راتب شهري مقابل مشاهدة اعلانات !! حلال ام حرام ؟؟

**Hikayat** · 03-02-2013 11:54 PM

المشاركة الأصلية كتبت بواسطة محمد يوسف

ممكن اللنك ع الخاص ياباشا لو سمحت؟

المشاركة الأصلية كتبت بواسطة ghostmido

ممكن لينك الشركة على الخاص؟

تم ارسال اللينك ع الخاص
بعد اذن العضو صاحب الموضوع طبعا

بس كان ليا سؤال هوه غلط في قوانين المنتدي اننا نحطه هنا في التوبيك بدل ما كل عضو بيسال عليه كده ؟

**ConDoR** · 04-02-2013 02:12 AM

ممكن اللنك بعد اذنك

**ehab** · 04-02-2013 02:49 AM

المشاركة الأصلية كتبت بواسطة a7med_pharma

وأنا فعلا مش فاهم
الشركة صاحبة المنتج...بتبقا عارفه ان المشاهدات للإعلان ..بتكون مشاهدات بدون إهتمام فعلي
1000.000 قاعدن بيفتحو الإعلان..من غير حتى مايشوفو محتواه
ايه الفايدة للشركة صاحبه المنتج من كده؟

+1
نفس سؤالي

**مصراوي جدا** · 04-02-2013 08:55 AM

اعزائي بعيدا عن جزئية حلال ام حرام لأني مش شيخ ومش هاقدر احلل او احرم وباترك ده لناسه

انما عايز اتكلم في نقطة نصب ولا مش نصب

يعني ايه استفادة الشركة من انك تشوف عدد قليل جدا من الاعلانات وتاخد عليها فلوس كتير

من عدة سنوات كان فيه شركات كتير اجنبية عاملة نفس الفكرة انما ايميلات تفتحها وفيها اعلان وكل ما فتحت ايميل تاخد فلوس والفلوس كانت نوعين يا اما فلوس حقيقية وشركة بتدفع فعلا والفلوس كانت سنتات بعد ما يطلع عينك شهور تلاقيك جمعت 10 دولار مثلا تكون دفعت اكتر منهم بكتير في اشتراك النت (وقتها)

او شركات وهمية عمالة تعد لك فلوس بتكسبها مع كل ميل تفتحه وتلاقي حسابك آلاف الدولارات وكله نصب وكدب

انما الجديد هنا في الشركة دي واللي هو مفتاح القصة كلها هو المبلغ الاصلي اللي انت بتدفعه في الأول اللي هو ال 500 دولار أو اكتر حسب الفئات زي ما ذكرتم

يبقى اول سؤال مهم : انت بقالك قد ايه مع الشركة دي وهل استرديت فلوسك بالكامل ولا لأ؟

اعتقد بما لا يدع مجال للشك ان غرض الشركة دي لا اعلانات ولاشركات سامسونج وبيبسي لها اي علاقة بيها ولا بتدفع لهم مليم احمر

غرض الشركة بوضوح هو اقبال عدد كبير جدا جدا جدا من الناس عليهم ، وكلهم يدفعوا ال500 او ال1000 دولار الاشتراك

ثم ببساطة شديدة جدا جدا جدا الموقع يقفل وصباح الفل

ودليل كلامي الآتي : هل الشركة لها مقر - هل لهم تليفونات - هل لهم اسماء اشخاص واضحين ولا الليلة كلها موقع على النت تيجي تدخل عليه في يوم متلاقيهوش

انا مش عارف اللنك ولا احب اعرفه انما قلت لكم معلوماتي وتوقعاتي من واقع خبرتي الطويلة في التعامل مع هذه النوعية من الشركات

واللي توصلت في الآخر الى صدق الحكمة المصرية الشهيرة : الحداية مبتحدفش كتاكيت

تحياتي

**Ahmed_Rahem** · 04-02-2013 10:21 AM

انا رأئى هقولة فى 3 نقاط:
1- نقطة النصب، طالما الموقع علية ترافيك - مشاهدات - عالية يقدر يطلب مبلغ اكبر للاعلان الواحد، ودة هو جوهر انشاء المواقع المجانية الاشتراك - الى تقدر تخش عليها من غير فلوس - انك تلاقى مليانة اعلانات فى كل حتة. الشركة المعلنة لا تعرف نقطة دفع فلوس للمشاهدين. من واقع تجربة فى شركة مجلات كانت بتبعت نسخ مجانية لناس فى شركتى والسبب علشان نزود قائمة التوزيع وبالتالى لما تطلب مبلغ اكبر من المعلنين وتوريهم قائمة التوزيع الكبيرة يدفع. على الرغم من ان زمايلى كانوا بيحاولوا يتخلصوا منها لانهم مش عايزنها. والنقطة الوحيدة ان النسخ سوف تطبع سواء اتوزعت ام لم توزع والنقطة التانية انهم لم يدفعوا شيئاً؟
2- باقى نقطة النصب، ممكن نشاط الشركة فى مصر محدود وبالتالى لسة مجمعش مبلغ كبير وبالتالى مستنى لما يعمل سوق كويس ويجمع مبلغ محترم ويقفل.
3- حرام ام حلال، صعب القياس بالنسبة لى، بس فى الحالة الاولى او التانية، خصوصاً انك بتدفع يبقى فيها شك بحرمانية، والله اعلم.

