انا حجزت الاليزيه بس الناس بتخوفني من قطع الغيار ونزول الاسعار عند البيع مع العلم انه 0كان معايا اوبل فيكترا2008 وهل في فرق بين الاتنين وجزاكم الله خيرا
رقم العضوية : 28151
تاريخ التسجيل : 21Dec2008
المشاركات : 5,098
النوع : ذكر
الاقامة : Cairo, 5th Settlement
السيارة: N/A
السيارة[2]: Hyundai Elantra HD
دراجة بخارية: N/A
الحالة :
الخامات الداخليه على كلام الناس ان الفرنسي يكسب على المدى الطويل من ناجية تغيير اللون وقابليته للخدش. دي حاجات انا بعاني منها دلوقتي ماكنتش باينه قبل كده بس مع الوقت بتبان.
بالنسبه للتوكيل انا مش عارف حاجه عن عز العرب بس أتمنى انه يطور ويحسن نفسه وده هيبان من خلال تسويقه للعربيه والعروض.
الحاجه الي تقلق فعلا هي زيادة سعر العربيه خاصة مع ظروف البلد يعني اكيد اكيد الاسعار هتزيد بس قد ايه بقى هو ده المهم.
وانا الي متشكر عشان استفدت من الموضوع ده كتير
رقم العضوية : 137171
تاريخ التسجيل : 24Mar2013
المشاركات : 7
النوع : ذكر
الاقامة : مدينة السادات
السيارة: اوبل فيكترا
السيارة[2]: اوبل فيكترا
الحالة :
انا حجزت الاليزيه بس الناس بتخوفني من قطع الغيار ونزول الاسعار عند البيع مع العلم انه 0كان معايا اوبل فيكترا2008 وهل في فرق بين الاتنين وجزاكم الله خيرا
رقم العضوية : 14995
تاريخ التسجيل : 22Jul2008
المشاركات : 2,018
النوع : ذكر
الاقامة : بورسعيد
السيارة: chery a11
السيارة[2]: Accent Rb
دراجة بخارية: no
الحالة :
العجيب فى الامر واللى مخلى الواحد مندهش ان الجميع بيشكر فى الخامات الداخلية للستروين مع انها لسه منزلتش ومحدش شافها كويس
شوف يا برنس نصيحة لوجه الله أشترى لنفسك وللسوق
العربيات الفرنساوى عربيـــــــــــات تعبانة مللللللللللللللللللله لا هى اعتمادية و اعطالها محدش بيفهم فيها شوية مطر جامد تلاقى مشاكل فى كهربة العربية ( واحد اعرفه عنده عربية فلوينس ) المطر كان شديد العدادات فصلت والكهربا فصلت وموش عارف فيه ايه بالظبط وقطع غيار تلف وتدوخ لحد ما تلاقيها واذا لقتها تلقيها نار جهنم واعتمادية فى البتنجان وسعر اعادة بيع فى الضيـــــــــــاع هو الواحد بيجيب عربية علشان تقرفه وله تريحه ويوم ما تعطل يلاقى الواد بتنجانة الميكانيكى بيفهم فيها
الخلاصة اشترى لنفسك وللسوق وجرب بنفسك ومتسمعش كلام حد ( نصيحة من مجرب )
ووسائل امان ايه والله لو الواحد مكتوبله الموت هيشوفه هيشوفه ( ولو كنتم فى بروج مشيدة )
حبي واحترامى وانا عارف ان فيه ناس هتزعل بس انتا مبتدفعش مبلغ صغير علشان هتخسر كتير فى اعادة البيع
رقم العضوية : 89472
تاريخ التسجيل : 24Feb2011
المشاركات : 2,201
النوع : ذكر
الاقامة : ---
السيارة: ---
السيارة[2]: ---
دراجة بخارية: ---
الحالة :
اللي اتكلم شافها في المعرض حضرتك
وعلى فكرة العربية موجودة من أكتر من شهر في أبو رواش
لو إنت معندكش فكرة بقى دي حاجة تانية
لو ال fluence وحشة قوي كده زي ما إنت بتقول
إزاي البلد مليانة fluence
شوية مطر إيه اللي يخلو الكهربا تفصل ؟؟!!!!!!!!!!!!
