رابطة مالكى فيكترا سي ★ والصيانات

**sniperfox** · 22-03-2014 04:23 PM

النور عندي سعات بيضعف ويقوي تاني بسرعه كنت عاوز اعرف ده ممكن يكون عيب ايه

**Abdo Taha** · 22-03-2014 04:41 PM

المشاركة الأصلية كتبت بواسطة sniperfox

النور عندي سعات بيضعف ويقوي تاني بسرعه كنت عاوز اعرف ده ممكن يكون عيب ايه

بالنسبة للمبة الهالوجين بتهيألي ممكن تكون ضعفت او ممكن متكونش متثبته في الفيشة كويس لو انت بطريتك و كهربة العربية عندك كويسة .

**Abdo Taha** · 22-03-2014 07:34 PM

المشاركة الأصلية كتبت بواسطة sniperfox

ان بصيت علي اللمبه لاتها في مكنها مظبوط ممكن يكون ده مشكله في الدينمو ؟ ده حيئثر لو ركبت زينون

ممكن احتمال فعلا و بتهيألي ممكن يأثر على الزينون يفضل تظبط الكهرباء قبل ما تركب الزينون عشان ميأثرش عليه

**Abdo Taha** · 23-03-2014 01:35 PM

المشاركة الأصلية كتبت بواسطة verna

انا الحمد لله ركبت الكانبس can-bus و الحمد لله شغال كويس انا اشتريته و تركيبه ب 700
و شغال عادي مش بيفصل ولا بيرعش ولا بيدي ايروور مش عارف ازاي عمل كدا عندك
بس الغريبه انه معهوش ضمان الراجل قالي معاك ضمان علي الجهاز لمده 6 شهور و كتبلي التاريخ على دهر الكارت بتاع المحل يعني معيش ضمان للجهاز بعينه
الحاجه باه الي نفسي اعرف اضبطها الرجلاش لاني بعد مركبت الزينوون النور بقا حاد و باين ان الرجلاش مش مظبوط و خايف اروح لاي كهربائي يخلي المواتير تفلت من الرجلاش ولا يعمل حاجه غلط و ارجع اندم اني حاولت اظبطهم

روح عند صابر ، الكهربائي اللي عنده ظبطلي الرجلاش من حتة غريبة كده في الفانوس بمفك يعني متقلقش ده موضوع بسيط جدا و لا هيحتاج فك فانوس و لا غيره هما عاملين حساب الكلام ده في الفانوس و المواتير اللي في العدسة هتشتغل عادي خالص .

**sniperfox** · 23-03-2014 04:27 PM

المشاركة الأصلية كتبت بواسطة abdo taha

ممكن احتمال فعلا و بتهيألي ممكن يأثر على الزينون يفضل تظبط الكهرباء قبل ما تركب الزينون عشان ميأثرش عليه

اروح اقيس شحن الدينمو ول اتئكد ازاي انها مشكله من الدينمو

**verna** · 24-03-2014 12:33 PM

المشاركة الأصلية كتبت بواسطة sniperfox

اروح اقيس شحن الدينمو ول اتئكد ازاي انها مشكله من الدينمو

حضرتك ممكن تشوف شحن الدينامو من التست مووود في الشاشه بتاعت الكاسيت
هتشغل الكاسيت و تدوس على سيتينج لمده 10 سواني كدا هتسمع صوت من السماعات و بعديها قلب في الشاشه لحد متوصل للفولت هتديق قرايه شحن الدينامو

**Galal Gharib** · 24-03-2014 03:15 PM

السلام عليكم انا إن شاء الله هجيب عرية فيكترا 2008 بس للاسف مش لاقي حاجة حلوة غير إليجانس كان نفسي في حاجة أعلي منها ... المهم انا دلوقتي سألت في التوكيل لو ينفع أغير الكاست بالـ mp3 و الشاشة بتاعتة (GID) قالولي مينفعش ... بس حسب منا فهمت منكو انو ينفع بس هل هيجيب كل الأوبشن زي اللي في الـ Top Line و High Line ولا لازم أركب سينسور في العجل و ريدياتير و كل مكان علشان يبقي زيهم ؟ و ممكن أزود فيها أبشن مثبت سرعة ولا صعب ؟