زواج المصري من أجنبية.. ليه؟

hh · 31-07-2008 12:15 PM

المشاركة الأصلية كتبت بواسطة Adham

معلش بس كلمة اخيرة

البنات المصريين لية زعلانين ان الشاب المصري بيفضل الاجنبية ( ومش علشان الجنسية و الاقامة و الكلام الخايب دة)

ما البنات المصريين كمان بيفضلوا "العريس العربي"
وياما قصص عن البنات اللي سابت حبيبها و ابن الجيران و راحت اتجوزت "عريس عربي" و سافرت دولة عربية كام شهر و رجعت بعيل على كتفها وورقة طلاق في جيبها و قصص عن شغلها "خدامة" ل"متعددي الزوجات" وعن حاجات تانية بيجبرهم عليها مايصحش تتقال هنا,

بس معلش الفرق كبير بين اللي بيبيع لحمه علشان الفلوس

و اللي بيتجوز واحدة اجنبية علشان جمال و رقة و احترام و طريقة التفكير و تربية الاطفال و كفاءة في إدارة شئون البيت

استاذ ادهم جواز المصريات من العرب عشان الفلوس بطريقة البيع دي غالبا بتبقى في الطبقات الادنى ثقافيا و اجتماعيا مش حاجة ممكن نعممها على المصريات.

**Adham** · 31-07-2008 12:19 PM

مش دي اللي جنب مدرسة "أبو الهول"

**R A N A** · 31-07-2008 12:24 PM

المشاركة الأصلية كتبت بواسطة NOOR

بعيدا عن مين احسن المصرية او الاجنبية
انا كنت حكيت لكم عن تجربتى فى الجواز من اجنبية التى اعتبرها ناجحة والحمد للة
يوجد نقطتين مهمين لازم الكل يعرفهم
1
لو ناوى تجوز اجنبية يبقى لازم تكون مشارك تماما فى تربية الاطفال علشان تقدر تعودهم على تقاليدنا وعاداتنا ودى نقطة مهمة جدا
انما لو مصرية مش هتبقى النقطة دى موجودة
وخلو بالكم دى مهمة جدا
2
الستات المصرية زى الاجنبية بعد الجواز
الفرق الوحيد ان الاجنبية هتقولك نفس الكلام بتاع المصرية بس بالانجليزى
زى انت شغال علطول وسايبنا
مفيش فرق جوهرى بين كل الستات على وجة الارض فى الخر نفس التفكير

واتمنى انى اكون ساعدتكم وشكرا

الله ينور عليك والله

كده حضرتك قلت المفيد فعلاً

بجد رغم اني استغربت لومك عليا في المشاركة اللي انا قلتها وافتكرتني بقصد ان كل مصري يتجوز اجنبية يبقي مريض نفسي وده مكنش القصد طبعا وانا عمري ماعممت اي قاعدة ودايما بعتز بمقولة ان لكل قاعدة شواذ ومش كل الناس وحشة ولا كل الناس حلوة (درسنا كده في المنطق "كل وبعض ومعظم")وفي فئة معينة فقط هي اللي بتلجأ للجواز من اجنبية عشان المصالح وبس .

وربنا يباركلك في زوجتك وولادك وتنشئ منهم جيل يشرفنا بجد في مصر وبره مصر

**R A N A** · 31-07-2008 12:31 PM

المشاركة الأصلية كتبت بواسطة hh

استاذ ادهم جواز المصريات من العرب عشان الفلوس بطريقة البيع دي غالبا بتبقى في الطبقات الادنى ثقافيا و اجتماعيا مش حاجة ممكن نعممها على المصريات.

بالضبط كده

وارجع واقول للمرة ال 70000 البنات المصريين مش زعلانين ان الشباب المصري بيتجوز اجنبية وبيفضلها عليها

احنا بنزعل لمل تطلعونا احنا وحشين جدا وسيئين جدا وتطلعوهم هما ملايكة جدا وقمرات جدا ومحترمين جدا جدا جدا وتقعدوا تطلعوا فينا القطط الفاطسة احنا لوحدنا دونا عن بنات العالم كله و تذكروا في كل السلبيات اللي مجمعة من شوية خبرات سيئة مش اكتر وتتعمم وتبقي قاعدة تنطبق علي كل المصريات وبكده سمعة بنات مصر تضرب في العالم كله ويتقال اهوه مالشباب المصري هو اللي بيقول هو احنا جبنا حاجة من عندنا وشهد شاهد من اهلها اتفرج ياعم علي بنات مصر
والكلام ده ممكن يطمع فينا كل الناس ويخليهم هما كمان يسيئولنا بشدة. وبدل ماشبابنا هو اللي يدافع عن اخته وزميلته وقريبته ومراته وبنته يبقي بيهاجم وبس.

