الموضوع: رابطة مالكى فيكترا سي ★ والصيانات

المشاركة الأصلية كتبت بواسطة verna

السلا عايكم
اولا انا مش دائم المشاركة و لكني استفيد كثيرا من الاراء و المناقشات هنا و اشكر كل القائمين علي الرابطه لان فعلا بستفيد و كمان بيخلو الواحد يفهم العربيه و يعرف عنها اكثر
ثانيا انا الحمد لله اشتريت عربيه فيكترا 2008 ايزي ترونك و مبسوط منها جدا بس كان عندي مشكلتين كنت عاوز استفسر عنهم و يا ريت حد يساعدني
المشكله الاولى العربيه لما بتيجي تنقل من التاني للاول بسمع صوت رزعه جامده من الجير بوكس و بحس بالهبده و انا جوه انا كنت عاوز اسأل الموضوع ده ليه علاج ولا لا و المشكله التانيه العربيه ساعات بحس ان عزمها مع اول الغيار حتي لو مثلا الرابع بيبقى ضعيف و لاكن دا غير دائم ساعات ساعات فمش عارف دﻻ ممكن يكون عيب ايه
و لكم جزيل الشكر و اسف على الاطاله و مستني اراءكم في المشكلتين الي عندي

اولا الف مبروك على العربية و ربنا يديك خيرها و يكفيك شرها .
مشكلة الهبدة دي عايزة رجلك تظبط شوية و مش هتحس بيها لو سقتها مانيوال و كذلك التكة الرخمة دي معروفة و علاجها برضه كده ، انك تجبها مانيوال و دي عن تجربة عملية المشكلة انك لما بتهدي بتنقل اول بدري فبتعمل التكة دي لكن لو هديت بسرعة مش هيحصل كده او هتبقى ضعيفة و بالنسبة لأول الغيار ده عيب العربية دي قبل ال 2500 او 2800 rpm بيبقى عزم العربية ضعيف لكن بتتحول و تبقى طيارة من اول ما تعدي ال rpm ده و تفتح معاك جامد و ده لأن الاوبل كده عموما و راجع لأن الموتور صغير شوية على العربية فمش بيبقى حلو فهتلاقي طلعة العربية مش حلوة اوي لكن بعد كده هتشوف احلى حرق و كيك داون و تقدر تشد مع السيفيك كمان ، كلها مشاكل بسيطة بس اهم حاجة و انت بتسوق في الزحمة تخلي العربية مانيوال لأنه الى حد ما بيقلل الهبدات و النتش اللي بيحصل في وضع الاوتو و اهم حاجة قبل ما تكون اشتريت العربية تكون كشفت عليها كويس و بالذات الفتيس .

المشاركة الأصلية كتبت بواسطة ziad_fawzi

هي مياه الرادياتير للفيكترا c مياه حمراء واللا خضراء؟؟.... عربيتي فيها مياه حمرا بس انا كنت اشتريتها مستعمله من سنة بس حاسس ان معدل البخر عالي ده طبعا مع سلامة دائرة المياه و القربه و طلمبة المياه
ارجو الافادة و يا ريت لو حد عنده فكره من الفرق في خصائص و استخدام المياه الحمرا و الخضراء يفيدنا

المية الحمرة افضل في العربية دي هى جاية كده و المصنع موصي بيها استخدم مية توتال الحمرا سمعت انها كويسة جدا و انا حاليا بستخدم مية خضرا و للأسف مش كويسة اوي زي الحمرا بس اضطريت اني احطها .