الموضوع: زواج المصري من أجنبية.. ليه؟

على فكرة يا جماعة السبب الرئيسي للاحتقان اللي في الكلام ده ان احنا منتدي بيجمع ناس متفاوتة جدا و اللي بيكتب رأي في موضوع زي ده مش بيكتب هو مثلا سنه قد ايه و حالته الاجتماعية ايه و بالتالي اللي بيقرا الكلام ممكن يتنرفز منه لأنه مش مقدر ايه سبب رأيه ده. الموضوع ده بالذات مفيهوش واحد رأيه صح و واحد رأيه غلط, المسألة نسبية جدا.

بالنسبة لموضوع البنات المصريات اللي اتشركوا في الموضوع ده, فلازم نعترف ان فعلا البنات اللي تفتح بيت زي ما بيقولوا بقوا صعب اوي انهم يتلاقوا و معظم البنات بقوا من عينة العروسة البلاستيك اللي شكلها حلو من بعيد بس لما تقرب لا تلاقي شكل و لا مضمون (حتى الشكل في الغالب بيطلع كله عيرة). بس برضو في المقابل بقى صعب جدا جدا ان الواحدة تلاقي زوج مناسب يكون راجل بجد مش من عينة العرسان الغريبة اللي البنات بتشوفها دلوقتي زي ما الاخوات في المنتدى قالوا و زي ما انا شفت قبل الجواز و شفت مع صاحباتي و قرايبي (مش حدي امثلة عشان لو اتفتحت مش حنخلص). المشكلة عامة على الاتنين. و احنا زي ما طول الوقت بنفتح مواضيع تتكلم على مساوئ الشعب المصري و انهيار الاخلاق و المشاكل اللي بنشوفها من الناس في الشارع و الشغل و كل حتة في مصر, يبقى اكيد يعني مش الشباب - سواء بنات او ولاد - هما اللي حيبقوا زي الفل. بجد دلوقتي اللي ربنا ينعم عليه بالزوجة الصالحة او الزوج الصالح يبقى في نعمة ما بعدها نعمة.

نرجع بقى للموضوع الرئيسي اللي احنا حدنا عنه و هو الزواج من اجنبية. انا رأي ان اللي بيتجوز من اجنبية زي اللي بيتجوز من طبقة اجتماعية غير طبقته اكيد حتقابله مشاكل بسبب اختلاف الثقافة و العادات و الافكار اللي اتربى عليها. بس لو كان الاخنيار لاسباب صحيحة من الاول يبقي غالبا حيقدروا يتغلبوا على الاختلافات دي و الزواج يكون ناجح. اما بقى لو كان السبب من الاول من عينة ان عنيها زرقا و شعرها اصفر و حتاخد منها الجنسية و تقدر تسافر تشتغل بره و الكلام اللي من العينة دي, فأغلب الجوازات دي بتفشل.

المشاركة الأصلية كتبت بواسطة mo7amed_omara

فعلا شياط جامد قوووووووى بس نحاوول نهدى الموقف شوية
و نقوووووول لكل الشباب انت حر تتجوز من اى مكان مصر الخليج اوروبا
بس احب اوضح حاجة بردو ان اكتر الشباب فى مصر بيتجوزو مصريات من بلدهم ودة شى محسوس للجميع
واللى عايز اجنبية مثلا يتجوزها حيلافيها فين دى فى مصر ؟؟؟؟؟؟ عايز اعرف اصل انتو محسسنى انهم مالين البلد يعنى ولا من عالنت ولا منين الضبط
الاحلام حاجة و الواقع حاجة تانية خالص مفيش شاب حتسالة يقولك تجووز اجنبية حيقولك لا بس فى الاخر شوف هو حيتجوز مين؟؟؟؟؟

محدش رد على سوالى هما الزوجات الاجنبيات دووول بتلقوهم فين؟؟؟؟؟؟

المشاركة الأصلية كتبت بواسطة eng/muhamad

اولا شكرا على ردك
ثانيا ياريت تقول للانسه اللى اتريقت على طريقه كتابه الاسم
ان هى دى الطريقه الصح
ثالثا حضرتك عاوزنا احنا اللى نطفى النار مع ان مش احنا اللى ولعناها
و من اتلف شئ فعليه اصلاحه يعنى اللى ولع هو اللى يطفى
و انا مش هطفى و هفضل عند رايي ان الجواز من اجنبيه حتى لو كانت من اثيوبيا
افضل بكتييييييييييييييييير من البنت المصريه

