رابطة مالكى فيكترا سي ★ والصيانات

**mohamed mansou** · 17-07-2014 12:26 PM

شكرا ليك بس كنت عايز اعرف برده حرف fلما يجي معناه ايه

**mohamed mansou** · 17-07-2014 04:53 PM

حد يعرف الكود ده بتاغ ايه في الفيكترا 2008 reference circuit malfunction

**Abdo Taha** · 17-07-2014 04:56 PM

حرف F في لوحة العدادات على شاشة نقلات الفتيس يعني فيه مشكله بالفتيس او كنترول الفتيس و دي بتيجي لخمس اسباب : 1-طقم دبرياج خلصان و العربية متقدرش تمشي بيه او ممكن العربية تجيب نقلة عادي بس متتحركش
2- طقم دبرياج مش اصلي و مش مظبوط فبيعمل مشكلة مع النقلة و بالتالي الكنترول بيدي f كل اما ينقل
3- شربون كنترول الفتيس لازم يتغير
4- البوردة اللي في الكنترول حصل فيها مشكلة لا قدر الله
5- او ان عصاية الفتيس الالكترونية اللي انت بتتحكم فيها من النقلات حصل فيها مشكلة مثلا وقع عليها سائل او حصل فيها عطل

**ashourashour** · 17-07-2014 06:10 PM

المشاركة الأصلية كتبت بواسطة mohamed mansou

حد يعرف الكود ده بتاغ ايه في الفيكترا 2008 reference circuit malfunction

refrence voltage circuit 1 or 2 ?????

انت ناقل الكود صح ؟

اكتب الكود كامل وانا اقولك ان شاء الله

ممكن تبص عالضفيره بتاعت سوتش الضغط اللي بتكون مربوطه بكلبسات على علبه فلتر الهواء سعات بتتفك من الكلبسات و تلمس مع طنبوره التكييف

**shamly** · 23-07-2014 03:52 PM

مجهود رائع وجبار وبجد العربية دي مظلومة في مصر اخوكم احمد الشاملي معايا فيكترا سي ٢٠٠٧ مانوال وناوي ان شاء الله اجيب الناس لاين وناس كتير جداااا مخوفاني من الفتيس والكنترول وتكلفة اصلاحه العاليه عايز من حضراتكم تعرفوني افضل طريقة لاستخدامه وكيف اتلاشي اعطاله واكتر حد بيفهم فيه وشكرا ليكم وشكر خاص جداا للاستاذ عبد الرحمن طه وكل سنة وانتوطيبين

**embabi** · 23-07-2014 09:29 PM

يا جماعة انا لسه عندي مشكلة تسريب المية لارضية الكابينة اثناء تشغيل التكييف

مش عارف فين مكان خرطوم الفايظ بتاع التكييف عشان اسلكه بالهواء

ثانيا هواء التكييف احيانا بيجيب تراب وفلتر التكييف قديم خالص ومش نضيف واعتقد انه عايز يتغير هل التراب ده نتيجة الفلتر القديم ولا ممكن تكون فين المشكلة

وشكرا ليكم جدا

**mohamed mansou** · 25-07-2014 02:16 PM

المشاركة الأصلية كتبت بواسطة Abdo Taha

حرف F في لوحة العدادات على شاشة نقلات الفتيس يعني فيه مشكله بالفتيس او كنترول الفتيس و دي بتيجي لخمس اسباب : 1-طقم دبرياج خلصان و العربية متقدرش تمشي بيه او ممكن العربية تجيب نقلة عادي بس متتحركش
2- طقم دبرياج مش اصلي و مش مظبوط فبيعمل مشكلة مع النقلة و بالتالي الكنترول بيدي f كل اما ينقل
3- شربون كنترول الفتيس لازم يتغير
4- البوردة اللي في الكنترول حصل فيها مشكلة لا قدر الله
5- او ان عصاية الفتيس الالكترونية اللي انت بتتحكم فيها من النقلات حصل فيها مشكلة مثلا وقع عليها سائل او حصل فيها عطل

**mohamed mansou** · 25-07-2014 02:27 PM

شكرا ليك يا استاذ عبدو انا عندي كبل opcom كشفت بيه علي العربيه وطلعلي الكود ده clutch actuator malfunction سالت واحد في التوكيل قالي كنترول الفتيس المهم اشتريت جير بوكس كامل واخدت الكارته وجربتها العربيه مقرتهاش طلع انه ليه كود لازم لما تغير الكارته تجيب نفس الكود المهم عملت صيانه للماتور اللي راكب في الكارته المسؤول عن الدبرياش بتاع الكارته القديمه وجربته اشتغل روحت مركب الجزء الميكانيكياللي في الكارته الجديده علي الكارته بتاعتي والحمدلله اشتغلت تمام
اسف علي الاطاله بس لافاده الجميع بتجربتي

**mohamed mansou** · 25-07-2014 02:33 PM

الله ينور يا استاذ احمد فعلا طلعت ضفيره الضغط اللي جنب فلتر الهوا كانت مش في مكانها وبتخبط في الطنبور شكرا ليك
بعد اذنك عندي مشكله عايز رايك فيها وانا ماشي بالعربيه بلاقي عدادات السرعه وار بي ام بتفصل وتشتغل لوحديها ولما بتفصل الانوار العالي والكلاكس مش بيشتغل ايه رايك