الموضوع: حيرة مخلياني عاوز أقتني الشكل الجديد

المشاركة الأصلية كتبت بواسطة ehab_hamed

انا كان معايا صنى 2007 ex بس كانت مانيوال وكنت عامل بيها حوالى 160 الف كيلو فعلشان كده التغيير كان ضرورى علشان الكيلومتر زيادة وعلشان كنت عايز عربيه اوتوماتيك. ولما نزلت الصنى الشكل الجديد غيرت وجبت نيسان صنى برضه الشكل الجديد بس أوتوماتيك طبعا.

النيسان الصنى الشكل القديم عربيه ممتازة وثباتها على الأرض هايل حتى فى السرعات العالية (أنا اقصى حاجه جبتها بالعربية كانت 160 وخفت ازود بعد كده) وتكييفها ثلاجة، بس كان عيبها ان العفشة بتاعتها ناشفه شويه، وأنها كانت ضيقه خصوصا الكنبة الخلفية.

الصنى الشكل الجديد عالجت المشكلتين اللى كانوا فى الشكل القديم، يعنى عفشتها احسن بكتير، والعربية واسعة جدا جدا جدا من جوه، والعربية تحس أنها أعلى من العربيات التانية وانت راكبها ومريحه جدا من جوه.
التكيف: انا حاسس ان تكيفها اقل شويه من الشكل القديم.
ثبات العربية: اقل من الشكل القديم، بعد ال 140 (على بعض الطرق) بيبقى التحكم فى العربية محتاج حساسية شويه ولكن ما بتحسش انك ماشى على 140 خالص غير لما تبص على العداد.
التابلوه: خامات تابلوه الشكل القديم أحسن بعض الشيئ من الشكل الجديد.

الخلاصة:الصنى الشكل الجديد عربية ممتازه بالنسبة لسعرها (ده رأى الشخصى).

انما بالنسبة لحضرتك اعتقد ان التغيير مش حيبقى مفيد أوى لأن عربيتك أوتوماتيك وفيها كمان abs وعامله 52 الف كيلو بس. يبقى اعتقد أن التغيير حيبقى مش مطلوب أوى. ولو عايز تغير يبقى ممكن تفكر فى حاجه تانيه غير الصالون زى القشقاى مثلا، او الكارينز الشكل الجديد. وربنا يوفقك أن شاء الله.

+1111111111111111111111111111 :018a1d~146: