الموضوع: زواج المصري من أجنبية.. ليه؟

المشاركة الأصلية كتبت بواسطة kareem_Ashmawy

فيه مثل انا مؤمن بيه جدا

ساعت ما ييجى القضاء من السما..ينزل على العريس العما

لا تقولى بأه حلوة و لا وحشة و لا مصرية و لا أجنبية
هتلبس فى اللى مكتوبالك و انتى هتلبسى فى اللى مكتوبليك
وكل واحد فيهم بيبقى فرحان و أخر انشكااااااااااااااااااااا اااااااااااح

و هما سنتين و الاتنين يقعدوا يقولوا ما انا كنت بعقلى
حد عاقل يعمل فى نفسه كده
و لو ما اتجوزوش البنت او الولد
برده يقعدوا يعيطوا
محدش عجبه حاجة
.
.

وحياتك بقول ما انا كنت بعقلى من دلوقتى و انا حتى لسه اخرى اسمي مخطوبة :p

المشاركة الأصلية كتبت بواسطة birdybirdy

اولاً رغم ان حضرتك اتهمتني بالظلم وقلت اني اتريقت على الإسم وده محصلش ابدا ولو رجعت لمشاركتي هاتلاقيني اعتذرت بشدة واتأسفت وقلت انا قريت الاسم غلط والعتب علي النظر (اتريقت علي نظري انا مش علي الاسم) وثانياً بالنسبة لموضوع ضرب النار احب افكرك ان حضرتك اللي بدأت بمقولة (اوعي ضرب النار) ولما علا حطت رمز المشنقة وانا رديت وقلت (Vote) كان المقصد الدعابة والهزار وتخفيف حدة الحوار مش اكتر وفي كل ردودي هاتلاقيني قلت مفيش مشكلة ان الشاب المصري يتجوز اجنبية هو حر يفعل مايشاء بس ميخسفش بالبنات المصريات الأرض ويطلعهم معاقين ذهنياً وبدنياً ونفسياً وفي نفس الوقت مانتحيزش للأجنبية اوي نطلعها ملاك لإننا كلنا بشر فينا الكويس وفينا الوحش بغض النظر بقي عن الجنسية او الديانة او حتى لون البشرة.
وعموما تقبل اسفي مرة اخري على اني قريت اسمك غلط وانا عارفة ان ده النطق السيلم لإسم الرسول عليه الصلاة والسلام وده اكتر اسم بحبه في حياتي ويايرت كل اللي اسمه محمد يكتب اسمه زيك كده كما انزل في القرآن فعلاً

وتقبل تحياتي واسفة على الهزار اللي ضايق حضرتك واشعل الحريق في الموضوع.




ميرسي اوي لرد حضرتك الايجابي وثقة حضرتك الشديدة فيا ودي شهادة اعتز بيها واعلقها وسام علي صدري ياستاذ احمد وانا وضحت فوق اللي حصل بالضبط.

معلش ياجماعة معذرة بس انا كنت توقفت عن الرد او المشاركة في الموضوع ده لأني حسيت بإحباط شديد واهانة شديدة اوي من بعض الشباب اللي طلعوا في البنت المصرية القطط الفاطسة وحسسونا ان اي بنت من اي بلد تانية تبقي برقبتها وتستاهل ان الواحد يتجوزها ويسيب المصرية تعنس وكإن البنت المصرية ليس لها اي قيمة تماما رغم ان كلكوا شباب عايشين في مصر وعائلاتكوا كلها مصرية وكمان حواليكوا بنات مصريين كتير
بس احنا عموما شباب وبنات عندنا فعلا مشكلة التعميم البنت لو مرت بتجربة او اتنين سيئين تقولك كل الرجالة وحشين والراجل برده يقولك كل البنات وحشين وخاينين

بالنسبة للأخ اللي قال البنات المصريات ميصلحوش للزواج (طب سؤال يصلحوا لإيه بالضبط في وجهة نظرك) عشان نشوف ايه اللي نصلحله ده يمكن يكون افيد من الجواز ونعمله.

