-
الف سلامة على حضرتك وفى البداية طبعا اهم حاجة انك سليم والحمد لله
وقدر الله ما شاء الله والحمد لله على كل شئ
انا مع رائ الأخوة برده فى انك تبيع العربية
انا كنت عملت حادثة بالعربية بردة وكانت مش جامدة اوى وصرفت عليها 15 الف جنية بالظبط وكانت هيونداى ماتريكس 2006 كاملة وكانت والله عربية مش هعرف اعوضها تانى والحمد لله
على الرغم المصاريف اللى صرفتها عليها وكنت عامل حسابى انى اعملها واخليها معايا بردة ومش ابيعها
يعنى جبت ليها كل الأصلى ومش بخلت عليها بحاجة وقعدت حوالى شهرين قاعد جمبها واجيب قطع الغيار ليها وبينى وبينك قرفت من كتر اللف لما تلف اليوم كله على مسمار مثلا انتا مش لاقيه بتبقى فعلا تحس انك قرفت من العربية لان بيبقى عموما فى كل العربيات الحاجات الصغيرة صعب جدا انك تلاقيها وبتبقى مهمة بس هتعمل ايه بقى لازم تلف وبعد ماخلصت بردة ماتطلعتش مظبوطة وبعتها فى الاخر
عشان كده انا بنصح حضرتك انك تبيعها وترتاح من وجع الدماغ لانه والله وجع دماغ بجد انا بردة لما عملت الحادثة قولت فى بالى حاجات بسيطة لكن لما العربية اتفكت والشغل ابتدا فيها لقيت لمؤاخدة بلاعة اتفتحت
ريح بالك ودماغك واستحالة بجد ان العربية ترجع سليمة زى الاول وخصوصا ان العربية اتقلبت يعنى السقف وما ادراك ما عيوب السقف لو اتغير وماتعملش مظبوط اوى اوى ممكن تلاقى ازاز العربية اللى ورا او اللى قدام يتكسر لوحده ودى عن تجربة فى عربية واحد صاحبى وكانت هيونداى اكسيل
وفكر واحسبها صح
وتقبل مرورى
-
حسب مانا فاهم ان حضرتك عملت حادثة نتج عنها اللي في الصور
حمد لله على السلامة أولا
وفهمت ان حضرتك عاوز ترجعها زي الاول وان مفيهاش توتال loss :]
انا هقولك وبكل صراحة
حضرتك تقدر تصرف عليها فلوس محترمة وتصرف عليها من صحتك وحرقة دمك وقرفك وتتستحمل الشقى والبهدلة علشان ترجعها بس مش زي الاول
عاوز ترجعها زي الاول إبعتها للمصنع في جنوب أفريقيا او اليابان لأن هنا في مصر ماشية فهلوة
اظن ان الرسالة كده وصلت
-
قدر الله و ما شاء فعل حمد لله على سلامتك اولا
رأى الشخصى انك تبيعها
-
يا ساتر يارب...الحمد لله على سلامتك...ربنا يعوض عليك ويكفينا ويكفيك شر البلاوى..انا رأيى زى الاخوة اللى قالولك بيعها حوادث وريح بالك...راحة البال دى ليها تمنها والله
-
الف حمدلله على السلامه
بعد التحية
حمدلله على السلامة وربنا يعوضك خير ان شاء الله
زي ماذكر الاخوه اولا زكي او ضحي على انك طلعت سليم واغلب اللي بيحصلنا بعد النصيب والمكتوب ان الواحد فينا بيشتري العربية ومابيضحيش ولا بيزكي لما يجبها
ثانيا لو العربية فعلا عزيزه عليك ومش هتضايق نفسيا لو عملتها يبقى صلحها
وعشان ترجعها زي الاول مفيش غير حل وحيد انك تجيب عربية زيها تدور على عربية ليبي مثلا هيكون سعرها رخيص وتنقل رقم الشسيه عند حد محترف وتخلي عربيتك استبن ليك قطع غير وكدا او زي ماذكر اخ هنا تجيب وحده من الامارات وتنقل رقم الشاسيه برضه
لان العربيه لو الشاسيه بتاعها اتعوج صعب انه يرجع زي الاول ولو رجع زي الاول ومافيش اي مشاكل في ظبط الزاوايا وثبات العربيه هتكون مش بنفس القوة لو لا قدر الله عملت حادثه بيها
استخير ربنا وقرر لان فعلا العربية جميلة لكن للاسف قطع غيارها في مصر حاجه صعبة اغلى من ال بي ام مع انها في الخليج عاملة مثلا زي النوبيرا والانوس ربنا يرحمنا بقى من الاستغلال والجشع
-
أولا حمد الله على سلامتك وبجد كدة ربنا سترها معاك خالص وخرروجك سليم منها أحسن من 100 عربية
ثانيا هقولك رأيي استبعد تماما فكرة انك تصلح العربية لأن المستخبى اكتر بكتير من اللى انتا شايفه قدامك والصنايعية مهما كانت مهارتهم مش هيرجعوها زى الاول ده غير النصب والحوارات ده غير قطع الغيار الكتير اللى هيطلع عينك عشان تلاقيها واستغلال التجار لما يحس انك دايخ عالحاجة وخد عندك استغلال بقى فى المصنعيات ميكانيكى وسمكرى وبتاع بوهية و غيره وغيره هتلاقى المقايسة اللى بـ30 الف دخلت فى 60
يبقى مش قدامك غير حلين يا تبيع العربية حوادث بأعلى سعر وتستعوض ربنا فى الخسارة
يا تجيب عربية استيراد بورسعيد منطقة حرة(وده الحل اللى برجحهولك) نفس اللون من غير المتور والفتيس ، لو لقيتها مثلا ب 50000 يبقى تمام اوى وتشوف سمكرى يكون صنايعى يقص رقم الشاسيه من عربيتك ويركبه فى الجديدة وتحط فيها متورك وفتيسك القديم وده الحل الوحيد عشان تركب عربية جديدة تانى بأقل التكاليف وكمان عربيتك القديمة هتلاقى فيها حاجات كتير سليمة وتتباع
وربنا يوفقك ويلهمك القرار الصحيح
Content Relevant URLs by
vBSEO 3.6.0 PL2