الموضوع: رابطة مالكى فيكترا سي ★ والصيانات

المشاركة الأصلية كتبت بواسطة ziad_fawzi

أحمد باشا 150 الف كتير اوي على توب لاين... اللي بيطلب الاسعار دي مابيبقاش فارق معاه البيع لحد ما يوقع زبون
عموما في واحدة ماشية 8000 كم فابريكة توب لاين و صاحبها كان طالب 150 او 160 الف بس بقالو 6 شهور عارضها للبيع
الأسعار اللي اعرفها لحد ماشتريت التوب لاين من شهر و نص للحاله الجيدة و الممتازة هي كالتالي:

2007 مانيوال 75000-85000 ج
2008 اليجانس 85000-100000 ج ( سعر الزيرو كان 165000)
2008 هاي لاين 90000-110000 ج (سعر الزيرو كان 185000)
2008 توب لاين 112000-135000 ج (سعر الزيرو كان 218000)

و في حاجات مهمة و اساسية للي عاوز يشتري عربية سليمة و مش من تاجر و بتفرق في سعر العربية :

1-اول يد او الرخصة باسم صاحبها ( بدون توكيلات)
2- حالة الدهان ( يفضل ماتكنش رشه حاجة غير الاكسدامات على الاكثر مع التأكد من عدم وجود اثار حوادث خلفها)
3- عداد كيلومتر قليل
4- حالة الكاوتش ( 4000 ج سعر الكاوتش البريدجسنون الجديد)
5- وجود الكتالوجات و دفتر الصيانة مختوم بانتظام من التوكيل

لو حد عنده اضافة أو تعديل أو تحديث للأسعار يا ريت يشارك بيها

عربيتين واحده كانت عامله 8 الاف كيلو اتباعت قبل ما نوصل لصاحبها فى السكه واعتزرلنا وب150 الف جنيه والتانيه 7 الاف كيلو واتلحقت على اللحظه الاخيره حضرتك اللى بيركب اوبل فاهم قيمة العربيه واللى مبيركبش اوبل تفتكر يشترى سراتو ب180 الف والا كرولا ب184 الف والا فيكترا زيرو فعلاً؟؟؟ ولمعلوماتك العربيات كلها غليت بسبب غلو الزيرو ولسه ربنا يستر وخلى بالك عربيه 7000 كيلو يعنى زيرو فعلاً وعربيات متحافظ عليها فى جراج دى بتجيب فلوس واللى بيشترى هيركب مش هيتاجر ودور فى السوق غالب المعروض زباله ووالله ما يسوى 60 الف حالات ضايعه

المشاركة الأصلية كتبت بواسطة sniperfox

كنت عاوز حد نضيف ف الحرفيين يركبلي مثبت سرعه العربيه فيكترا س منيوال

هتشتري من اى حد بتاع استيراد وهتتلع على صابر او محمد عبد الراضى يعرفهولك بس لازم يبقى معال السيكيوريتى كود بتاع العربيه وبيعمل الثبن من 200 ل250 انت وشطارتك فى الفصال