الموضوع: اقوى مقارنة فى 2013 بين ستروين سى اليسيي والريو سيدان

دي آخر مشاركة في الموضوع و أنا موضح فيها كل حاجة :

1.الموتور فرنساوي 100 % ودة تطوير لموتور ال 307 وال c4
2. العربية تجميع أسباني
3.العربية نازلة بـ ABS و EBD و EBA و ASR
مفيش ESP

4.الفتيس ZF الماني و مفيش شركة اسمها BVA
5.العربية تعمل ببنزين 92
6. التسليم في شهر ابريل

7.العربية فعلا موجهة لاسواق نامية

بس مع احترامي مفيش مقارنة بينها و بين العربيات اللي تم ذكرها في الموضوع
زي siena و palio و logan و pointer
و اللي شافها عارف الكلام ده


8.العربية هي أكبر عربية في فئتها بقاعدة عجلات 2650 مم
و كمان أكبر شنطة في فئتها 506 لتر

9.العربية ملهاش أي علاقة بال elysee القديمة
لا platform ولا غيره

دي قاعدة عجلات جديدة و موتور تطوير لموتور ال c4 وال 307 اللي كان بيركب برده في ال elysee القديمة

10.العربية من أقوى العربيات كأداء في فئتها
هتزعل عربيات كتير تربو و عادي
بتسارع 9.4 للمانيوال و 10.8 للأوتو

11.العربية خاماتها ممتازة
الاحسن في فئتها وأحسن من حاجات كتير أغلى منها

المشكلة إن الناس بتقارن بينها و بين موديلات citroen التانية
و أكيد مش هتبقى زيهم

بص يا باشا لو وصلت لتمن الريو هيه لسه افضل من الريو كفاية ال abs + ebd + asr + eba + 2airbag

كل ده و لسه متكلمناش ع الاوبشن بتاعه العربيه

الريو الاوبشن فيها كتير ناقص يقولك زغزغه فى الكراسى و تدليك القدمين بس كل ده هينفعك فى ايه فى وقت خطر او وقت زنقة ولا حاجة
الريو اخرها abs + فتحه سقف لو موقفتش تنط من فوق على طوووول زى الطيارات

غير ان سيتروين لما بتحجز السعر مبيرفعش عليك غير ان لو سعرها بعد الزياده الى مش هاتبقى مره واحده بقى زى تمن الريو دلوقتى يبقى توقع ان الريو تمنها ساعتها هيبقى 150 الف و يقولك زودنا فيها ليداية و ولاعه

العربيتين شكلهم جميل و الإتنين بياخدوا 92

شوف إنت بقى عايز إيه ؟

لو عاوز option زيادة
زي فوانيس led و فتحة سقف و مرايات ضم و مثبت سرعة و keyless entry
و سعر اعادة بيع
و قطع غيار منتشرة أكتر (بس مش رخيصة)
وتوكيل أحسن و مراكز خدمة كتير
يبقى هات ال rio


لو عاوز خامات أعلى
سعر أقل
أداء أعلى و موتور أقوى
عوامل أمان أكتر زي ASR و EBA
عربية اوسع و شنطة أكبر

يبقى عندك ال Elysee

وعلى فكرة لحد دلوقتي فيه 3 حجزوا العربية من المنتدى هنا
يعني العربية أنا حاسس إنها هتعمل مبيعات كويسة و هتبدأ حاجتها تنتشر
خصوصا لو فضلت بتمنها

بالنسبة لإعتمادية الفرنساوي :

أنا هكلمك على ال C4

دي الحاجات اللي مشهور إنها بتتغير
الحاجات دي ممكن تحصل و ممكن لأ

1. electrovalve الفتيس

دي كانت مشهورة في الفتايس الأوتو بتاعت 2005-2007

2.كتاوت الدينامو ودي بحوالي 300-400 جنيه

لما الفولت بيعلى بيطلع errors كتير في العربية
ودة ساعات بيكون السبب إن الطلمبة تتحرق
الكلام ده فوق ال 80 ألف (على كم عالي يعني )

