعى عن طريق بكره و هى اثبت بمراحل و اريح و أوسع وصوت موتورها اهدى بكتير من التريوس مثلا اللى هى اقرب حاجه ليها

6- أسعار قطع الغيار في متناول اليد ولا مبالغ فيها ؟
اسعار قطع غيارها عاديه زى اى عربيه عاديه زيرو

أخيرا بقى علشان تعبتكم

هل في مكان ممكن يقسط العربية مباشرة بدون اللجوء لبنك ولا مفيش ؟
التوكيل نفسه بيقسط بس اعتقد انه فى الاخر هيبقى تبع بنك برضه و ممكن تتكلم على 16202 و تسأل عن الموضوع تانى و المكان التانى اللى بيقسط من غير بنك هو شركه عبد اللطيف جميل و ممكن تدور على رقمه فى الدليل و تتكلم تسأل ايه نظامه

وآسف علي الاطالة وربنا يجازيكم خير
العفو يا فندم و ارجو ان أكون أفدتك و بالتوفيق لما فيه الخير

بصراحة حضرتك جاوبت علي كل التساؤلات باستفاضة ووضوح

بس في نقطة حضرتك موضحتهاش في موضوع الاعتمادية للعربية وقطع غيرها هل هي معمرة ولا الاء

تاني حاجة العربية اعتقد الي يعيبها موضوع انها مانيوال دا عيب في رأيي وخوصوا في مصرنا الحبيبة الي كل دقيقة الطريق يقف وتحتاج تدوس دبرياج لما تتشل :)

سؤال كمان :
هل في فروق بينها وبين القشقاي غير فرق السعر ولا مسألة شكل وبس

بصراحه Land_Cruiser موش هقدر اقول بعديه

نقطه واحده بس فى موضوع اعاده البيع بتبقى صعبه من جهه المشترى الثانى فقط لان مافيش حد من الى اشتراها فكر انه يبيع
تحياتى

المشاركة الأصلية كتبت بواسطة mohammedgido

بصراحة حضرتك جاوبت علي كل التساؤلات باستفاضة ووضوح

بس في نقطة حضرتك موضحتهاش في موضوع الاعتمادية للعربية وقطع غيرها هل هي معمرة ولا الاء

تاني حاجة العربية اعتقد الي يعيبها موضوع انها مانيوال دا عيب في رأيي وخوصوا في مصرنا الحبيبة الي كل دقيقة الطريق يقف وتحتاج تدوس دبرياج لما تتشل :)

سؤال كمان :
هل في فروق بينها وبين القشقاي غير فرق السعر ولا مسألة شكل وبس

هو اللى يقدر يجيب عن موضوع قطع الغيار معمره و لا لأ افضل منى الاعضاء اللى العربيه بقالها معاهم فتره و ان كنت انا متوقع ان الموضوع ده مفيهوش مشاكل ان شاء الله من خلال متابعه الموضوعات عنها سواء فى المنتدى او حتى من اماكن تانيه متعدده بس انتظر تأكيد الاعضاء برضه .

بخصوص موضوع الاتوماتيك هو بدون أدنى شك اريح و اسهل فى القياده فى الزحمه فقط لان فى الطرق الطوالى مش فارق و ده موضوع مفيهوش خلاف إنما (و خللى بال حضرتك من إنما دى) انا باضحى بالراحه فى الزحام قدام عربيه ثابته و عاليه عن الارض و جر رباعى و عفشه ممتازه و تسارع ووسع داخلى و شنطه كبيره و توكيل جيد و سعر منافس و استهلاك بنزين بتاع عربيه عاديه و ماركه محترمه و على فكره بالرغم انها مانيوال إلا انى لاحظت انها ما بتريحش لورا جامد لو كنت واقف فى شارع مائل .. يا ترى دلوقتى لسه حاسس ان الفتيس الاتوماتيك مهم قوى كده؟
انا احترمتهم جدا انهم بيخلوها مانيوال عن انهم يخلوها اتوماتيك و تبقى بطه فى الجرى و لا ما تعرفش تطلع مطالع و طبعا لو شغلتها دفع رباعى هتقف فى مكانها و احتمال ترجع لورا كمان :) و بالنسبه للجر الرباعى طبعا مفيش أمل على الاقل لازم تبقى ٢٠٠٠ سى سى و مش هتبقى وحش دى يا دوبك هتمشى و طبعا ال ٢٠٠٠ سى سى مش هتمشى معانا علشان البنزين و الضرائب و مش هتلاقى إقبال و كمان سعرها هينط لفوق و بالتالى انا مقتنع هى ليه مانيوال و انها اختيار جيد كمحصله

