بخصوص شريط الإيرباج راسلت رينو فرنسا

**Shiref_mohamed** · 05-02-2013 08:26 AM

الموضوع عندنا في الميجان مختلف شويه لآن كان ممكن يكون تصميم علبة الشريط احسن من كده شويه..
ولاكن برضه في عربيات تانية كتير بيتقطع فيها الشريط مش بس الفرنساوي وانا نفسي لسه مصلحه لواحد صاحبي معاه لانسر 2004.
بس الى لاحظته ان الناس الى سواقتهم عنيفة وبيلفو الدركسيون بسرعه بتفطع عندهم الشريط بسرعه اكبرمن الناس الى سواقتها هاديه

**MohammedAladel** · 05-02-2013 03:27 PM

السبب الرئيسى فى قطع الشريط هو لسان الشريط البلاستيك لما بيتكسر لأنه عامل زى ياى كدا عامل زى السوسته الورق بس من البلاستيك بقى مع كتر اللف وعوامل الجو بيتكسر

لكن التراب مش هو السبب على فكرة يعنى لو مفيش اللسان دا الشريط هيبقى صعب إنه يتقطع بس طبعا اللسان دا مهم لأنه بيضم الشريط ويخليه ياخد مساره الصحيح

عموما أنا قرأت كتالوج بتاع عربيات يابانى مكتوب فيها إن الشريط لما بيتقطع يتغير بواحد جديدة معنى كدا إنه خلوه حاجة استهلاكية زيه زى الفلتر والكاوتش طبعا كلها نوايا خبيثة لاستنزاف أموالنا :)

**solly1979** · 05-02-2013 04:29 PM

المشاركة الأصلية كتبت بواسطة Shiref_mohamed

الموضوع عندنا في الميجان مختلف شويه لآن كان ممكن يكون تصميم علبة الشريط احسن من كده شويه..
ولاكن برضه في عربيات تانية كتير بيتقطع فيها الشريط مش بس الفرنساوي وانا نفسي لسه مصلحه لواحد صاحبي معاه لانسر 2004.
بس الى لاحظته ان الناس الى سواقتهم عنيفة وبيلفو الدركسيون بسرعه بتفطع عندهم الشريط بسرعه اكبرمن الناس الى سواقتها هاديه

الشريط جوااة براح كويس لانه يلف اكتر من اخر الدركسيون
يعنى الميجان بتلف لفه ونص يمين وشمال
الشريط بيلف لفتين كاملين يمين وشمال ودة انا جربته بنفسى لما فكيته وجيت اركبه لفيته يمين وشمال علشان اشوف اخرة ايه اكيد براحه
يعنى الموضوع مش موضوع لف الدركسيون بعنف ولا حاجه هو تصميمه فى الميجان زفت
وفعلا زى مقال MohammedAladel موضوع التراب دة ولا يقطع الشريط ولا حاجه من الاخر ملوش تأثير
انا مطلعه زى الفل من جوة والشحم بتاع الفابريكه موجود

**MohammedAladel** · 05-02-2013 04:47 PM

المشاركة الأصلية كتبت بواسطة solly1979

الشريط جوااة براح كويس لانه يلف اكتر من اخر الدركسيون
يعنى الميجان بتلف لفه ونص يمين وشمال
الشريط بيلف لفتين كاملين يمين وشمال ودة انا جربته بنفسى لما فكيته وجيت اركبه لفيته يمين وشمال علشان اشوف اخرة ايه اكيد براحه
يعنى الموضوع مش موضوع لف الدركسيون بعنف ولا حاجه هو تصميمه فى الميجان زفت
وفعلا زى مقال mohammedaladel موضوع التراب دة ولا يقطع الشريط ولا حاجه من الاخر ملوش تأثير
انا مطلعه زى الفل من جوة والشحم بتاع الفابريكه موجود

بتقول لمين الشريط فيه مساحة زيادة للف يا محمد باشا :)

الأستاذ شريف أول واحد صلح الشريط تقريبا هنا على المنتدى وهو عارف إن فيه مساحة زيادة للف الشريط

طريقة السواقة العنيفة فى لف الدركسيون هتأثر فعلا وهتخلى اللسان يتكسر بصورة أسرع مع مراعاة إنه بلاستيك وتغيير عوامل الجو وتأثيرها على البلاستيك :)

**solly1979** · 05-02-2013 04:53 PM

المشاركة الأصلية كتبت بواسطة mohammedaladel

بتقول لمين الشريط فيه مساحة زيادة للف يا محمد باشا :)

الأستاذ شريف أول واحد صلح الشريط تقريبا هنا على المنتدى وهو عارف إن فيه مساحة زيادة للف الشريط

طريقة السواقة العنيفة فى لف الدركسيون هتأثر فعلا وهتخلى اللسان يتكسر بصورة أسرع مع مراعاة إنه بلاستيك وتغيير عوامل الجو وتأثيرها على البلاستيك :)

المهم ان فى معلومه طلعت صح هههههه الحمدلله ان فيه مساحه زيادة
كنت عارف انت بقا انه فيه لفتين يمين وشمال هههههههههه
والله ممكن يطلع كلامك صح انا سوقتى عنيفه ولما بركن بلف الدركسيون يسرعه اوى
واكيد هى ديه الى قطعت الباشا

**HeMa1981** · 05-02-2013 04:53 PM

الميجان حتى المتواجدة في السعودية شريط الأيرباج بيتقطع برده
وثمنه يبتباع كله على بعضه ب 1600 ريال يعني ما يعادل 2800 مصري تقريباً
لكن السعودية يتواجد فيها الميجان 2000 سي سي ومش بيتكتب زي عندنا في الرخصة سعة المحرك

لو فيه طريقة الواحد يعرف بها سعة المحرك الحقيقية ! ولا مفيش إلا بالكميوتر

**solly1979** · 05-02-2013 04:55 PM

المشاركة الأصلية كتبت بواسطة HeMa1981

الميجان حتى المتواجدة في السعودية شريط الأيرباج بيتقطع برده
وثمنه يبتباع كله على بعضه ب 1600 ريال يعني ما يعادل 2800 مصري تقريباً
لكن السعودية يتواجد فيها الميجان 2000 سي سي ومش بيتكتب زي عندنا في الرخصة سعة المحرك

لو فيه طريقة الواحد يعرف بها سعة المحرك الحقيقية ! ولا مفيش إلا بالكميوتر

مش مكتوب على الماتور 1.6L or 2.0L ؟