الموضوع: حيرة مخلياني عاوز أقتني الشكل الجديد

بص حضرتك اعتقد انه لا داعى للخطوة دى. انا اللى فهمته من حضرتك ان جزء من سبب التغيير هو ان الضمان هينتهى وده سبب محترم لكن طالما العربيه ماشيه معاك كويس و مفيهاش مشاكل مضايقاك منها ده بالاضافه الى ان قطع غيار معمره بطبيعه الحال فده يخللى حضرتك ما تقلقش منها و كمان هى فيها ميزه كويسه قوى انها لسه بتنتج زيرو وده يخلليها معندهاش مشكله فى قطع الغيار و يخلليها كمان ماسكه سعر عند البيع و يخليها كمان سهله فى البيع اكيد . النصيحه طالما العربيه ماشيه معاك كويس يبقى خساره تبيعها وتدفع ٢٠ الف جنيه زياده فى الموديل الاحدث علشان أوسع شويه و استهلاك بنزين اقل . خللى العربيه معاك و لما لاقدر الله تبتدى تظهر فيها مشاكل او حضرتك زهقت منها ابقى بيعها و مش هتخسر فيها بس ساعتها هات فئه اعلى او ماركه تانيه مثلا علشان تحس بالفرق و انك عملت نقله حقيقيه

انك تقوم بتاجير السيارة الصنى الجديدة لمدة يوم واحد من اى معرض بما انك من مالكى الصنى القديمة لتستطيع المقارنة بوضوح انا من مالكى السوبر صالون الجديدة وسوقت القديمة مرتين تقريبا وكان امامى الاختيارين واليك تجربتى
اولا الشكل القديم كلاسيكية مقبول شكلها لكنه تقليدى لحد كبير
ثانيا الوسع فى الوسع الجانبى اوسع بقدر بسيط لكن فى الوسع الامامى ضيقة جدا ويعتبر ذلك من اكبر عيوبها ومن اهم اسباب عدم اختيارها بالنسبة لى لانى جربت الجلوس فى مقعد السائق الامامى وبجانب السائق والكراسى الخلفية ولم اشعر بالراحة
ثالثا الامان طبعا تتميز نيسان بالفرامل الجيدة وطبعا فى حالة وجود ايه بى اس والاير باج تكون افضل كثيرا
رابعا الثبات والصاج والماتور تتفوق القديمة بنسبة بسيطة
خامسا التطوير لم تحظى بتطوير كبير خلال الفترة
وطبعا هى سيارة محترمة لكن لم تشعرنى بالراحة عند الجلوس فيها كراكب وليس سائق رغم الشكل الخارجى الذى يوحى بوسعها
ثانيا الشكل الجديد
اولا من حيث الشكل اقتناعى بشكل السيارة الجديدة فى اول الامر لم يكن جيدا لكن بعد رؤيتها جيدا بدء اقتناعى بها يزداد يوما بعد يوم خاصة اسبويلر السوبر صالون غير من شكلها الخلفى وفى الاخر ده مسالة اذواق انا اتذكر السيراتو فى اول ظهورها كان فيه انبهار بشكلها ولكن الان هذا الانبهار يقل تدريجيا الصنى القديمة كلاسيكية ولكنى اعتقد ان الجديدة شكل جديد والوان الدهانات جذابة
ثانيا الوسع فى الوسع الجانبى اقل بقدر بسيط لكن فى الوسع الامامى واسعة جدا ويعتبر ذلك من اكبر مميزاتها خاصة من يريد سيار عائلية فهى افضل من القديمة فى هذه الجزئية
ثالثا الامان طبعا تتميز نيسان بهذا الامر واعتقد الجديدة تتفوق فى هذا الامرعن كل السيارات فى نفس الفئة السعرية لوجودفرامل قوية 2 ايرباج وايه بى اس اى بد
رابعا الثبات والصاج والماتور تتفوق القديمة بنسبة بسيطة لكن تتفوق الجديدة فى انها موفرة للينزين الموتوروالتسارع بالنسبة لسيارة عائلية يعتبر جيد جدا لكن ثبات القديمة افضل خاصة فى حالة وجود رياح بالنسبة للصاج معظم السيارات الجديدة صاجها ضعيف وتهتم بحماية الركاب اكثر من الصاج
خامسا التطوير الجديدة حدث به تطوير ليس بالكثير لكن افضل من القديمة من حيث مالتى فانكشن وبعض المواصفات الاخرى
اخيرا بالنسبة للجديدة اجد السواقة بها ممتعة وناعمة ولايوجد اى اصوات عند النقلات
القديمة لااستطيع الحكم بصورة كافية
اذا اردت سيارة عائلية فاعتقد الجديدة افضل من حيث الوسع وتوفير البنزين ووسائل الامان اذا اردت سيارة شبابية او شبه عائلية (طفلين على الاكثر) موتور اقوى ثبات اكتر
ولكن لاتوجد سيارة تحظى بجميع المميزات لكن الصنى سواء القديمة او الجديدة تعتبر افضل سيارة فى فئتها السعرية خاصة فى وسائل الامان

رايى انك تقوم بتاجير السيارة الصنى الجديدة لمدة يوم واحد من اى معرض بما انك من مالكى الصنى القديمة لتستطيع المقارنة بوضوح لان الموضوع فى الاخر راحة نفسية واقتناع
تحياتى

أنا رأيى ك لمالك نيسان الجديده ...سوبر صالون... العربيه ممتازه
والقديمه ايضاً وكانت قدامى لفتره بس شكلها الكلاسيكى فقط هو اللى كان مأرجح رأيى ولكن ككفاءه مفيش كلام

كلمه نيسان تكفى

المشاركة الأصلية كتبت بواسطة miceg

الف شكر على الريفيو الجميل ده
ولو إني شايف ان نقط الاختلاف بين الاي اكس والسوبر في الشكل الجديد لا يستحق فرق عشرة ألاف جنيها بس هقول فالاخر وجهة نظر
وممكن أهم ميزة السوبر هو الاسبويلر والمالتي فانكشن
منور التوبيك ياباشا

متنساش إن السوبر صالون جنوط ..

ولو رحت التوكيل هتلاقي الجنوط دي تقريباً لوحدها ممكن توصل لفرق السعر إللي بتتكلم عليه

فرق السعر هيديك
1 - جنوط سبور
2 - عدادات رياضية
3 - مالتي فنكشن
4 - بلوتوث للمكالمات
5 - نواكل داخلية وتطعيمات رائعة
6 - مرايات ضم
7 - سبويلر
8 - فاميه للزجاج الخلفي والركاب الخلفيين

مظنش مطلقاً إن 10 آلاف فرق ... ميساووش الكماليات دي :) .. حضرتك لو حبيت تعمل كل حاجة من دول لوحدها أكيد هتعدي فرق السعر بكتير والله أعلم.