الموضوع: بتعمل ايه لما بتكون مضايق جدا ومخنوق!!!!!!!!

المشاركة الأصلية كتبت بواسطة Noha-M

[color="Purple"]
تصدقي فعلا عندك حق يا بيردى .. انا بس اقول الو من هنا يقوم هو يقولى خييييييييييييير و انا لازم اقول مافيش الاول عشان يتحايل شوية عليه انى اقول كأنى هقوول سر شويبس مثلا :p و يطلع فى الاخر مثلا متخانقة مع مامتى .. اخويا اخد عربيتي .. الجزمة ضيقة .. اى نكد و خلاص
:p

هما البنات كلهم بيعملوا كده ازاي تحسي ان سييم متعرف عليه مثلا ويكأن العمايل دي موجودة في الجينات تفضلي تقولي مفيش مفيش وانتي هاتموتي عشان تقولي وتفكي عن نفسك بس نحب اوي ان حد يتحايل علينا عشان نقول

بس بجد اكتر حتة عجبتني موضوع الجزمة ضيقة ده فعلا حاجة تنكد بجد صدقوا بتوع باتا لما قالوا " راحة الجسم تبدأ من القدمين


,والله يا شيكس انت اللى فيهم يابنى

ربنا يباركلك و يخليك لمراتك

فعلا هو اللي فيهم والله يناصفنا يارافع معنوياتنا ربنا يباركلك يارب

onna سابقا و birdy باشا أخجلتم تواضعنا ......و فعلا فيه كتير ارائهم رزينة و عاقلة و مطابقة لتعاليم ديننا بس للاسف برضه فيه ناس بتتغاضي عن النقطة ديه بالذات و قد إيه الأسلام رفع من شأن المرأه من أول تحريرها من ذنب الخطيئة الكبرى وحدها إلي المساواه في الحقوق و الواجبات ....بس ده موضوع تاني ....ربنا يهدي الجميع

أنا بالنسبة لى
التقرب لله و الإستغفار و قراءة كتاب لا تحزن

بعمل ايه لما بكون متضايق ؟؟؟؟؟؟!!!... وده بقى الطبيعى فى كل الاوقات ان الواحد يبقى متضايق ... مابكلمش حد نهائى غير ممكن احد اصدقائى المقربين جدا ..... او بستنى اول خروجه مع اصحابى و نقعد نهيس ونضحك على اى حاجه .و ديه اكتر حاجه بتبستطى و تخرجنى من اى مود وحش .

بجنب السواقه بشكل كبييييير ... لانى ببقى مجنون و و بطلع غيظى فى العربيه وبعد كده بزعل اكتر على الى انا عملته فى العربيه .

مبردش على التلفون نهائى " تلفون البيت "و لو محدش فى البيت علاشان يرد ... بكبر دماغى و مردش .. اغلب الوقت مابردش على نمر غريبه على الموبايل ...
حتى الMSN قفلته نهائى بلا وعوده .

بحاول بقدر الامكان اتجنب الكلام مع اى حد غير اصدقائى المقربين جدا ...اساسا معنديش دماغ او نفس للكلام مع حد ولو اتكلمت سعات كتير بضايق من نفسى اكتر لانى ممكن ازعل الى قدامى بدون قصد !!!!

فى كافيه بحبه جدا فى اكتوبر اسمه Si'ss'i لانه بيشغل ميوزك شيل اوت , لما بقعد فيه بيطلعنى من المود طبعا مع فنجان ايرل جراى . بعمل دماغ هدوء

أنا عن نفسي ربنا ما يوري حد لما ببقى متضايقة ببقى ازاي..مش بزعق ولا بزعل حد ولا حاجة
بس فترات ضيقي بتطول لشهور
لأني من النوع اللي يفوت يفوت كتيييييييير لحد لما فجأة الاقي كلكوعة كبيرة متتفكش

عموما بتصرف ازاي
بمنع الأكل..بمنع النوم
بقفل على نفسي الأوضه ومش بخرج ولا بكلم حد وبفصل فيشة تليفوني واطفي موبايلي
واضلم الأوضة..يا اسمع أغاني نكد..يا أقعد اتسنكح ف النت بلا هدف

لو بالنهار..باخد عربيتي حبيبتي وأطلع ع الزراعي -عشان ونس شوية عن الصحراوي- وأفضل ماشية وأنا مشغلة أي حاجة مش مركزة معاها وأنا بفكر وأشد ف الطريق وأجيب أكتر حاجة أقدر عليها ساعتها ف السرعة..ده بيخليني بجد أهدى كتير

كان ليا انتيمتي زمان كنت برضه بهدى لما أكلمها أو نخرج مع بعض بس للأسف الدنيا فرقتنا..وده طبعا بقى بيزود كآبتي وإني مخرجش من المود بالساهل.

ف أوقات بفوق وبفتكر ان ده أكيد اختبار من ربنا..فبتكسف قوي اني فشلت فيه..واقعد أكلم ربنا وأشكيله وأستغفره..وبجد قمة الراحة لما الواحد يشكي لربنا وبعدين يفوض الأمر إليه..كله بيروح ولا كأن كان في حاجة حاصلة.