مشكلة في ثبات الصني 2010

**Dr'AhmZZong** · 06-02-2013 02:19 PM

المشاركة الأصلية كتبت بواسطة miceg

الله يبارك فيك ويكتب لك الستر
بالنسبة للنعومية فعلا حسيت بفرق رهيب خاصة اني مش جايب العربية من الزيرو
انما جايبها بعد إستعمال الكاوتش في قرابه ال 48 الف كيلو
فحسيت بفرق رهيب جداااااااااا
بالنسبة للارتفاع نظريا المفروض العربية توطي حوالي 5 سم بس محستش بده خالص
وبعدين بالنسبة للمقابلات فبإذن الله راشق معاكو
وطبعا العربية وصاحبها تحت امرك

5 سنتي يبقى أنت ركبت كاوتش 195 على 10 هههههههههههههه

أنت قصدك 5 مللي و ده عمرك ماهتحس بييييييييه

**miceg** · 06-02-2013 05:09 PM

المشاركة الأصلية كتبت بواسطة ahmazong

5 سنتي يبقى أنت ركبت كاوتش 195 على 10 هههههههههههههه

أنت قصدك 5 مللي و ده عمرك ماهتحس بييييييييه

ههههههههههههههههههههههه
صباح التهنيج
5 مللي ياعم احمد متزعلش

**a7med7mdy** · 06-02-2013 10:04 PM

طب ده يتركب في التوكيل ولا بره ولو بره العربية كده تبقي خارج الضمان ولو في حاجات تانن تنصحوني بيها يارت تقولولي

**Land_Cruiser** · 06-02-2013 10:22 PM

المشاركة الأصلية كتبت بواسطة a7med7mdy

طب ده يتركب في التوكيل ولا بره ولو بره العربية كده تبقي خارج الضمان ولو في حاجات تانن تنصحوني بيها يارت تقولولي

انا اشتريت البار من اوتو ايجيبت و ركبته فى السبع بس فى زملاء معانا اشتروا البار مستعمل من الحرفيين و أخدوا بقيه الحاجه و ركبوه فى التوكيل و حضرتك ممكن تعمل الحل التانى لو عايز توفر فى التكلفه بانك تشترى البار مستعمل و الباقى و التركيب فى التوكيل و ما بيأثرش فى الضمان

بالنسبه للنصيحه هى باختصار ان حضرتك لازم تعرف ايه اللى حصل بالضبط و ده علشان تطمن فاكشف على العفشه بصفه عامه و ركز على المقصات و تقل الدركسيون لو كان. خفيف

**tarekMANDOUH** · 06-02-2013 10:37 PM

انا روحت النهاردة عملتو عند المركز العمل فية صاحب الموضوع جزاة اللة كل خير والحمدلله ركب في نص ساعة وانا حسيت الفرق اكتر في مطبات الهوا وانا ماشي على الدائري فعلا فرق جامد لكن في الطرق المكسرة والمدقات مفرقش كتير بس تحس ان العربية اتمسكت من تحت .

**miceg** · 07-02-2013 01:11 AM

المشاركة الأصلية كتبت بواسطة land_cruiser

انا اشتريت البار من اوتو ايجيبت و ركبته فى السبع بس فى زملاء معانا اشتروا البار مستعمل من الحرفيين و أخدوا بقيه الحاجه و ركبوه فى التوكيل و حضرتك ممكن تعمل الحل التانى لو عايز توفر فى التكلفه بانك تشترى البار مستعمل و الباقى و التركيب فى التوكيل و ما بيأثرش فى الضمان

بالنسبه للنصيحه هى باختصار ان حضرتك لازم تعرف ايه اللى حصل بالضبط و ده علشان تطمن فاكشف على العفشه بصفه عامه و ركز على المقصات و تقل الدركسيون لو كان. خفيف

الدركسيون تقيل وكل حاجة تمام
لكن الموضوع لم أجد له أي تفسير
بس جايز بس إشارة من عند ربنا (( ويعلمكم الله ))
انا متهور جدا فالسواقة والحمد لله بحاول دلوقتي ابقا متزن

**miceg** · 07-02-2013 01:15 AM

المشاركة الأصلية كتبت بواسطة tarekmandouh

انا روحت النهاردة عملتو عند المركز العمل فية صاحب الموضوع جزاة الله كل خير والحمدلله ركب في نص ساعة وانا حسيت الفرق اكتر في مطبات الهوا وانا ماشي على الدائري فعلا فرق جامد لكن في الطرق المكسرة والمدقات مفرقش كتير بس تحس ان العربية اتمسكت من تحت .

مبروك ياستاذ طارق على العمود
وأكيد فرق كتير جدا وهتلاقيه برضه أثر على الطارة وهتحس ان الطارة مش مايعة فالمشي
زي ماكان الوضع فالاول (( ثبات أكثر ))
بس هو العمود مش كل حاجة فالعربية
الكاوتش بتاع العربية اخباره ايه (( مشي كام كيلو ))
برضه حاول تروح أي مركز تعمل ترصيص وظبط زوايا وأظبط ضغط الكاوتشات قدام 33 وورا 30
وقولنا ملاحظاتك بعد كل ده