أنا شايف انها ممكن تتصلح الخبطه مش عميقه وحضرتك بتقول الماتور والفتيس ماخدوش الضربه بتاعت الحادثه انا شايف انهاا تتصلح
عرض للطباعة
أنا شايف انها ممكن تتصلح الخبطه مش عميقه وحضرتك بتقول الماتور والفتيس ماخدوش الضربه بتاعت الحادثه انا شايف انهاا تتصلح
الشاسيه عندك سليم والله اعلم من ورا وقدام ودى حاجة كويسة وتقلل من تكلفة الاصلاح او تزود سعر البيع
كل اللى انت محتاجه للعربية دى سقف بقوايمه واربع ابواب ورفارف وكبوت وشنطة
القصد ان مفيش انصاص هتتلحم يعنى اللحام كله هيبقى السقف والقوايم بس + الخوارج كلها هتتغير
رأيي الشخصى زي رأي كتير من الناس انك تبيعها على حالتها اقولك ليه ..
هتصرف كتير اوى ، وفي نفس الوقت قيمتها السوقية قلت جدا جدا حتى بعد ما تتصلح لأن العربية هتبقى مغيرة سقف وراشة قوايم ، فكدة انت هتخسر وانت بتصلحها ووانت بتبيعها ولو قلت لأي حد ع اللى حصللها هيخسف بيها الارض وانت بتبيع ، وده ممكن يخليك غصب عنك تتجه انك ما تقولش للى هيشتريها عشان تبيعها بسعر معقول ، وطبعا ده حرااااااام ، فرأيي ريح نفسك من دلوقتى وبيع ، والتاجر اللى هياخدها لو باعها بعد كدة على انها سليمة يبقى هو اللى متحمل ذنبها مش انت وربنا يعوض عليك ، والف حمد لله على سلامتك وفداك مليون عربية
دى حالتها صعبة قوى والحمد لله على سلامتك..
بص حضرتك تشوف تاجر يستوردلك عربية كاملة تاخد منها الللى إنتا عايزه..
الحمد لله على سلامتك
و انا مع راي البيع بشدة لان الموضوع ده كبير و حيفتح معاك جامد لان العربية قطع غيرها مش رخيصة.
واحد زميل فى الشغل عمل حادث مشابه ب i30 و برده كان فاكر الدنيا تتلم افل 50000 و هو اصلا كان جايلوا فيها 35000
لحد لما العربية اتصلحت كان سعر المستعمل نضيف من نفس الموديل 85000
غير الحجات الحضرتك مش شايفه الصنايعية بيركبوا حجات غلط و فى حجات بتضيع حساسات و غيره
استخير و توكل على الله
لو عزيزة عليك انا شايف انك تصلحها ..
فداك اى حاجة ى باشا متزعلش نفسك
قل لن يصيبنا الا ما كتب الله لنا
يعنى ربنا كاتبهالك وانت تقول الحمد لله فى السراء والضراء وربنا هيجازيك عنها خير ان شاء الله
لو عايز تصلحها هتلاقيها ان شاء الله بتتصلح وفى صنايعية كويسين جدا بس هتكلفك مبلغ كبير اعتقد ممكن ميقلش عن 45000
اعتقد الافضل انك تبيعها وتزود تمن تصليحها وتقدر تجيب بالتمن ده حاجة كويسة جدا
لو عايز تصلحها ممكن تتعامل مع ا كريم منير زى ما قالك وانا اعرف واحد فى الزقازيق اسمه اشرف راجل كويس جداااا وامين جدااا ولو نزلت معاه الحرفيين هتلاقيه بيوفر معاك جامد مش زى معظم الصنايعية بيبعوك مع اصحاب المحلات انا اتعاملت معاه فى عربيتى وبيطلع العربية بافضل شكل ممكن تطلع عليه يعنى انا عربيتى عملت حادثة بس مش جامدة اوى كده لو شفتها محدش هيعرف انها عاملة حادثة وكمان بتاع البويه فى وشه على طول والورشة فى بيته وهو بيستلم العربية وبيعملك كل حاجة يعنى انت مش هتروح لكهربائى مثلا هو بيعمل شغله وبيعمل الشغل التانى عند الناس المتخصصة فيه ..لو حابب تتعامل معاه كلمنى على الخاص وانا اديلك تيلفونه او اكلمهولك لو عاوز ..بس صدقنى الافضل انها تتباع هتريح نفسك من حاجات كتير ولف ووجع دماغ انا عربيتى خدت 15 يوم ومكنتش الحادثة جامدة اوى استخير ربنا وحمد الله على سلامتك كل ده كلام فاضى والله
بيعها أحسن
إسمحلى أساعد بإستطلاع للرأى:
http://www.nilemotors.net/Nile/332662-hema-pop.html
الف سلامه عليك وفداك مليون عربيه
وكمان العربيه ممكن تتصلح وترجع ممتازه جدا وده انا شفته في عربيات كتير بس هتصرف مبلغ كبير يصل الي 40000 جنيه
انا مش شايف ان فى خبطات ممكن تكون وصلت لفردة الشاسية دة من الامام ومن الخلف مفيش شغل جامد
يمكن انا مش شايف كويس انتى ادرى منى بس لو مفيش خبطة فى فردة السلاح
العربية ممكن تتصلح باقل التكاليف ان شاء الله
بالنسبة للاستاذ (كريم منير) الراجل دة شغلة ذى الفل ويكفى الامانة والحرفية
رائيى الشخصى انك تخلية يشوف العربية وهو هيقولك مفيد الكلام فيها
كان الله فى عونك