الفروق اللى بينها و بين القشقاى
- بقى دلوقتى حاجه و تلاتين الف جنيه فرق سعر فقط وده عامل مهم فى اتخاذ القرار و هو الميزانيه المتاحه
- القشقاى اتوماتيك
- القشقاى كمالياتها اكتر (سقف بانوراما و زينون ،...)
- الداستر جر رباعى
- شنطه الداستر اكبر
- موتور القشقاى ١١٨ حصان بينما الداستر ١٠٥ حصان بس لاحظ ان الداستر مانيوال
- القشقاى اسهل فى البيع
- التوكيلين محترمين

و بعدين خللى بال حضرتك من نقطه ان هناك تحالف عالمى بين رينو و نيسان و ده بمقتضاه الداستر الجر الرباعى واخده نظام تعليق الاكس تريل و بعض الحاجات التانيه زى البطاريه مكتوب عليها إنتاج رينو نيسان و كان فى كلام على ان الداستر احتمال تنزل باسم نيسان فى المستقبل فى بعض الدول و الاتنين طبعا من الشركات العريقه اللى ما بتعملش حاجه اى كلام ابدا حتى من قبل ما تفتح الكبوت و لا تبص جواها يعنى :)

المشاركة الأصلية كتبت بواسطة land_cruiser

هو اللى يقدر يجيب عن موضوع قطع الغيار معمره و لا لأ افضل منى الاعضاء اللى العربيه بقالها معاهم فتره و ان كنت انا متوقع ان الموضوع ده مفيهوش مشاكل ان شاء الله من خلال متابعه الموضوعات عنها سواء فى المنتدى او حتى من اماكن تانيه متعدده بس انتظر تأكيد الاعضاء برضه .

بخصوص موضوع الاتوماتيك هو بدون أدنى شك اريح و اسهل فى القياده فى الزحمه فقط لان فى الطرق الطوالى مش فارق و ده موضوع مفيهوش خلاف إنما (و خللى بال حضرتك من إنما دى) انا باضحى بالراحه فى الزحام قدام عربيه ثابته و عاليه عن الارض و جر رباعى و عفشه ممتازه و تسارع ووسع داخلى و شنطه كبيره و توكيل جيد و سعر منافس و استهلاك بنزين بتاع عربيه عاديه و ماركه محترمه و على فكره بالرغم انها مانيوال إلا انى لاحظت انها ما بتريحش لورا جامد لو كنت واقف فى شارع مائل .. يا ترى دلوقتى لسه حاسس ان الفتيس الاتوماتيك مهم قوى كده؟
انا احترمتهم جدا انهم بيخلوها مانيوال عن انهم يخلوها اتوماتيك و تبقى بطه فى الجرى و لا ما تعرفش تطلع مطالع و طبعا لو شغلتها دفع رباعى هتقف فى مكانها و احتمال ترجع لورا كمان :) و بالنسبه للجر الرباعى طبعا مفيش أمل على الاقل لازم تبقى ٢٠٠٠ سى سى و مش هتبقى وحش دى يا دوبك هتمشى و طبعا ال ٢٠٠٠ سى سى مش هتمشى معانا علشان البنزين و الضرائب و مش هتلاقى إقبال و كمان سعرها هينط لفوق و بالتالى انا مقتنع هى ليه مانيوال و انها اختيار جيد كمحصله

الفروق اللى بينها و بين القشقاى
- بقى دلوقتى حاجه و تلاتين الف جنيه فرق سعر فقط وده عامل مهم فى اتخاذ القرار و هو الميزانيه المتاحه
- القشقاى اتوماتيك
- القشقاى كمالياتها اكتر (سقف بانوراما و زينون ،...)
- الداستر جر رباعى
- شنطه الداستر اكبر
- موتور القشقاى ١١٨ حصان بينما الداستر ١٠٥ حصان بس لاحظ ان الداستر مانيوال
- القشقاى اسهل فى البيع
- التوكيلين محترمين

