الموضوع: اقوى مقارنة فى 2013 بين ستروين سى اليسيي والريو سيدان

انا حجزت الاليزيه بس الناس بتخوفني من قطع الغيار ونزول الاسعار عند البيع مع العلم انه 0كان معايا اوبل فيكترا2008 وهل في فرق بين الاتنين وجزاكم الله خيرا

العجيب فى الامر واللى مخلى الواحد مندهش ان الجميع بيشكر فى الخامات الداخلية للستروين مع انها لسه منزلتش ومحدش شافها كويس
شوف يا برنس نصيحة لوجه الله أشترى لنفسك وللسوق
العربيات الفرنساوى عربيـــــــــــات تعبانة مللللللللللللللللللله لا هى اعتمادية و اعطالها محدش بيفهم فيها شوية مطر جامد تلاقى مشاكل فى كهربة العربية ( واحد اعرفه عنده عربية فلوينس ) المطر كان شديد العدادات فصلت والكهربا فصلت وموش عارف فيه ايه بالظبط وقطع غيار تلف وتدوخ لحد ما تلاقيها واذا لقتها تلقيها نار جهنم واعتمادية فى البتنجان وسعر اعادة بيع فى الضيـــــــــــاع هو الواحد بيجيب عربية علشان تقرفه وله تريحه ويوم ما تعطل يلاقى الواد بتنجانة الميكانيكى بيفهم فيها
الخلاصة اشترى لنفسك وللسوق وجرب بنفسك ومتسمعش كلام حد ( نصيحة من مجرب )
ووسائل امان ايه والله لو الواحد مكتوبله الموت هيشوفه هيشوفه ( ولو كنتم فى بروج مشيدة )
حبي واحترامى وانا عارف ان فيه ناس هتزعل بس انتا مبتدفعش مبلغ صغير علشان هتخسر كتير فى اعادة البيع

المشاركة الأصلية كتبت بواسطة khaabas

العجيب فى الامر واللى مخلى الواحد مندهش ان الجميع بيشكر فى الخامات الداخلية للستروين مع انها لسه منزلتش ومحدش شافها كويس

اللي اتكلم شافها في المعرض حضرتك
وعلى فكرة العربية موجودة من أكتر من شهر في أبو رواش

لو إنت معندكش فكرة بقى دي حاجة تانية

المشاركة الأصلية كتبت بواسطة khaabas

العربيات الفرنساوى عربيـــــــــــات تعبانة مللللللللللللللللللله لا هى اعتمادية و اعطالها محدش بيفهم فيها شوية مطر جامد تلاقى مشاكل فى كهربة العربية ( واحد اعرفه عنده عربية فلوينس ) المطر كان شديد العدادات فصلت والكهربا فصلت وموش عارف فيه ايه بالظبط وقطع غيار تلف وتدوخ لحد ما تلاقيها واذا لقتها تلقيها نار جهنم واعتمادية فى البتنجان وسعر اعادة بيع فى الضيـــــــــــاع هو الواحد بيجيب عربية علشان تقرفه وله تريحه ويوم ما تعطل يلاقى الواد بتنجانة الميكانيكى بيفهم فيها

لو ال fluence وحشة قوي كده زي ما إنت بتقول
إزاي البلد مليانة fluence

شوية مطر إيه اللي يخلو الكهربا تفصل ؟؟!!!!!!!!!!!!

بالنسبة لقطع الغيار , كل الأوروبي الجديد بلا استثناء حاجته مابتلاقيهاش بسهولة
مش الفرنساوي بس

وبرده كل الأوروبي قطع غياره أعلى من الكوري
بس الفرنساوي مش ناااار ولا حاجة

يا ريت تجرب قبل ما تحكم

المشاركة الأصلية كتبت بواسطة khaabas

ووسائل امان ايه والله لو الواحد مكتوبله الموت هيشوفه هيشوفه ( ولو كنتم فى بروج مشيدة)

بجد مش عارف أقول إيه ؟!!!!!!!!!
ماهو ربنا برده قال ناخد بالأسباب , ولا إيه ؟؟

المشاركة الأصلية كتبت بواسطة khaabas

حبي واحترامى وانا عارف ان فيه ناس هتزعل بس انتا مبتدفعش مبلغ صغير علشان هتخسر كتير فى اعادة البيع

مفيش زعل ولا حاجة
احنا أول ناس قلنا إن اعادة بيعها أقَل من الكوري :)

