بتعمل ايه لما بتكون مضايق جدا ومخنوق!!!!!!!!

**Jato.33** · 30-07-2008 02:24 PM

حلوة معلومة الشوكولاتة دية جديدة عليا
أنا بقطع أكل وكلام نهائياً ومش عارف ليه مش بشعر بالجوع على الرغم من بقائي أحياناً أكثر من يومين مثلاً من غير أكل خالص
مش برد على حد خالص سواء في البيت أو بره بمثل دور الأخرص والأبكم مش بعرف أفتح بقي زي ما أكون بلعت لساني
بمشي كتير أوي يعني ممكن مسافات لا أتخيلها أنا مرة مشيت من خالد بن الوليد لحد محطة الرمل ومرة مشيت من بيتنا لحد الإستاد وعموماً المشي بيعمل شغل جامد أوي بس مش بفك برده يعني بفضل زعلان بس الموضوع بيخف
عموماً لو حصل وفتحت بقي بتخانق خناقة يسمعها كل الناس ممكن أروح القسم وأفضل أزعق لحد ما صوتي يتنبح ملاقيش صوت أكمل
أستغفر الله
لو كنت بلجأ لربنا بقلبي صحيح ورضيت بقضائه مكنتش هعمل كل ده
اللهم رضنا بقضائك ونسألك العافية

**ehabradwan** · 30-07-2008 02:32 PM

يعني سجارتين حشيش او بانجو
بهزر طبعا انا مابشربش سجاير اصلا . الحمدلله على النعمة دي
تلات حاجات
1- القرآن بيريح فعلا
2- العب مع الواد عبدالله
3- انزل اتمشى على رجلي مش ناقصة خنقة سواقة و اجيب ازازة عصير و ارجع اكمل الخناقة مع مراتي :)

**marsguy** · 30-07-2008 02:35 PM

أنا باكل شيكولاته وموز وباحاول أنام

غالباً لما بانام باصحى وأنا أقل إكتئاباً

**Noha.M** · 30-07-2008 02:47 PM

المشاركة الأصلية كتبت بواسطة أبو عبدالله

ألا بذكر الله تطمئن القلوب

ومن أعرض عن ذكري فإن له معيشة ضنكا , ونحشره يوم القيامة أعمى

وصدق ربي

لا اله الا انت سبحانك اني كنت من الظالمين

الأذكار الاذكار الاذكار
اليـوميـــــــــة
إضغط هنا

جزاك الله كل خير يا استاذ محمد على التذكرة الطيبة

**aif** · 30-07-2008 02:54 PM

المشاركة الأصلية كتبت بواسطة Metbahdel

حلوة معلومة الشوكولاتة دية جديدة عليا
أنا بقطع أكل وكلام نهائياً ومش عارف ليه مش بشعر بالجوع على الرغم من بقائي أحياناً أكثر من يومين مثلاً من غير أكل خالص
مش برد على حد خالص سواء في البيت أو بره بمثل دور الأخرص والأبكم مش بعرف أفتح بقي زي ما أكون بلعت لساني
بمشي كتير أوي يعني ممكن مسافات لا أتخيلها أنا مرة مشيت من خالد بن الوليد لحد محطة الرمل ومرة مشيت من بيتنا لحد الإستاد وعموماً المشي بيعمل شغل جامد أوي بس مش بفك برده يعني بفضل زعلان بس الموضوع بيخف
عموماً لو حصل وفتحت بقي بتخانق خناقة يسمعها كل الناس ممكن أروح القسم وأفضل أزعق لحد ما صوتي يتنبح ملاقيش صوت أكمل
أستغفر الله
لو كنت بلجأ لربنا بقلبي صحيح ورضيت بقضائه مكنتش هعمل كل ده
اللهم رضنا بقضائك ونسألك العافية

الآيات اللي في توقيعك دي لما باكون مخنوق مش بأقدر اقراها ....البكاء بيغلبني .... بس بارتاح بعدها جدا

وَتَوَلَّى عَنْهُمْ وَقَالَ يَا أَسَفَى عَلَى يُوسُفَ وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ (84)
قَالُواْ تَالله تَفْتَأُ تَذْكُرُ يُوسُفَ حَتَّى تَكُونَ حَرَضًا أَوْ تَكُونَ مِنَ الْهَالِكِينَ (85)
قَالَ إِنَّمَا أَشْكُو بَثِّي وَحُزْنِي إِلَى اللّهِ وَأَعْلَمُ مِنَ اللّهِ مَا لاَ تَعْلَمُونَ (86)