اولاً رغم ان حضرتك اتهمتني بالظلم وقلت اني اتريقت على الإسم وده محصلش ابدا ولو رجعت لمشاركتي هاتلاقيني اعتذرت بشدة واتأسفت وقلت انا قريت الاسم غلط والعتب علي النظر (اتريقت علي نظري انا مش علي الاسم) وثانياً بالنسبة لموضوع ضرب النار احب افكرك ان حضرتك اللي بدأت بمقولة (اوعي ضرب النار) ولما علا حطت رمز المشنقة وانا رديت وقلت (Vote) كان المقصد الدعابة والهزار وتخفيف حدة الحوار مش اكتر وفي كل ردودي هاتلاقيني قلت مفيش مشكلة ان الشاب المصري يتجوز اجنبية هو حر يفعل مايشاء بس ميخسفش بالبنات المصريات الأرض ويطلعهم معاقين ذهنياً وبدنياً ونفسياً وفي نفس الوقت مانتحيزش للأجنبية اوي نطلعها ملاك لإننا كلنا بشر فينا الكويس وفينا الوحش بغض النظر بقي عن الجنسية او الديانة او حتى لون البشرة.
وعموما تقبل اسفي مرة اخري على اني قريت اسمك غلط وانا عارفة ان ده النطق السيلم لإسم الرسول عليه الصلاة والسلام وده اكتر اسم بحبه في حياتي ويايرت كل اللي اسمه محمد يكتب اسمه زيك كده كما انزل في القرآن فعلاً

وتقبل تحياتي واسفة على الهزار اللي ضايق حضرتك واشعل الحريق في الموضوع.

المشاركة الأصلية كتبت بواسطة aif

يا محمد ( بالتشكيل السليم من غير تريقة ) ما اعتقدش انها تقصد تتريق ولا حاجة لأنها انسانة محترمة ومتينة ولا يمكن تتريق علي اسم الرسول عليه الصلاة والسلام ........ده انا متأكد منه ..ده سوء تفاهم مش اكتر
وبعدين افهم من كلامك ان المطافي مش بتطفي الحرايق عشان مش هما اللي ولعوها ههههههههههههههههههههه
واخيرا دي تعليمات من الجهات العليا ... ونشرت علي حبل الغسيل بتاع الدولة
..... سيبك من الاجانب والمصريين وخش علي مسابقة القرآن ... انا عاوز إجابات
الرابط اهه

http://www.nilemotors.net/Nile/showt...262#post360262

ميرسي اوي لرد حضرتك الايجابي وثقة حضرتك الشديدة فيا ودي شهادة اعتز بيها واعلقها وسام علي صدري ياستاذ احمد وانا وضحت فوق اللي حصل بالضبط.

معلش ياجماعة معذرة بس انا كنت توقفت عن الرد او المشاركة في الموضوع ده لأني حسيت بإحباط شديد واهانة شديدة اوي من بعض الشباب اللي طلعوا في البنت المصرية القطط الفاطسة وحسسونا ان اي بنت من اي بلد تانية تبقي برقبتها وتستاهل ان الواحد يتجوزها ويسيب المصرية تعنس وكإن البنت المصرية ليس لها اي قيمة تماما رغم ان كلكوا شباب عايشين في مصر وعائلاتكوا كلها مصرية وكمان حواليكوا بنات مصريين كتير
بس احنا عموما شباب وبنات عندنا فعلا مشكلة التعميم البنت لو مرت بتجربة او اتنين سيئين تقولك كل الرجالة وحشين والراجل برده يقولك كل البنات وحشين وخاينين

بالنسبة للأخ اللي قال البنات المصريات ميصلحوش للزواج (طب سؤال يصلحوا لإيه بالضبط في وجهة نظرك) عشان نشوف ايه اللي نصلحله ده يمكن يكون افيد من الجواز ونعمله.

واسفة على لهجة الاسي اللي في كلامي بس فعلا انا احبطت اكتر واكتئبت اكتر ونفسيتي بقت في الارض بس طبعا مش بس بسبب الردود الهجومية علي بنات مصر لكن في اسباب اخري مفيش مجال لذكرها هنا.

وتحياتي ليكم جميعاً

المشاركة الأصلية كتبت بواسطة eng/muhamad

لو انت فى بلد اجنبى فالموضوع اعتقد سهل نسبيا
اما لو فى مصر فالموضوع صعب شويه
يعنى انا اسمع ان فى ناس بتتجوز اجانب من على النت
و فى ناس بيقابلوا اجانب فى شرم و كده و بيتعرفوا يتجوزا
لكن الموضوع مش سهل

الحمد الله ان الموضوع مش سهل علشان الشباب المصرى ميجريش على الموضوع دة