3.طلمبة بنزين

ساعات بتحتاج يتغير الموتور بتاعها أو تشتري واحدة جديدة
الكلام ده فوق ال 80 ألف برده
والموتور ده bosch بـ 200 جنيه

4.تيوش ميزان

بـ 250-300 جنيه
حسب الإستخدام ,ملهاش وقت معيَّن
بس مش بتحصل بدري برضه

عمركم شفتوا حيادية و صراحة أكتر من كده :)

فيه عضو معانا في المنتدى هنا معدي ال 230 ألف بـ C4
ده غير إن معظم ملاك ال c4 معانا هنا معاديين ال 100 وال 150 ألف
معظم ال c4 في مصر أصلا معدي ال 100 ألف

العربية عادية جدا مش زي ما الناس فاهمة يعني
لا هي معقدة ولا حاجة و مشاكلها معروفة
بس ليها ناسها اللي بيشتغلوا فيها
بدام مابتخليش حد يفتي فيها , عمرها ما هتقل معاك


و أكيد ال elysee مش هتبقى اعقد من ال C4
متخافش يعني :)

المشاركة الأصلية كتبت بواسطة ahmed-adel

بالنسبة لإعتمادية الفرنساوي :

أنا هكلمك على ال C4

دي الحاجات اللي مشهور إنها بتتغير
الحاجات دي ممكن تحصل و ممكن لأ

1. electrovalve الفتيس

دي كانت مشهورة في الفتايس الأوتو بتاعت 2005-2007

2.كتاوت الدينامو ودي بحوالي 300-400 جنيه

لما الفولت بيعلى بيطلع errors كتير في العربية
ودة ساعات بيكون السبب إن الطلمبة تتحرق
الكلام ده فوق ال 80 ألف (على كم عالي يعني )

3.طلمبة بنزين

ساعات بتحتاج يتغير الموتور بتاعها أو تشتري واحدة جديدة
الكلام ده فوق ال 80 ألف برده
والموتور ده bosch بـ 200 جنيه

4.تيوش ميزان

بـ 250-300 جنيه
حسب الإستخدام ,ملهاش وقت معيَّن
بس مش بتحصل بدري برضه

عمركم شفتوا حيادية و صراحة أكتر من كده :)

فيه عضو معانا في المنتدى هنا معدي ال 230 ألف بـ C4
ده غير إن معظم ملاك ال c4 معانا هنا معاديين ال 100 وال 150 ألف
معظم ال c4 في مصر أصلا معدي ال 100 ألف

العربية عادية جدا مش زي ما الناس فاهمة يعني
لا هي معقدة ولا حاجة و مشاكلها معروفة
بس ليها ناسها اللي بيشتغلوا فيها
بدام مابتخليش حد يفتي فيها , عمرها ما هتقل معاك


و أكيد ال elysee مش هتبقى اعقد من ال C4
متخافش يعني :)

أ/ احمد انا موش عارف اشكرك ازاى على المشاركة الجميلة دى وفعلا انا تابعت الموضوع فى قسم ستروين وحضرتك بتتكلم بمنتهى الواقعية بس فى حاجة صغيرة جدا الستروين بشكل عام فى مصر مظلومة جدا وعربيتها كلها يا اما غالية اوى او زى elysee ومع ذلك انا مقتنع جدا بيها بس ما عنديش استعداد ان يتجرب فيا الصراحة وخاصتا ان دى اول عربية زيرو اجيبها ولك تحياتى على الفنيات اللى حضرتك ذكرتها.

المشاركة الأصلية كتبت بواسطة kliken

رأى الشخصى ان السيتروين هتستمتع بيها اكتر كركوبه و متعه قياده بس العربيه لسه جديده و ما حدش لسه يعرف عيوبها او مشاكلها

ميرسى ليك م/ محمد بس زى ما انتا قولت العربية جديدة وما اتجربتش