بتعمل ايه لما بتكون مضايق جدا ومخنوق!!!!!!!!

**R A N A** · 29-07-2008 04:21 PM

لما بتكون مضايق جدا ومخنوق سواء بسبب مشكلة فعلية او بدون سبب (هو طبعا مفيش حد بيبقي مضايق بدون سبب هي بتبقي اسباب تراكمية يعني) :angelsad2:

انا عن نفسي عندي عادتين سيئين جداً اولهم هو اني لما بكون مضايقة ومخنوقة نفسي بتتقفل تماما عن الاكل حتى لو بقالي فترة كبيرة مكلتش ابقي حاسة بالجوع بس ماليش نفس (دي طبعا ميزة لزوج المستقبل هايوفر جامد في الوجبات يعني اخر الشهر مثلا لو معاهوش فلوس يأكلنا ومكسوف يقول ديتها ينكد عليا قبل الفطار فمفطرش وييجي علي ميعاد الغدا ينكش النكد بتاع الفطار فمتغداش ييجي بقي ساعة العشا يصالحني ونتعشي وبكده يبقي وفر تمن وجبتين في اليوم :biggrinjester: او يكمل نكد الفطار والغدا فمتعشاش فيوفر تمن ال 3 وجبات كلهم )
بس الاخوة المتزوجين حالياً اوعي تطبق النظرية دي علي زوجتك لحسن تكون من النوع اللي لما بتضايق بتاكل بشراهة فتغرم تمن 6 وجبات في اليوم مثلا

والانيل من كده بقي ان الموضوع بيقلب معايا بنووووم
يعني ممكن انام 12 ساعة او 14 او 16 ساعة متواصلين يدوب اصحي اشرب او اصلي او اكل حاجة بسيطة وارجع اكمل نوم تاني والغريب اني بيبقي عندي قابلية للنوم تاني عادي جدا لدرجة اني في يوم نمت تقريبا من 2 باليل لحد تاني يوم الساعة 12 الظهر يدوب فطرت وصليت الظهر ورجعت نمت تاني لحد العصر صحيت صليت العصر ونمت تاني وصحيت صليت المغرب ورجعت نمت تاني وقمت بقي اصلي العشا فزهقت ومنمتش تاني بس جيت علي الساعة 12 باليل بتاوب اخواتي قالولي انتي بتستهبلي انتي كمان بتتاوبي ليكي عين انتي مشبعتيش نوم حرام عليكي واللي يقعد يتريق ويقولي انتي قرصتك ذبابة التسي تسي

مش عارفة نفسي الاقي حل للموضوع ده خصوصا موضوع النوم

المهم دلوقتي في ناس تانية بقي الموضوع بييجي معاها بالعكس مثلا يفضلوا قلقانين وميناموش او اللي نفسه تتفتح بزيادة علي الاكل ويفضل ياكل ياكل
(دي تقريبا في علم النفس اسمها حيل دفاعية او بمعني اصح حيل هروبية) بصراحة مش فاكرة لو حد ليه في علم النفس يقولنا اسمها ايه الحاجات دي اصلي نسيته خالص

فكل واحد فينا كده يقول لما بيكون مضايق بيعمل ايه وبيخرج نفسه من الخنقة ازاي يمكن الاقي في ردودكم حل لمشكلتي :Angel_anim:

**AlmAhAtmA** · 29-07-2008 04:34 PM

الموضوع سهل للغايه
الصلاه
الذكر
الصدقه
و اكلم كريم منير

**M!NA** · 29-07-2008 04:35 PM

باخد العربية و أسافر أاي مكان بعيد.... سواء لوحدي أو مع أي صديق (و طبعا بختار صديق غير مزعج عشان مرميهوش في الصحرا لو خنقني)
:d

**mo7amed_omara** · 29-07-2008 04:43 PM

أنا لما بكون متضايق بفكر بليل قبل النوووم شوية و معرفش انام على السرير بس بعد شوية النوووم
يكبس و انام بردو

و ممكن اقعد امشى لوحدى على البحر خصوصا فى الصيف هههههههههههه لغاية ما انسى اللى حصل و بعد كدة ارجع البيت تانى طبعا

**1.8Tee** · 29-07-2008 04:43 PM

ال Ipod فى ودانى.

او

أتمشى بالعربية فى اى حتة طوالى.

**osama** · 29-07-2008 05:16 PM

بلعب مع ابني شهاب

**aif** · 29-07-2008 05:29 PM

ساعات اروح النادي امشي او أجري لو ربنا قدرني في التراك لغاية ما ابقي عرقان ميه ...واروح آخد دش وانام
وساعات اروح الجامع وافضل قاعد بعد الصلاة من المغرب للعشاء مثلا
وساعات آخد مهدئ خفيف جدا عشان ما اتنرفزش علي مراتي واولادي .. وانام ....
وساعات آجي المكتب اقعد لوحدي لغاية ما أفك

**kareem_Ashmawy** · 29-07-2008 05:52 PM

انا عن نفسي عندي عادتين سيئين جداً اولهم هو اني لما بكون مضايقة ومخنوقة نفسي بتتقفل تماما عن الاكل حتى لو بقالي فترة كبيرة مكلتش ابقي حاسة بالجوع بس ماليش نفس

الانيل من كده بقي ان الموضوع بيقلب معايا بنووووم
يعني ممكن انام 12 ساعة او 14 او 16 ساعة متواصلين يدوب اصحي اشرب او اصلي او اكل حاجة بسيطة وارجع اكمل نوم تاني

أنا كده بالضبط....و قعدت مضايق شوية شهرين تقريبا...خسيت جدا
لدرجة ان كل أصحابى قعدوا يقولولى هتختفى يابنى لو مفقتش
.
.
بس أكتر حاجة بتهدينى انى اروح اقف على النيل
و ياسلام بأه لو فى الشتاء باليل و الجو تلج و مفيش ناس خالص
بهدى خااااااااالص و ارجع طبيعى تانى

-

الموضوع: بتعمل ايه لما بتكون مضايق جدا ومخنوق!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

لما بتكون متضايق بتعمل إيه؟ ....دعوة للفرفشة....

مضايق

مضايق من الخدوش

انا مضايق جدااااااااااااااااااااااااااااا

واحد مضايق

الكلمات الدلالية لهذا الموضوع

المفضلات

المفضلات

ضوابط المشاركة