لا حول ولا قوه الا بالله - ربنا يعوض عليك والحمد لله انك كويس
Sell the car of course
عرض للطباعة
لا حول ولا قوه الا بالله - ربنا يعوض عليك والحمد لله انك كويس
Sell the car of course
بيعها احسن و الحمد لله علي سلامتك ..
اعتقد انك ممكن تمسك فيها من 40 لـ 50 ألف جنيه بالمرتاح ( حوادث ) .
خد المبلغ و زود عليه المبلغ اللي كنت ناوي تصلح بيه و اشتري واحدة جديدة و ربنا يعوض عليك .
يا باشا حمدالله عالسلامه وانا رأي تاخد العربية لورشة الاستاذ كريم منير و تعمل مقايسة و تشوف التكاليف لو في حدود امكانياتك كان بها بس لو اغلى يبقا بيع و ريح نفسك
انا رأي انك تبيع من الاول لانها عمرها ما هترجع زي الاول حتى لو هتصلح في التوكيل و كمان هتخاف و تقلق تركب عربية كانت هتموتك في يوم من الايام
انا رأيي كده لو الفلوس امام البهدلة اللي انت هتشوفها وحرقة الدم متهمكشي
الكاوتش تمام له فترة زمنية زي ما هو له مسافة يمشيها ايهما اقرب
يعني الكاوتش ممكن يكون جديد ومش مشى كتير ولكن عدى عليه فتره زمنية تخليه ناشف علشان كده بينفجر لأنه بيتقطع عالطول وده سبب الكارثة دي
عالعموم انا من المنصورة لو احتجت مني شئ من صنايعيه او محلات قطع غيار كلمني لأني لي حادثة شبيهة لذلك ... ابعتي على الخاص لو احتجت شئ وربنا ييسرلك الخير ان شاء الله
ربنا يأجرك في مصيبتك ويخلفك خيرا منها
زي ما الشباب قالولك انت شايفها من برا كده هتغير صاج وخلاص لكن هتفك هتلاقي هم ما يتلم وهتدخل نفسك في حوارات
ولو عندك استعداد تستحمل بهدلة التصليح هتبقي المشكله الأكبر ان العربيه غالبا مش هتطلع مظبوطه
أو انت نفسيا مش هتبقي مرتاحلها وعلشان تبيع شرعا لازم تقول اللي فيها وبالتالي مش هتجيب فلوس وترجع تخسر تاني يبقي وفر علي نفسك تعب وقرف الصنايعيه وبيع من دلوقتي وحط فلوس التصليح علي سعرها
أستاذي الفاضل أولا ألف حمد لله على سلامتك وال الحمد لله إنها جت في حديد مش في حضرتك
ثانيًا أستاذي الفاضل أنا متفق مع الاخوة اللي بينصحو بالبيع لإن حضرتك فعلا هتصرف كتير جدا وبرده العربية عمرها ماهتكون زي الأول
أنا برده كنت جايب معايا كورولا كاملة موديل 2009 من الامارات زي بتاعت حضرتك بس كان لونها أبيض وبرده عملت حادثة بس اصغر من بتاعت حضرتك بكتير جدا والعربية كلفتني حوالي 21 ألف جنيه وفضلت واقفة أكتر من شهر لحد ما الشغل اللي فيها خلص وبرده ماكانتش مظبوطة وفي الآخر بعتها وأنا بتحسر على اللي اتصرف عليها عشان جابتلي سعر أعلى وهي مخبوطة كانوا هيشتروها قطع غيار بس قدر الله وما شاء فعل
ربنا يصبرك يا فندم ويعينك على اتخاذ القرار اللي حضرتك شايفه صح
عندى سؤال برة الموضوع
العربية كورولا خليجي ٢٠٠٨ عاملة ٦٠ ألف كيلو
هل فى مشاكل قابلتك فى العربية من ساعة ما اشتريتها او عملت معاك اى حركة ؟
الف مليون سلامه
بص يا سيدي الحلول دي خدها عن خبره من الاخر والله وريح دماغك
العربيه لازم تتباع ليه
هتصرف كتيير وبدون حسابات الي يقول تتحسب بيكدب عليك لانها بتكون مليانه افلام وكل شويه بيتطلعلك حاجه جديده
وكفايه القرف بتاع الصنايعيه وياريت متجربوش وبعدين مستحيل ترجع زي مكانت
الحل
تبعها حوادث والمبلغ الي جاي منها والله احسن منها
عندي حل بس مش عارف حلاله من حرامه ؛ تجيب عربيه اختها من الامرات وهيكون سعرها اقل من تصليح عربيتك وبعدين تنقل رقم الشاسيه والموتور وكده ترجع زيرو زيرو وههكن تجبها 2013 وابسط يا عم وبتهيالي مش حرام لان العربيتين بتوعك وانت مالكهم والتانيه رجعها الامرات وممكن تبيع حاجات كتيره او تشيلها قطع غيار ليك وياريت لو هتعمل كده انا ممكن اشتري شويت حاجات وبتمنها عادي زي قشره التبلوه والمريات او فوانيس او اي حاجه ودا تليفون ياريت لو نويت تكلمني 01115718383 01005548470او او