واسفة على لهجة الاسي اللي في كلامي بس فعلا انا احبطت اكتر واكتئبت اكتر ونفسيتي بقت في الارض بس طبعا مش بس بسبب الردود الهجومية علي بنات مصر لكن في اسباب اخري مفيش مجال لذكرها هنا.

وتحياتي ليكم جميعاً

على فكرة لسة فية شباب حيتجوز مصريات و انا منهم بالرغم انى حصل موضوع لا داعى لذكرة بس كان اختيارى انا غلط مش معنى كدة ان كل البنات وحشة و كمان عايز اقوووول حاجة لما كل الشباب المصرى يتجوزو اجانب البنات المصريات (حتلاقى فيهم اخواتك و بنات عمك وبنات خلانك ) حيعملو اية ؟؟؟؟
و كل واحد يشوف ابهاتنا اتجوزو مين حتلاقيهم مصريات

المشاركة الأصلية كتبت بواسطة mo7amed_omara

الحمد الله ان الموضوع مش سهل علشان الشباب المصرى ميجريش على الموضوع دة

ياسيدي حتى لو جريوا وراه بنات مصر مش هاتعنس عشان كام شاب اتجوزوا اجنبيات يعني زي مأشار الاخوة دول نسبة قليلة فقط اللي بينجحوا واللي بيفشل منهم بيرجع يتجوز مصرية عادي جدا.
كل بنت نصيبها بيبقي مكتوبلها من قبل ماتتولد يعني لو رجالة مصر كلها اتجوزوا اجنبيات فمتقلقش بنات مصر ليهم نصيب لسة عند ربنا لو مكنش في الدنيا فموجود في الجنة ان شاء الله ربنا يكرمنا وندخلها.
ومتقلقش برده في شباب في مصر عمرهم مايفكروا في بنت اجنبية حتى لو هي ايه ويسيبها ويتجوز مصرية وفي اكتر من حد رد هنا وقال ده بنفسه.
وعلي فكرة انا اتقدملي شاب مصري عاش طول عمره بره وسفر ولف العالم وجه مصر يتجوز ولما سألته متجوزتش اجنبية ليه قالي الاجنبية مناسبتنيش تماماً في كل سلوكياتها وطباعها مع ان في منهم كتير كانوا شغالين معايا وزي اخواتي وفي بينا مودة وكل شئ لكن اتجوزها لأ انا نزلت مصر عشان اتجوز بنت مصرية.

المشاركة الأصلية كتبت بواسطة birdybirdy

اولاً رغم ان حضرتك اتهمتني بالظلم وقلت اني اتريقت على الإسم وده محصلش ابدا ولو رجعت لمشاركتي هاتلاقيني اعتذرت بشدة واتأسفت وقلت انا قريت الاسم غلط والعتب علي النظر (اتريقت علي نظري انا مش علي الاسم) وثانياً بالنسبة لموضوع ضرب النار احب افكرك ان حضرتك اللي بدأت بمقولة (اوعي ضرب النار) ولما علا حطت رمز المشنقة وانا رديت وقلت (Vote) كان المقصد الدعابة والهزار وتخفيف حدة الحوار مش اكتر وفي كل ردودي هاتلاقيني قلت مفيش مشكلة ان الشاب المصري يتجوز اجنبية هو حر يفعل مايشاء بس ميخسفش بالبنات المصريات الأرض ويطلعهم معاقين ذهنياً وبدنياً ونفسياً وفي نفس الوقت مانتحيزش للأجنبية اوي نطلعها ملاك لإننا كلنا بشر فينا الكويس وفينا الوحش بغض النظر بقي عن الجنسية او الديانة او حتى لون البشرة.
وعموما تقبل اسفي مرة اخري على اني قريت اسمك غلط وانا عارفة ان ده النطق السيلم لإسم الرسول عليه الصلاة والسلام وده اكتر اسم بحبه في حياتي ويايرت كل اللي اسمه محمد يكتب اسمه زيك كده كما انزل في القرآن فعلاً

وتقبل تحياتي واسفة على الهزار اللي ضايق حضرتك واشعل الحريق في الموضوع.