بالنسبة لقطع الغيار , كل الأوروبي الجديد بلا استثناء حاجته مابتلاقيهاش بسهولة
مش الفرنساوي بس
وبرده كل الأوروبي قطع غياره أعلى من الكوري
بس الفرنساوي مش ناااار ولا حاجة
يا ريت تجرب قبل ما تحكم
بجد مش عارف أقول إيه ؟!!!!!!!!!
ماهو ربنا برده قال ناخد بالأسباب , ولا إيه ؟؟
مفيش زعل ولا حاجة
احنا أول ناس قلنا إن اعادة بيعها أقَل من الكوري :)
بس برده بتاخد عفشة محترمة مش مراجيح
و عوامل أمان ممتازة
و خامات أفضل
وكل واحد يشوف هو عاوز إيه ؟؟
رقم العضوية : 27529
تاريخ التسجيل : 13Dec2008
المشاركات : 763
النوع : ذكر
الاقامة : cairo
السيارة: corolla 02 & waja 2006
السيارة[2]: jetta 2008
دراجة بخارية: NA
الحالة :
انا في راي لو العربية هتقعد معاك لوقت طويل اشتري الستروين
رقم العضوية : 124340
تاريخ التسجيل : 08May2012
المشاركات : 1,852
النوع : ذكر
الاقامة : na
السيارة: NA
السيارة[2]: BMW X1 Sport
دراجة بخارية: na
الحالة :
تصحيح للاخوه اللي بيتكلموا عن الريو ووسائل الامان في الريو
ياريت نعرف مواصفات العربيات بعد كده نتكلم ده لو عايز حيادية
يا احبائي الكرام الريو هاي لاين فيها ABS و EBD و 2 ايرباج مش اخرها ABS بس زي ما الاستاذ بيقول
يبقى راجع الموضوع ده وشوف وسائل الامان :
http://www.nilemotors.net/Nile/332453-c-elysee.html
مكتوب ABS بس !!!!!!!!!!!!!!!!!!!!!!!!!!!!!!!!!!! يبقى فين كل وسائل الامان اللي حضرتك كتبتها ؟ انت نقلتها من موقع اجنبي ؟ دي مش المواصفات المصرية العربية نازلة مصر بـABS بس بحسب التقرير اللي فوق ياريت تراجعه
يبقى وسائل الامان بحسب المواصفات المصرية لسيتروين سي اليسي اعلى فئة والريو هاي لاين بحسب تقرير السيارة سيتروين في مصر : http://www.nilemotors.net/Nile/332453-c-elysee.html
السيتروين (اعلى فئة) :
ABS
2 ايرباج
الريو (اعلى فئة) :
ABS
EBD
2 ايرباج
وما ادراك وما الـElectronic brakeforce distribution :)
الريو تكسب في وسائل الامان برضة يا احبائي
رقم العضوية : 89472
تاريخ التسجيل : 24Feb2011
المشاركات : 2,201
النوع : ذكر
الاقامة : ---
السيارة: ---
السيارة[2]: ---
دراجة بخارية: ---
الحالة :
بص حضرتك :)
أنا هرد على نقطة واحدة بس
ال elysee فيها ABS + EBD + EBA وكمان ASR
دي اللي بتنزل مصر , بره فيها ESP + TC كمان
و تقدر تتأكد بنفسك من التوكيل لو حابب
و كل ده ستاندرد مش في آخر فئة بس
ال brochure مش مكتوب فيه EBD ولا EBA فعلا
توكيل تعبان في التسويق
ال brochures بتاعتهم فيها غلطات كتير بالذات في الوزن ورقم التسارع
ال opel astra برده مش مكتوب إن فيها EBD ولا EBA
اصلا مفيش شركة اوروبي بتنزل module فيه ABS بس !!!!!!!!!!