**misho2mimy** · 30-07-2008 03:03 PM

انا بكتم في نفسي واستلم النت ممكن 12 ساعة متتالية .......... لغاية ما يجيلي صداع وادخل انام
ولو لقيت mohamed_88sk
يبقي الوقت ممكن يطول عن ال12 ساعة بس اهو بينسيني الخنقة اللي انا فيها
حقيقي ده اجدع صاحب

**hamedo0** · 30-07-2008 03:13 PM

اهو ازعق شويه وفي الاخر اخش الحجره بتاعتي استخفر ربنا لحد مانام

**R A N A** · 30-07-2008 04:30 PM

المشاركة الأصلية كتبت بواسطة Noha-M

3. اكلم خطيبي اعيطله شوية

ماهم عشان كده يانهي بيقولوا علينا نكديين

فبلاش تكلمي خطيبك تعيطيله عشان متبقيش مثال للبنت المصرية النكدية

المشاركة الأصلية كتبت بواسطة Ahmad Allawy

ههههههههههههههه
معلش مقدرتش امسك نفسي من الضحك لما قريت كلام صاحبة الموضوع..
انا عارف اتنها مش حاجة تضحك.. بس اعذروني..
افتكرت كلام احمد حلمي في فيلم ظرف طارق.. لما كان بيقول لأبو نور..
امال فين سارة.. لما تصحي بقي من شهر النوم اللي هي فيه.. ابقي قولها اني جيت..

:) :) :)

انا فاكرة كمان لما بيقول لأبوها هي سارة متعودة تنام خميس وجمعة كده علي طول

انا بقي زيها بس جمعة وسبت الا لو في مشاوير او اعمال منزلية :angelsad2:

عندك حق تضحك انا نفسي اتريقت علي نفسي واخواتي برده بيقعدوا يقولولي تعليقات تفطس من الضحك اساساً على موضوع النوم ده

ده غير موضوع الاكل لما بقوله لحد يقولي دانتي عروسة لقطة وموفرة كمان

لإني كمان يوم مانفسي بتتفتح اوي علي الاكل يعني واقول دانا دبيتها النهاردة اكل وجبتين في اليوم :D

hh · 30-07-2008 04:36 PM

انا مشكلتي في الدنيا اني لما بتضايق اوي لا بعرف اكل و لا انام. بابقى حاسة اني نفسي ازعق و اتخانق عشان اخرج اللي جوايا بس مش قادرة. المشكلة بقى ان انا جوزي لما يتضايق بتقلب معاه بنوم,فلما نتخانق لا قدر الله يدخل ينام و يسيبني انا سهرانة للصبح مش عارفة انام و عمالة (اهري و انكت) في روحي زي ما بيقولوا, و هو في سابع نومة. بيبقى هاين عليا ارزع اي حاجة تقيلة عالارض جنبه عشان يصحى, بس بمسك نفسي عشان احنا متخانقين خلقة مش ناقصة. اللي فعلا بيهديني اني اقرا قرأن. بحس بنوع غريب من السكينة. او اقعد علي الكمبيوتر اعمل اي حاجة مش مركزة فيها و انا باسمع اغاني, و اركز اوي علي الاغاني النكد عشان اعيط و دي بقى اكتر حاجة بتريحني. مش باحاول اتكلم مع حد لو اللي مضايقني حاجة في البيت عشان انا ماحبش حد من الزوجين يشرك حد في مشكلة لأن ده يكبرها اكتر.و لو بالنهار ممكن افضل امشي لوحدي في الشارع ساعة او اتنين عشان اهدى.

الموضوع: بتعمل ايه لما بتكون مضايق جدا ومخنوق!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

لما بتكون متضايق بتعمل إيه؟ ....دعوة للفرفشة....

مضايق

مضايق من الخدوش

انا مضايق جدااااااااااااااااااااااااااااا

واحد مضايق

الكلمات الدلالية لهذا الموضوع

المفضلات

المفضلات

ضوابط المشاركة