الموضوع: تجربتي مع 4 زيوت مختلفة في 8 شهور

خلال 8 شهور حطيت 4 زيوت مختلفة لعربيتي الرينو كليو موديل 2003. 1200 سي سي عاملة 95 ألف كليو.

خلاصة التجربة:
الترتيب حسب سحب العربية في السرعات الكبيرة:
1- موبيل
2- شل (فرق صغير بينها وبين موبيل)
3- ليكوي (فرق صغير بينها وبين شل)
4- توتال (أسوأ بفارق كبير)

الترتيب حسب سحب العربية في السرعات البطيئة والوقوف المتكرر:
1- شل
2- موبيل
3- ليكوي
4- توتال

الترتيب في سخونة المحرك (الفروقات ضعيفة للغاية):
1- شل (أقل درجة حرارة)
2- ليكوي
3- توتال
4- موبيل

الترتيب في صوت المحرك:
1- شل
2- ليكوي
3- موبيل (الصوت قريب جداً ل ليكوي، بس ليكوي أهدا)
4- توتال (أسوأ بفارق كبير)

تمت التجارب في نفس ظروف التشغيل بقدر الإمكان، وبنفس الأحمال، وعلى نفس الطرق (داخلي من حدائق القبة لشارع الثورة وخارجي من شارع الثورة للعاشر من رمضان مروراً بطريق السويس الصحراوي والإسماعيلية الصحراوي)

المشاركة الأصلية كتبت بواسطة solly1979

ياااا صعبه اوى ان حضرتك تحس بالفروقات الصغيرة ديه مجهود ممتاز

المهم فى النهايه رسيييت على ايه فى الاخر والى هتمشى عليه ؟

أي حاجة كتبت جمبها (فرق صغير بينها وبين اللي فوقها) معناها: ممكن يبدلوا مكان بعض، دي تنزل ودي تطلع. لكن اللي مش جمبها الكلمة دي معناها: فيه فرق ملحوظ بينها

الزيت اللي عندي حاليا هو موبيل ولسه جديد: هياخد وقته، وبعدين أحط شل بدون نقاش

جرب فيسكو هايل

طب ياجماعة انا شايف ان من كلامكو ان شيل وليكوي هما تقريبا احسن اتنين ....تنصحوني احط ايه للفوانس...العربية لسه جديدة وعايز احط حاجة تحافظ علي الموتور

المشاركة الأصلية كتبت بواسطة ahmed_hanafi

طب ياجماعة انا شايف ان من كلامكو ان شيل وليكوي هما تقريبا احسن اتنين ....تنصحوني احط ايه للفوانس...العربية لسه جديدة وعايز احط حاجة تحافظ علي الموتور

توكل على الله وحط شل