زواج المصري من أجنبية.. ليه؟

**R A N A** · 31-07-2008 12:54 PM

المشاركة الأصلية كتبت بواسطة Adham

وهيه لسة ماتضربتش

هههههههههههههههههههه

سمعه المصريين (رجالة و ستات) مضروبة في الدنيا كلها

هايل الله يبشرك بالخير

بس ليه في ناس مُصرة تتجوز من بنت مصرية سواء هو مصري او اجنبي عارف ليه عشان لسة في ناس بتحكم عقلها قبل ودانها و لسة مبتاخدش بالكلام الظاهر وبتصر تخوض التجربة وعنده ثقة في الله قبل اي شئ

**Noha.M** · 31-07-2008 12:59 PM

المشاركة الأصلية كتبت بواسطة Adham

اهدي بس يا نهى أعصابك

اشربي كوبايتين لمون بـــااااااارد و تعالي

يا نهى جوازات المصريات لعرب كتير قوي و على مختلف المستويات

مش بس في القري و المستويات المادية و الاجتماعية التعبانة

ماشي مختلفتش معاك بس مش كلها زى ما بتقولو واحدة بتبيع نفسها و الكلام دة

اصل انتو بتقولو لأ جواز المصري من اجنبية عشان خاطر الجمال و الرقة و الحضارة !! و جواز المصرية من عربيى يبقي بتبيع نفسها !!

طيب لو هنقيس بنفس النظام ما المصري كمان باع نفسه قدام اول جنسية اجنبية و ركب المصلحة عشان يشتغل !! يعني فى الحالتنين باعو نفسهم لمصلحة شخصية

**AHMEDCAR** · 31-07-2008 01:03 PM

انا شايف ان كل الردود بتيجى على الموضوع ده الصبح يعنى فى مواعيد العمل الرسميه بتاعتنا كلنا
معنى كده اننا سايبين الشغل و قاعدين نتناقش فى المواضيع دى اللى هاتخلينا ندخل فى مشاكل مع بعض دى حاجه

التانيه انا مش بقول كده يعنى انا مش بدخل على الموقع و نا فى الشغل لا طبعا لكن فى حدود بسيطه جدا علشان انا لو طول النهار عمال اعمل كده يبقى ربنا مش هايباركلى فى رزقى خالص

و شكرا و تقبلوا فائق احترامى ليكوا جميعا
على فكره انا دلوقتى فى بريك

**Goodle** · 31-07-2008 01:09 PM

الحمد لله المناقشات بقت هادية في الموضوع
اتمنى تستمر .. أرجوكم :) :) :)

**hamedo0** · 31-07-2008 01:10 PM

المشاركة الأصلية كتبت بواسطة AHMEDCAR

انا شايف ان كل الردود بتيجى على الموضوع ده الصبح يعنى فى مواعيد العمل الرسميه بتاعتنا كلنا
معنى كده اننا سايبين الشغل و قاعدين نتناقش فى المواضيع دى اللى هاتخلينا ندخل فى مشاكل مع بعض دى حاجه

التانيه انا مش بقول كده يعنى انا مش بدخل على الموقع و نا فى الشغل لا طبعا لكن فى حدود بسيطه جدا علشان انا لو طول النهار عمال اعمل كده يبقى ربنا مش هايباركلى فى رزقى خالص

و شكرا و تقبلوا فائق احترامى ليكوا جميعا
على فكره انا دلوقتى فى بريك

والله عندك حق
طب انا شغال في شركه استيراد وتصدير ومعنديش عمليات اليومين دول واصحاب الشركه عارفين ان انا بتصفح النت طلما معنديش شغل هل فيها اي ذنب او تقسير

**AHMEDCAR** · 31-07-2008 01:15 PM

المشاركة الأصلية كتبت بواسطة hamedo0

والله عندك حق
طب انا شغال في شركه استيراد وتصدير ومعنديش عمليات اليومين دول واصحاب الشركه عارفين ان انا بتصفح النت طلما معنديش شغل هل فيها اي ذنب او تقسير

انا مش هاقدر افتى طبعا بس اكيد مدام عارفين يبقى مافيش مشكله
بس لو كان حبيبك عسل ماتلحسوش كله يعنى مش طول اليوم علشان مايخدوش عنك فكره و حشه
يعنى انا صاحب الشغل عارف انى مدمن انترنت ماعندوش مشكله بس اهم حاجه يقولى انا عايز كذا يلاقيه على طول