انصحك بدار الافتاء تاخد مشورتهم.

والسلام ختام

**محمد يوسف** · 04-02-2013 10:58 AM

المشاركة الأصلية كتبت بواسطة مصراوي جدا

اعزائي بعيدا عن جزئية حلال ام حرام لأني مش شيخ ومش هاقدر احلل او احرم وباترك ده لناسه

انما عايز اتكلم في نقطة نصب ولا مش نصب

يعني ايه استفادة الشركة من انك تشوف عدد قليل جدا من الاعلانات وتاخد عليها فلوس كتير

من عدة سنوات كان فيه شركات كتير اجنبية عاملة نفس الفكرة انما ايميلات تفتحها وفيها اعلان وكل ما فتحت ايميل تاخد فلوس والفلوس كانت نوعين يا اما فلوس حقيقية وشركة بتدفع فعلا والفلوس كانت سنتات بعد ما يطلع عينك شهور تلاقيك جمعت 10 دولار مثلا تكون دفعت اكتر منهم بكتير في اشتراك النت (وقتها)

او شركات وهمية عمالة تعد لك فلوس بتكسبها مع كل ميل تفتحه وتلاقي حسابك آلاف الدولارات وكله نصب وكدب

انما الجديد هنا في الشركة دي واللي هو مفتاح القصة كلها هو المبلغ الاصلي اللي انت بتدفعه في الأول اللي هو ال 500 دولار أو اكتر حسب الفئات زي ما ذكرتم

يبقى اول سؤال مهم : انت بقالك قد ايه مع الشركة دي وهل استرديت فلوسك بالكامل ولا لأ؟

اعتقد بما لا يدع مجال للشك ان غرض الشركة دي لا اعلانات ولاشركات سامسونج وبيبسي لها اي علاقة بيها ولا بتدفع لهم مليم احمر

غرض الشركة بوضوح هو اقبال عدد كبير جدا جدا جدا من الناس عليهم ، وكلهم يدفعوا ال500 او ال1000 دولار الاشتراك

ثم ببساطة شديدة جدا جدا جدا الموقع يقفل وصباح الفل

ودليل كلامي الآتي : هل الشركة لها مقر - هل لهم تليفونات - هل لهم اسماء اشخاص واضحين ولا الليلة كلها موقع على النت تيجي تدخل عليه في يوم متلاقيهوش

انا مش عارف اللنك ولا احب اعرفه انما قلت لكم معلوماتي وتوقعاتي من واقع خبرتي الطويلة في التعامل مع هذه النوعية من الشركات

واللي توصلت في الآخر الى صدق الحكمة المصرية الشهيرة : الحداية مبتحدفش كتاكيت

تحياتي

تصديقا لكلام حضرتك أنا اتبعت لى اللنك والكلام كان ان فيه 3 فئات أعلاهم تدفع 8800 جنيه مقدما وتاخد 4000 جنيه فى الشهر ..ولما سألت طيب ايه الضمانات اتقال لى بكل وضوح : مافيش ضمانات؟؟؟؟؟؟؟

يعنى أنا أدفع من رزقى ورزق عيالى 8800 جنيه مقدم بدون أى ايصالات ولا ضمانات وأفضل أعصابى تتحرق كل ثانية حالمهم ولا لأ وزى ماحضرتك قلت مجرد موقع يتقفل فى ثانية

أنا عن نفسى متهيألى لو عملت كده أبقى مجنون واستاهل نار جهنم..بصرف النظر عن الحرام والحلال

**mohamed_mm** · 04-02-2013 03:18 PM

ممكن لينك الشركة

**micromoud** · 05-02-2013 12:40 AM

طب انا عاوز أسأل سؤال ايه الفرق بين الموضوع دا و لما أدخل شريك مع واحد بمبلغ من المال مقابل انه يرجعلى فلوسى ومعاها جانب من الارباح .. أعتقد ان المعاملتين شبيهتين الا فى التوثيق !!.. كان شيخ الازهر مرة فى حديث له عن شركة كيو نت كان بيقول ان الحرمانية فى انك تشترى حاجة بالدولار وبالتالى دا بيعود باللضرر على الاقتصاد المصرى