الموضوع: تجربتي مع 4 زيوت مختلفة في 8 شهور

المشاركة الأصلية كتبت بواسطة Formulator

هو انتو بتقيسوا الحرارة (سخونة الموتور) إزاى يارجالة؟؟
- فيه Oil-Temperature Gauge بيقيس حرارة الزيت؟!!

ولا بالإحساس كده من الصهد اللى طالع من حوض الموتور؟!!!

أعتقد ده مش indication لأى حاجة..
لأن فيه زيوت بتشتت الحرارة -زى الموبيل (رغم انه زيت سىء)
وفيه زيت زى كده بيكتم الحرارة!! زى الشيل والكاسترول... فـ دى مش قاعدة بصراحة!!

بالنسبة للـLiquiMoly
ياريت اللى جربه فـ عربية موتورها قوى، أو هو ليه فـ الحرق والشد.. يقولنا إنطباعه؟!!
صوت الموتور-بينقص ولا لأ-لونه ولزوجته...etc؟!!

بالراحه علينا شويه بس يا mr. formulator انا لسه عضو جديد برضه :)

الوظيفه الاساسيه لاى زيت فى اى مكنه فى الدنيا هى:lubricating and hence friction, weer and temperature control، مش كده و لا ايه؟ ده اساسيات اللى كنا بنقوله فى هندسه، فبما ان مفيش معانا oil temp gauge زى منتا بتقول، فبنشوف حاجات تانيه تدى indication عن الحاجه اللى احنا عايزين نقيسها، حتى لو مش accurate اوى، خاصه اننا comparing qualitatively not quantitatively، ف انا مش متفق معاك ان الحراره اللى طلعه من الحوض ديه مش indication لاى حاجه، عشان simply انا بقارنها من الحراره اللى كانت بتطلع من حوض الموتور برضه فى نفس ظروف التشغيل مع زيت تانى، اللى هو كان امبارح بس :) يبقى ازاى مش indication بقى؟!!

يبقى كده لو زيت بيشتت الحراره زى موبيل مثلا فى التقييم المبدأى بتاعه اقدر اقول علية كويس عشان بيأدى المهمه الرئيسية بتاعته بنجاح، نيجى بأة للجزئيه التانيه المهمه جدا برضه، اللى هى الزيت ده بيحافظ على خواصه و لا لأ؟ و بيفقدها بعد اد ايه، التوتال مثلا لما كنت بستخدمه كان بيبقى كويس لدرجه كبيره فى الاول بس يبفقد الخواص بتاعته بسرعه و مش بيكمل ال10000 اللى مفروض يمشيهم، يبقى كده فى مشكله فى المكونات بتاعت الزيت و نسبها او الformula اللى اتعمل على اساسها، و بكده يبقى مقياس الحكم على الزيت ،من وجهة نظرى، هو بيقوم بمهمته الاساسية بنسبة كام %؟ و بيحافظ على خواصه مع الاستعمال و لا لأ؟ و النقطه التانيه هى اللى بتفرق mainly اى زيت عن التانى

و بالنسبه للشد و الجرى انا جايب انهارده -180-170 و انا مروح، سحب احسن، صوت بيعلى على rpm اعلى من الاول بحوالى 300 - 400، العربيه الresponse بتاعها للدوسه بقى مختلف كتير مع الliqui عن الtotal.

شل انا لسه مجربتوش فى الميجان عشان اقارن بينه و بين الليكوى او التوتال

طيب ياراجالة لو انا عايز اجرب شيل بما انكم بتشكروا فيه لما كنت بعمل الصيانة قالولى لو هتغير زيت شيل تمضى على اقرار انك مسئول عن العربية طبعا كلام فارغ المهم انا معايا ميجان 2009 ماشية 62000 كيلو لما احب اجيب شيل اجيب اى نوع بالظبط من شل ؟ وشكرا

المشاركة الأصلية كتبت بواسطة bedooracle

طيب ياراجالة لو انا عايز اجرب شيل بما انكم بتشكروا فيه لما كنت بعمل الصيانة قالولى لو هتغير زيت شيل تمضى على اقرار انك مسئول عن العربية طبعا كلام فارغ المهم انا معايا ميجان 2009 ماشية 62000 كيلو لما احب اجيب شيل اجيب اى نوع بالظبط من شل ؟ وشكرا

شيل الترا التخليقى ال 10 الاف