**Jato.33** · 31-07-2008 01:15 PM

يا جماعة صلوا على النبي ما يصحش كل الكلام ده
المسألة ملهاش علاقة بالجنسية
الرسول عليه الصلاة والسلام قال : تنكح المرأة لأربع .... فأظفر بذات الدين تربت يداك
يعني لو كانت من أي بلد وكانت متدينة وربنا هداها بجد مش بتفكر لسه أو مترددة يبقى الإنسان يتوكل على الله
وكذلك بالنسبة للراجل : إذا جائكم من ترضون دينه وخلقه فزوجوه
المسألة أولاً وأخيراً الدين
والعوامل الأخرى زي الجمال والجنسية ممكن نستخدمها في التفضيل بس

وأخيراً أعتقد لو الإدارة قفلت الموضوع دلوقتي يكون أفضل
درءاً للفتنة
زي ما بيقولوا

بالنسبة للأخت hh

المشاركة الأصلية كتبت بواسطة hh

على فكرة انا بشكرك يا استاذ احمد على ردك عليا لأن انا اتعودت ان اغلب مشاراكاتي يتم تجاهلها تماما زي ما تكون ما بتظهرش غير في الكمبيوتر بتاعي انا بس

أنا ضحكت جامد أوي على التعليق ده بصراحة حلو
عدم الرد لا يعني التجاهل دائماً أحياناً مش بعرف أرد على بعض الزملاء لأن كلامهم بيكون مثالي وواقعي ومفيهوش غلطة عشان أرد عليه
ممكن تكون ردود حضرتك أغلبها من النوع ده عشان كدة مش بيعرف حد يرد عليكي

**aif** · 31-07-2008 01:36 PM

المشاركة الأصلية كتبت بواسطة hh

مش فاهمة يعني ايه one man show?

على فكرة انا بشكرك يا استاذ احمد على ردك عليا لأن انا اتعودت ان اغلب مشاراكاتي يتم تجاهلها تماما زي ما تكون ما بتظهرش غير في الكمبيوتر بتاعي انا بس

ده كلام برضه .... لأ طبعا ماحدش بيتجاهلك ابدا ...يمكن بس اكمن الموضوع مشعلل وكله عمال يولع في كله ...
عموما مدرسة المساعي المشكورة دي والعلم عند الله هي مدرسة بقرية كفر المصيلحة محافظة المنوفية ( وبعض الاجانب بيقولو عليها ميونيف على وزن ميونخ )وبها درس و تتلمذ العديد من الشخصيات العظيمة .... ومنهم سيادة الرئيس محمد حسني مبارك .....

hh · 31-07-2008 01:41 PM

المشاركة الأصلية كتبت بواسطة Metbahdel

[SIZE=4]بالنسبة للأخت hh

أنا ضحكت جامد أوي على التعليق ده بصراحة حلو
عدم الرد لا يعني التجاهل دائماً أحياناً مش بعرف أرد على بعض الزملاء لأن كلامهم بيكون مثالي وواقعي ومفيهوش غلطة عشان أرد عليه
ممكن تكون ردود حضرتك أغلبها من النوع ده عشان كدة مش بيعرف حد يرد عليكي

اولا اشكرك على اسلوبك الرقيق في تفسير عدم الرد, و اوعدك احاول استفز الناس عشان يدخلوا يخبطوا فيا:) طبعا بهزر.

ثانيا انا مازال رأي ان كل الخلاف ده سببه ان فعلا البنات المصريات كتير منهم مبقاش يصلح للزواج زي ما كتير من الشباب برضه مابقوش يملوا عين اي واحدة. الزوج الصالح او الزوجة الصالحة بقوا عملة نادرة جدا.
و برضه بالنسبة لموضوع الجواز من اجنبية - أو اجنبي عشان الشباب اللي بيتكلموا على زواج المصريات من عرب - ده في الاخر يعتبر زي الجواز من طبقة اجتماعية و ثقافية مختلفة, أكيد حيقابله مشاكل لاختلاف العادات و الافكار. و لكن اذا كان الاختيار من البداية قائم على اسباب صحيحة أكيد حيتغلب على ده و يكون جواز ناجح, اما لو عشان جنسية او فلوس او مجرد انبهار بقشور و مظاهر فأكيد حيفشل.

-

الموضوع: زواج المصري من أجنبية.. ليه؟

LinkBack

أدوات الموضوع

عرض

-

-

-

-

-

-

المواضيع المتشابهه

فرصة ممتازة لطبيب للعمل بشركة أجنبية

أول أغنية أجنبية عن ثورة مصر: Tribute to Egypt

إستفسار من الخبراء الجواز من أجنبية

ترجمة مصطلحات أجنبية خاصة بالسيارات

الزواج من أجنبية هل أنت معه ام ضده ؟

الكلمات الدلالية لهذا الموضوع

المفضلات

المفضلات

ضوابط المشاركة