بس كده

انتهي

**eng/muhamad** · 31-07-2008 12:35 PM

المشاركة الأصلية كتبت بواسطة Adham

معلش بس كلمة اخيرة

البنات المصريين لية زعلانين ان الشاب المصري بيفضل الاجنبية ( ومش علشان الجنسية و الاقامة و الكلام الخايب دة)

ما البنات المصريين كمان بيفضلوا "العريس العربي"
وياما قصص عن البنات اللي سابت حبيبها و ابن الجيران و راحت اتجوزت "عريس عربي" و سافرت دولة عربية كام شهر و رجعت بعيل على كتفها وورقة طلاق في جيبها و قصص عن شغلها "خدامة" ل"متعددي الزوجات" وعن حاجات تانية بيجبرهم عليها مايصحش تتقال هنا,

بس معلش الفرق كبير بين اللي بيبيع لحمه علشان الفلوس

و اللي بيتجوز واحدة اجنبية علشان جمال و رقة و احترام و طريقة التفكير و تربية الاطفال و كفاءة في إدارة شئون البيت

ارفعلك القبعه بشده
كلام مظبوط فعلا الفرق كبييييييييييييير

**Adham** · 31-07-2008 12:40 PM

المشاركة الأصلية كتبت بواسطة birdybirdy

وتبقي قاعدة تنطبق علي كل المصريات وبكده سمعة بنات مصر تضرب في العالم كله

وهيه لسة ماتضربتش

هههههههههههههههههههه

سمعه المصريين (رجالة و ستات) مضروبة في الدنيا كلها

**Noha.M** · 31-07-2008 12:48 PM

بجد بتهرجواا !!

مين دول البنات اللى بيتجوزا العرب عشان الفلوس؟؟!!!!!!!!!

اولا الموضوع دة مبيحصلش غير عند الجهلا و القرى المتخلفة اللى بتجوز بناتها لاى زكيبة فلوس معدية

مين بنت الناس المحترمة اللى هتوافق تتجوز واحد بالشكل دة !!

معلش دى حالة خاصة و استثناء و نادر حدوثه بالنسبة لجواز المصري من الاجنبية

بعدين ما تتجوزوا الاجنبية براحتكو هو حد ماسكو !!!!!!

اللى عاوز يتجوز عشان الجمال و الرقة و التحضر ما يروح يتجوز

بس بجد مش مصدقاكو يعني !! كل واحدة عينيها زرقا بقت مثال الجمال و الرقة

والنبى بس متقولوش الكلام دة لحد برة احسن يضحكو عليكو !!!

**Adham** · 31-07-2008 12:49 PM

المشاركة الأصلية كتبت بواسطة دموع الثلج

هو ده من الاخير بيت القصيد الزن والمصريه مشهوره فى الدول العربيه الاخرى ا بان صوتها دائما عاااااااااااااااااااااااا ااااااااااااااالى ودى حاجه تكسف

[/COLOR]

و تقوليلي سمعة بنات مصر تنضرب

دة المصرية معروف في كل دول العالم انها و لامؤاخذة "شلق" ههههههههههههههه

و البركة كمان في الأفلام و المسلسلات العربي

**hamedo0** · 31-07-2008 12:51 PM

انتو عارفين الموضوع ده بيفكرني بيه بــ القطط ان فيه قطه سيامي وقطه شيراز وقطه بلدى الكل بيتهبل لما يشوف السيامي ولا شيراز بس البلدى عندنا منها كتير زاى بيقولو
مع ان ممكن القطه البلدى يبقي دمها اخف من النوعين التنين بس اه اعتقد ان عقده الجواجه ليها طرف في الموضوع ده كمان
ارجو ان محدش يزعل عشان شبهت البنات بــ القطط بس انا شايفها من هذا المنطلق

**Adham** · 31-07-2008 12:53 PM

المشاركة الأصلية كتبت بواسطة Noha-M

بجد بتهرجواا !!

مين دول البنات اللى بيتجوزا العرب عشان الفلوس؟؟!!!!!!!!!

اولا الموضوع دة مبيحصلش غير عند الجهلا و القرى المتخلفة اللى بتجوز بناتها لاى زكيبة فلوس معدية

مين بنت الناس المحترمة اللى هتوافق تتجوز واحد بالشكل دة !!

معلش دى حالة خاصة و استثناء و نادر حدوثه بالنسبة لجواز المصري من الاجنبية

بعدين ما تتجوزوا الاجنبية براحتكو هو حد ماسكو !!!!!!

اللى عاوز يتجوز عشان الجمال و الرقة و التحضر ما يروح يتجوز

بس بجد مش مصدقاكو يعني !! كل واحدة عينيها زرقا بقت مثال الجمال و الرقة

والنبى بس متقولوش الكلام دة لحد برة احسن يضحكو عليكو !!!

اهدي بس يا نهى أعصابك

اشربي كوبايتين لمون بـــااااااارد و تعالي

يا نهى جوازات المصريات لعرب كتير قوي و على مختلف المستويات

مش بس في القري و المستويات المادية و الاجتماعية التعبانة