رقم العضوية : 65980
تاريخ التسجيل : 23Mar2010
المشاركات : 2,341
النوع : ذكر
الاقامة : 6 اكتوبر والزقازيق
السيارة: corolla 2008 high line
السيارة[2]: proton gen 2
دراجة بخارية: لايوجد
الحالة :
هوة انا لية حاسس ان فى ناس كتير بتتكلم من غير ما تبقى عارفة اى حاجة فى اى حاجة
لمجرد ان اسم عربيتها جة فى مقارنة او لفرد عضلات معلوماتية خاظئة او ............... الخ
يا جماعة احنا لية لما مبنعرفش نقول منعرفش ونحاول نعرف من اللى عندة معلومة اكيدة ؟؟؟
لية لما منعرفش دايما بنقول عــــــــــــــــــــدس ؟؟؟
الراجل ahmed adel واضح اوى انة مش معاة العربية يعنى مفيش تحيز
وواضح اوى بردة من خلال كلامة فى الموضوع دة او عن التقرير السابق ذكرة واللى قريتة كلة واستمتعت بصراحة بردودة الواثقة لدرجة ان فى اعضاء دخلوا معاة فى جدال ولما اكتشفوا انهم عـــــــــــــــدس انسحبوا فى هدوء
يا اخوانا حتى لا نذيد حيرة السائل
اللى يعرف معلومة مؤكدة يقولها واللى ميعرفش
يستمع لعلة يستفيد
وشكرا لكم
تحياتى
وانا عن نفسى معرفش حاجة عن العربية غير ان شكلها عاجبنى جداااااااا وكمالياتها والاهم من دة كلة انها اوروبى وسعرها هاااااااااااااااااااااااا اايل
نفسى نغير ثقافة انى قبل ما اشترى الحاجة افكر فى بيعها ؟
لية مشتريش علشان امتع نفسى بركوبة محترمة
[sor2]http://img534.imageshack.us/img534/7595/resize63.jpg[/sor2]
رقم العضوية : 124340
تاريخ التسجيل : 08May2012
المشاركات : 1,852
النوع : ذكر
الاقامة : na
السيارة: NA
السيارة[2]: BMW X1 Sport
دراجة بخارية: na
الحالة :
بتتكلم بجد يا استاذ احمد ؟ التوكيل مش كاتب مواصفات العربية صح وكاتبها غلط واحنا اللي صح ؟ يعني التوكيل غلطان في كتابة مواصفات عربيته اللي منزلها واللي متفق عليها مع الشركة الام ؟ هو حضرتك كشفت على العربية علشان تعرف ان فيها الخصائص دي والتوكيل مش كاتبها او مش عارفها ؟
ثم ايه الفكره يعني لما ميكتبش مميزات عربيته اللي ممكن ترفعها للسما فوق ؟ هو عايز يبيع وده هيزود بيعه ازاي مميزات مش مكتوبة في البروشور الخاص بالعربية ؟ ده ياراجل بيكون في البروشور عايز يقول لك العربية قربت تطير
رقم العضوية : 89472
تاريخ التسجيل : 24Feb2011
المشاركات : 2,201
النوع : ذكر
الاقامة : ---
السيارة: ---
السيارة[2]: ---
دراجة بخارية: ---
الحالة :
أنا مش عارف الحقيقة إذا كان كلامك ده سخرية ولا بتتكلم بجد ؟؟
أنا اتكلمت معاهم في المعرض بخصوص الموضوع ده
أنا هفرض حسن النية :)
mohab.nabil كان معايا ساعتها
ال brochures فيها أرقام وزن و acceleration مش مظبوطة
ده غير مواصفات ال elysee
وكانوا قالولي هنصلحها
اللي حابب يتأكد من الكلام
يقدر يكلم george 01006115007
ده ال head بتاع ال sales
طب أقولك التقيلة بقى :)
العربية اللي كانوا عارضينها في المعرض نفسها كانت ناقصة حاجات , تخيل ؟؟!!!!!!
كانت ناقصة التكييف التتش و مسند اليد
عمرك شفت توكيل بيعرض عربية في معرض بمواصفات أقل !!!!!!!!
بقولك ده توكيل فاشل في التسويق :)
أقولك على حاجة تاني
جرب روح فرع العجوزة كده واسأله على brochure بتاع أي عربية
غالبا مش هتلاقي و حصلت مع عضو هنا كان بيسأل عال ds5
مع إن مفيش غير فرعين , تخيل ؟؟
والله الحقيقة مش عارف ده جهل ولا اهمال ولا إيه ؟؟
أو ممكن عشان معاه كذا توكيل
معاه proton و jeep و volvo و citroen و chrysler و dodge
ده غير الموتسيكلات kawasaki و peugeot scooters
المفضلات