تسلم ايديك يا باشا ع نقل الموضوع و أحييك ع امانتك في ذكر انه منقول
طبعا كلام زي الفل و ده اللي بقالي سنين بحاول اوضحه للناس
و خاصة نقطة ان مفيش حاجة اسمها زيت 5000 و زيت 10000 اللي بيحدد الزيت يقعد اد ايه هو ظروف القيادة و حالة الموتور و الجو
يعني مثلا واحد سواقته هادية في جو بارد مش زي واحد سواقته هادية في جو حار
واحد شد و غرز في جو حار مش زي واحد سواقته هادية في جو حار او طريقه كله اشارات و زحمة و واحد طريقه طوالي
و الزيت التخليقي نظرا لخواصه و المذكورة في الموضوع بيكون عمره اطول و المعدني عمره أقل مع العلم ان زيت معدني قبل كده مشي معايا لحد 8000 و كله كان بيقول 5000 و ع 4000 تنزله لكن اغير ليه طالما لزوجته كويسة و متأكسدش ؟؟؟ لكن فيه احيانا المصنع بينصح المالك ان الزيت يتغير بعد مدة محددة ع سبيل المثال عندي بينصح بتغييره كل 5000 او 4 شهور بالرغم ان الكتالوج كاتب لازم احط زيت تخليقي SL ع الاقل ثم طبعا SN في عربيات تانية 10000 او 6 شهور طبعا في حالتي شايف انه اهدار للزيت طالما كويس لكن من بعد ما الواحد عدي 100 الف بيكون ساعات فيه كلام تاني و أفضل للحالة زي زيت زي شل hx5 15w50
نقطة تانية خاصة باختيار الزيت المناسب طبعا احنا لازم نستخدم اللي ينصح به في الكتالوج لكن برده لازم اللي يناسب الجو يعني مثلا في الصيف او في دول زي الخليج مش معقول واحد يروح يحط زيت 5w30 الزيت مش هيتحمل و بالتالي غالبا بيحطوا 5w50 او 15w50 او 20w50 لاحظوا ان فيه اكتر من لزوجة منزلتش مصر عندنا تقدروا تقولوا اللي موجود هنا هو المناسب للجو
الرقم الاصغر بيدل ع لزوجة الزيت في درجات الحرارة المنخفضة و بالتالي كل ما قل كل ما كان اسهل في الوصول لاجزاء الموتور في بداية التشغيل و العربيات الحديثة عامة تحتاج لزيت خفيف في بداية التشغيل يمكن تلاقي عربية قديمة او موتور قديم ينصح باضافة بـ20w50 زي الماروتي تقريبا لو لم تخني الذاكرة
فيه نقطة أحب اضيفها فيه ناس برده بيقولوا فلتر يمشي 5000 و فلتر 10000 و فلتر 20000 اهو ده فتي اكتر من فتي عمر الزيت كل الموضوع ان اللي بيقولوا عليه بيمشي 5000 خامته رديئة مش أصلي و 10000 أفضل لكن الأفضل استخدام فلتر أصلي و لو قدرت تحصل عليه من التوكيل يكون احسن لأن ده مفيهوش هزار بالاضافة مع استخدام فلتر أصلي تغيير الفلتر مع كل تغييرة زيت سواء بتغير كل 5000 او 10000 فيه ناس بتشوف انها تكلفة زيادة لكن انا شايف ان مش الـ20-30 ج ديه اللي هتأثر يا عم اعتبر نفسك جبت ساندوتش لسبب بسيط انت متعرفش حالة الفلتر بقت ازاي جوة و فعلا بيفلتر و لا ل و في نفس الوقت اهو نضافة و يكون قدرته ع فلترة الشوائب اكتر
و لا تستخدم فلاش و لا غيره لأني بصراحة غير مقتنع بحاجة اسمها فلاش لأن المفروض اننا بنحط زيت للموتور مش للتزييت فقط لكن لتنضيف الموتور طالما بحافظ ع تغيير الزيت ع فترات متقاربة مع الفلتر يبقي هتحتاج فلاش ليه ده رايي الشخصي
المفضلات