بس برده بتاخد عفشة محترمة مش مراجيح
و عوامل أمان ممتازة
و خامات أفضل

وكل واحد يشوف هو عاوز إيه ؟؟

انا في راي لو العربية هتقعد معاك لوقت طويل اشتري الستروين

تصحيح للاخوه اللي بيتكلموا عن الريو ووسائل الامان في الريو

يا احبائي الكرام الريو هاي لاين فيها ABS و EBD و 2 ايرباج مش اخرها ABS بس زي ما الاستاذ بيقول

المشاركة الأصلية كتبت بواسطة AlGazar2

بص يا باشا لو وصلت لتمن الريو هيه لسه افضل من الريو كفاية ال abs + ebd + asr + eba + 2airbag

كل ده و لسه متكلمناش ع الاوبشن بتاعه العربيه

الريو الاوبشن فيها كتير ناقص يقولك زغزغه فى الكراسى و تدليك القدمين بس كل ده هينفعك فى ايه فى وقت خطر او وقت زنقة ولا حاجة
الريو اخرها abs + فتحه سقف لو موقفتش تنط من فوق على طوووول زى الطيارات

غير ان سيتروين لما بتحجز السعر مبيرفعش عليك غير ان لو سعرها بعد الزياده الى مش هاتبقى مره واحده بقى زى تمن الريو دلوقتى يبقى توقع ان الريو تمنها ساعتها هيبقى 150 الف و يقولك زودنا فيها ليداية و ولاعه

ياريت نعرف مواصفات العربيات بعد كده نتكلم ده لو عايز حيادية

يبقى راجع الموضوع ده وشوف وسائل الامان :
http://www.nilemotors.net/Nile/332453-c-elysee.html

مكتوب ABS بس !!!!!!!!!!!!!!!!!!!!!!!!!!!!!!!!!!! يبقى فين كل وسائل الامان اللي حضرتك كتبتها ؟ انت نقلتها من موقع اجنبي ؟ دي مش المواصفات المصرية العربية نازلة مصر بـABS بس بحسب التقرير اللي فوق ياريت تراجعه

يبقى وسائل الامان بحسب المواصفات المصرية لسيتروين سي اليسي اعلى فئة والريو هاي لاين بحسب تقرير السيارة سيتروين في مصر : http://www.nilemotors.net/Nile/332453-c-elysee.html

السيتروين (اعلى فئة) :
ABS
2 ايرباج

الريو (اعلى فئة) :
ABS
EBD
2 ايرباج

وما ادراك وما الـElectronic brakeforce distribution :)

الريو تكسب في وسائل الامان برضة يا احبائي

بص حضرتك :)

أنا هرد على نقطة واحدة بس

ال elysee فيها ABS + EBD + EBA وكمان ASR
دي اللي بتنزل مصر , بره فيها ESP + TC كمان
و تقدر تتأكد بنفسك من التوكيل لو حابب
و كل ده ستاندرد مش في آخر فئة بس

ال brochure مش مكتوب فيه EBD ولا EBA فعلا
توكيل تعبان في التسويق
ال brochures بتاعتهم فيها غلطات كتير بالذات في الوزن ورقم التسارع

ال opel astra برده مش مكتوب إن فيها EBD ولا EBA
اصلا مفيش شركة اوروبي بتنزل module فيه ABS بس !!!!!!!!!!

المشاركة الأصلية كتبت بواسطة ahmed-adel

بص حضرتك :)

أنا هرد على نقطة واحدة بس

ال elysee فيها ABS + EBD + EBA وكمان ASR
دي اللي بتنزل مصر , بره فيها ESP + TC كمان
و تقدر تتأكد بنفسك من التوكيل لو حابب
و كل ده ستاندرد مش في آخر فئة بس

ال brochure مش مكتوب فيه EBD ولا EBA فعلا
توكيل تعبان في التسويق
ال brochures بتاعتهم فيها غلطات كتير بالذات في الوزن ورقم التسارع

ال opel astra برده مش مكتوب إن فيها EBD ولا EBA
اصلا مفيش شركة اوروبي بتنزل module فيه ABS بس !!!!!!!!!!

بتتكلم بجد يا استاذ احمد ؟ التوكيل مش كاتب مواصفات العربية صح وكاتبها غلط واحنا اللي صح ؟ يعني التوكيل غلطان في كتابة مواصفات عربيته اللي منزلها واللي متفق عليها مع الشركة الام ؟ هو حضرتك كشفت على العربية علشان تعرف ان فيها الخصائص دي والتوكيل مش كاتبها او مش عارفها ؟

ثم ايه الفكره يعني لما ميكتبش مميزات عربيته اللي ممكن ترفعها للسما فوق ؟ هو عايز يبيع وده هيزود بيعه ازاي مميزات مش مكتوبة في البروشور الخاص بالعربية ؟ ده ياراجل بيكون في البروشور عايز يقول لك العربية قربت تطير