رابطة مالكى فيكترا سي ★ والصيانات

**Abdo Taha** · 23-12-2013 11:17 PM

المشاركة الأصلية كتبت بواسطة archer arrow

مهنس احمد فهمى
ممكن تدينا معلومان عن vectra c vxr
العربيه دى منزلتش مصر لأنها تصنف كفئه رياضيه مثل m3

هل ممكن تغيير المحرك ال 1600 الى محرك vxr 2800 cc
أتمنى الافاده

ممكن تغير المحرك لبتاع ال vxr او opc عادي بس لازم هتغير الفتيس و احتمال التعليق و الفرامل عشان يستحملو قوة الموتور بس المشكلة مش في كده المشكلة انك هتجيب الموتور ده منين و لو جبته هتلاقيله قطع غيار منين ؟ بس فكرة حلو و هتخليلك العربية حاجة تانية خالص الموتور ده 2800 cc تربو بيولد قوة 280 حصان و عزم 355 نيوتن و ممكن تجيب موتور الانسجنيا opc لأن هو هو موتور الفيكترا بس تربو اكبر و الكنترول متعدل و هيديك 321 حصان و عزم 435 نيوتن و حضرتك ممكن تتعرف عليها اكثر عن التقرير المثبت فوق عن العربيات ال opc الرياضية

**asd7778** · 25-12-2013 07:01 PM

عندى مشكلة عجيبة ان الكبوت مش راضى يفتح احرك مفتاح الكبوت وما يحصلش حاجه لما بشد المفتاح كأنه على هوا فضلت اجرب بتاع عشر مرات لغاية مافتح وكنت عاوز أحط. ماية مساحات المهم قفلت الكبوت حاولت افتح تانى ولا حاجه
مش عارف فى إيه

**sniperfox** · 28-12-2013 08:06 PM

كنت عاوز اركب زينون لفيكترا سي جربت كزا نوع ومشتغلوش فيريت لو حد مركب يفدني بالنوع و مكان التركيب

**archer arrow** · 02-01-2014 01:13 PM

شكرا مهندس عبد الرحمن
انا بالفعل جبت عربيه vxr كامله بس نصفين من بره مصر
وكمان جبت عربيات 1800 و 2000 تربو
لسه محتار اسقط ايه فيهم
الحقيقه انا جبتهم علشان العربيات دى نادره قوى كقطع غيار استعمال
انا جايب نفس الشكل الللى عندنا face lift

**Abdo Taha** · 02-01-2014 04:12 PM

المشاركة الأصلية كتبت بواسطة archer arrow

شكرا مهندس عبد الرحمن
انا بالفعل جبت عربيه vxr كامله بس نصفين من بره مصر
وكمان جبت عربيات 1800 و 2000 تربو
لسه محتار اسقط ايه فيهم
الحقيقه انا جبتهم علشان العربيات دى نادره قوى كقطع غيار استعمال
انا جايب نفس الشكل الللى عندنا face lift

هو اللي فهمته من حضرتك انك جايب العربيات بس متقطعة نصفين واحدة vxr بموتور 2800 تربو و كذا عربية تانية 1800 و 2000 تربو صح ؟ و لا انت جايب مواتير و عايز تسقط في العربية اللي انت شاريها من مصر ؟

عموما انصحك تسقط موتور ال vxr لأنه لو ركبته هتعلم على عربيات كتير او من الاخر محدش هيعرف يجيبك عيبه انه محتاج بنزين 95 و يعتبر ملوش قطع غيار قي مصر

بالنسبة لل2000 تربو جامد برضه بس فيه نفس مشاكل ال vxr

ال 1800 ده اعتقد انه مفهوش مشاكل و ميزته انه ممكن يركب على الايزي ترونك و ممكن ياخد 92

لو انت معندكش مشكلة في البنزين 95 و هتعرف تجيب قطع غيار من بره خليك في ال vxr موتور مش طبيعي بجد

بالتوفيق.............. تحياتي

**Abdo Taha** · 04-02-2014 11:31 PM

المشاركة الأصلية كتبت بواسطة sniperfox

هو ليه محدش بيرد علي سوالي معتقدش انه صعب للدرجا دي

بص يا باشا انا لسة مركب زينون بي ام 320 اصلي مفكوكين من الفانوس الإضاءة افضل كثير جدا حتى من النايت بريكر العربية دي عيبها الاضاءة مش كويسة لازملها زينون انا سألت صابر من اسبوعين على طقم الواطي قالي ب 800 و 1600 لو زودت العالي معاه و الكهربائي اللي عنده قالي ان ده مفهوش مشاكل و مش هيطلع ايرور بس لو هتجيب زينون هاته يا 4300 k او 6000 k اعلى من كده بلاش عشان مش هتحس بقوة اضاءته و هيبقى ازرق زيادة على الفاضي كلمه و اسأله و قل لي ايه الاخبار

**Abdo Taha** · 05-02-2014 06:01 PM

المشاركة الأصلية كتبت بواسطة osamaos20022

طيب هو آخر موديل كان 2008 مش لاقي غيره

ايوة يا باشا ده اخر موديل اوقفت اوبل انتاجها في 2008 و استبدلتها بأختها انسجنيا

-

الموضوع: رابطة مالكى فيكترا سي ★ والصيانات

LinkBack

أدوات الموضوع

عرض

-

-

-

-

-

المواضيع المتشابهه

فى التـوكيل :: اسعار قطع الغيار والصيانات + عناوين مراكز الخدمة + تفاصيل عمل الصيانات

رابطة مالكى الاكسيل-الجزء الأول

التوكيل والفروع والصيانات سؤال مهم لكل مالكين كيا

الكلمات الدلالية لهذا الموضوع

المفضلات

المفضلات

ضوابط المشاركة