ميرسي اوي لرد حضرتك الايجابي وثقة حضرتك الشديدة فيا ودي شهادة اعتز بيها واعلقها وسام علي صدري ياستاذ احمد وانا وضحت فوق اللي حصل بالضبط.

معلش ياجماعة معذرة بس انا كنت توقفت عن الرد او المشاركة في الموضوع ده لأني حسيت بإحباط شديد واهانة شديدة اوي من بعض الشباب اللي طلعوا في البنت المصرية القطط الفاطسة وحسسونا ان اي بنت من اي بلد تانية تبقي برقبتها وتستاهل ان الواحد يتجوزها ويسيب المصرية تعنس وكإن البنت المصرية ليس لها اي قيمة تماما رغم ان كلكوا شباب عايشين في مصر وعائلاتكوا كلها مصرية وكمان حواليكوا بنات مصريين كتير
بس احنا عموما شباب وبنات عندنا فعلا مشكلة التعميم البنت لو مرت بتجربة او اتنين سيئين تقولك كل الرجالة وحشين والراجل برده يقولك كل البنات وحشين وخاينين

بالنسبة للأخ اللي قال البنات المصريات ميصلحوش للزواج (طب سؤال يصلحوا لإيه بالضبط في وجهة نظرك) عشان نشوف ايه اللي نصلحله ده يمكن يكون افيد من الجواز ونعمله.

واسفة على لهجة الاسي اللي في كلامي بس فعلا انا احبطت اكتر واكتئبت اكتر ونفسيتي بقت في الارض بس طبعا مش بس بسبب الردود الهجومية علي بنات مصر لكن في اسباب اخري مفيش مجال لذكرها هنا.

وتحياتي ليكم جميعاً

معظم الهجوم مش على البنات نفسهم, بقدر ماهو على الأهل و طلباتهم و المقارنة بين نفسهم و بين غيرهم من ناحية الماديات...

لو فعلا عاوزين نعمل حاجة مفيدة و تبقا عمل ايجابي بدل ما احنا قاعدين نتبادل الاتهامات... ممكن البنات يعملوا نوع من التوعية و التغيير لأفكار أهلهم في الموضوع ده, لأن ياما جوازات حلوة جدا و الأهل يبوظوها بحكمتهم المعهودة في مثل هذه المواضيع

المشاركة الأصلية كتبت بواسطة hamedo0

لسه في الخطوبه وحضرتيك بتقولي كده طب هو بيقول ايه الله يكون في عونه

هو بيقول اموت و اعرف مين اللى زاقننى

::pp

يا نهار أبيض ....ايه اللي حصل بس ....كلنا عارفين أن فيه أزمة زواج في المجتمع المصري و الأسباب معروفة ...انما الحل أكيد مش زواج الأجانب ....من الجنسين ......
عادة التعميم بيبقى خاطئ ...لا كل البنات طماعين و لا كل الولاد ملائكة ..فيه بنات كتير عاقلين و متزنين وأهلهم غاية في الأحترام ....و الأمثلة كثيرة ....و شفتها شخصيا داخل مصر و خارجها وسط المصريين المغتربين ....ما بقولش إن كل الناس كده بس ده موجود و ده موجود و إلا ما كنش حد اتجوز ......ربنا يوفق الجميع لزواج سعيد و صالح ...
نفس نقطة التعميم ديه برضه تنطبق على الأجانب و علاقاتهم المتعدده ...الموضوع ده مبالغ فيه جدا .... ده عامل زاي الحكم على مصر بناء على الأفلام بتاعتنا .....