الموضوع: تلات اسئله يا راجاله من غير تنفيض

السلام عليكم

لو سمحتم يا شباب عندى تلات اسئله وياريت تجاوبونى الله يكرمكم

دلوقتى الامبير بتاع البنزين مش بينزل لما ببطل العربيه ويطلع لما اشغلها ثبات مع معدل استهلاك البنزين وبس بيطلع لما البنزين يملى وينزل مع نزول البنزين مع انى اصلآ شاكك فى استهلاكه وخايف يكون مافيش لمبه بنزين لحد دلوقتى ما جربتش وخايف اجرب الاقى البنزين خلص وانا معتمد ان اللمبه تنور وانا مش عارف

انا فكيت العداد بس ما قدرتش اوصله لان فى باغه زى بتاعت الفوانيس تقريبآ اللى كان معاه العربيه لازقه وانا خفت اكسرها رجعته مكانها انا كنت شاكك الاول فى العوامه بس لما فصلته من العربيه خالص ولقيته لسه ثابت اتااكدت انه هو

ده حله ايه

تانى حاجه البطاريه لقيتها 40 امبير

لو خليتها 55 هحس بفرق ؟ وخصوصآ فى الدواره لانها مش بتدور من اول مره مع انى مغير بوجيهات وفلتر هواء ومنضف الكربراتير ومغير فلاتر بنزين بس مش بتدور غير من تانى مره وانا كابس بنزين

وكهربة الاسبراتير تعتبر مظبوطه والبطاريه وشحن الدينمو تمام
الاسبراتير والموبينه الكترونى

تاالت حاجه في فيشه جنب كتاوت النور فى الكبوت العربيه بتعلق وتفضل دايره اهزها العربيه تفصل

اهزها بعد ما العربيه تبطل الاقى الكونتاك فتح اعمل فيها ايه دى ؟

المشاركة الأصلية كتبت بواسطة windofchange

الفيشة اللي عند كت اووت النور فكها وهات فرشة اسنان قديمة وهات اسبراي اكاي بتاع تنظيف الالكترونيات وهتلاقيه عند المكتبات الكبيرة زي س وع وعند بتوع قطع الغيار الكهربية وترش منه عالفيشة بعد ماتفكها وتنظف بالفرشة ومكان تركيب الفيشة ترش عليه وتنظفه برضه وتستني بعد ماينشف وركب الفيشة وشوف السلك بتاع الفيشة راكب كويس فيها ولا لأ برضه..........بالنسبة لامبير البنزين علشان برضه حاجة تعملها بنفسك بدل قرف الصنايعية وقلة الضمير الا من رحم ربي(دي فكرة بش سيد ونفعت معاه في عربيته الاليبيزا والعوامة اشتغلت كويس) هات منظف دورة البنزين وحطه علي التانك وانت مفول العربية ممكن تكون عوامة البنزين من الشوائب والمياه اللي فالبنزين عايزه تنظيف فبدل ماتفك حط منظف دورة الوقود من شركة ليكوي مولي ب35 جنيه وشرات تانية زي gunk امريكاني بيبعوه في بنزينات كتير بس اتأكد من تاريخ صلاحيته وممكن بعد ما تخلص التانك تغير البوجيهات وفلتر البنزين ده شيء مستحب وبرضه راجع عالفيشة اللي واصلة للعداد ونظفها بالمنظف زي الفيشة اللي اتكلمنا عنهاوالله اعلم..ايهاب

جزاك الله كل خير

طب بالنسبه للبطاريه لو خليتها 55 او 70 فى مشكلة وهل هتحسن الدواره واركب بوجيهات ايه نضيفه سن رفيع