و بعدين خللى بال حضرتك من نقطه ان هناك تحالف عالمى بين رينو و نيسان و ده بمقتضاه الداستر الجر الرباعى واخده نظام تعليق الاكس تريل و بعض الحاجات التانيه زى البطاريه مكتوب عليها إنتاج رينو نيسان و كان فى كلام على ان الداستر احتمال تنزل باسم نيسان فى المستقبل فى بعض الدول و الاتنين طبعا من الشركات العريقه اللى ما بتعملش حاجه اى كلام ابدا حتى من قبل ما تفتح الكبوت و لا تبص جواها يعنى :)

بصراحة انا مش عارف اقول لحضرتك ايه .. انت بصراحة وفيت وكفيت في التوضيح جزاكم الله عني وعن كل من يقرأ الموضوع خيرا

وانا معاك أن فرق السعر يفرق كتير .. بس كلام في سرك يعني :) أنا اصلي من عشاق القشقاي وبإذن الله بدعي ربنا ييسرلي امري واشتريها لكن الظروف لسة مسمحتش بسبب حال البلد والركود الاقتصادي الي حالل فيها
لكن يظهر لو مقدرتش اجيب القشقاي هيكون الاختيار التاني هو الداستر حتى لو وصلت قسط ربنا يسهل ويكرم يا رب

بس كل الي مش قادر ابلعة هو الفتيس المانيوال دا مع ان انا فهمت انة افضل واحسن للعربية بس مصر يا جماعة صعب جدا والله المشي فيها مانيوال .. ربنا ييسر يارب

متشكر جدا علي ردك الوفي تحياتي ليك

المشاركة الأصلية كتبت بواسطة gogo2012

بصراحه land_cruiser موش هقدر اقول بعديه

نقطه واحده بس فى موضوع اعاده البيع بتبقى صعبه من جهه المشترى الثانى فقط لان مافيش حد من الى اشتراها فكر انه يبيع
تحياتى

يا باشا ادخل كونتكت كار هتلاقي في عروض بيع يعني هههههه واسعار ايه في النازل كمان

المشاركة الأصلية كتبت بواسطة mohammedgido

بصراحة انا مش عارف اقول لحضرتك ايه .. انت بصراحة وفيت وكفيت في التوضيح جزاكم الله عني وعن كل من يقرأ الموضوع خيرا

وانا معاك أن فرق السعر يفرق كتير .. بس كلام في سرك يعني :) أنا اصلي من عشاق القشقاي وبإذن الله بدعي ربنا ييسرلي امري واشتريها لكن الظروف لسة مسمحتش بسبب حال البلد والركود الاقتصادي الي حالل فيها
لكن يظهر لو مقدرتش اجيب القشقاي هيكون الاختيار التاني هو الداستر حتى لو وصلت قسط ربنا يسهل ويكرم يا رب

بس كل الي مش قادر ابلعة هو الفتيس المانيوال دا مع ان انا فهمت انة افضل واحسن للعربية بس مصر يا جماعة صعب جدا والله المشي فيها مانيوال .. ربنا ييسر يارب

متشكر جدا علي ردك الوفي تحياتي ليك

العفو يا فندم و بالتوفيق لما فيه الخير ان شاء الله

حضرتك ممكن تشوف الفيديو دا لاني لحظت فية حاجة غريبة

2012 Renault Duster. Start Up, Engine, and In Depth Tour. - YouTube

يعني لاحظت في تقرير للاعضاء هنا من ضمن العيوب الي في العربية هو شكل التابلوة والصالون و التابلوه مضايقين ان زراير الازاز في التابلوه مش في الباب زي كل العربيات
لكن في الفيديو هنا انا ملاحظ ان زراير الازاز في الباب زي كل العربيات .. فهل انا فهمت كلام الاخوة غلط ولا دي فئة تانية غير الي الاخوة بيتكلمو عليها ؟

حاجة استغربتها اوي مش عارف لية الكلاكس في الدراع شيء غريب جدا جدا وحاجة تلخبط الصراحة دا حتى الملتي فانكشن في الدراع !!!!!!!!!!!!!!!!! طب لية هو هيحصل تكلفة زيادة لو كانت في التارة مثلا !!!! عندي حق في كدا انا بسأل الاخوة الي ركبو العربية ومعاهم مش دي حاجة تخنق