الموضوع: رجااالة وخبراء الأوبل اتفضلوا هنا شويه .. استشاره مستعجله

المشاركة الأصلية كتبت بواسطة MOstafa Hashem

صباح الخير على الناس المحترمه اللى راكبين عربيات محترمه .. عندى شوية اسئله كده ومحتاج افادتكم وخصوصا الملاااااك ..

ان شاء الله انا مقبل على شراء عربيه فيكترا c بعد ما بعت الفيكترا a بتاعتى وندمت والله انى بعتها .. هى كانت بتطلع عينى بس كان على قلبى زى العسل ..

الفيكترا a كانت فيها مكنه 1800 مانوال وكانت لسا بعافيتها وكانت مستحملانى سفر كل يوم على طريق الكريمات وكانت بتقفل معايا لحد 210 كم\س طبعا غير الثبات والاعتماديه بس كانت بتبلع بنزين وتكيفها باااايظ ..

انا فكرت كتير فى اليابانى وخصوصا المازدا 3 بس ركبت كل العربيات اليابانى ومستريحتش فيها .. فقررت خلاص انى هاجيب الفيكترا c

الاسئله بقى ..

1. هل الفيكترا c تستحمل الخدمه الشاقة ومتطلعش عينى فى الأستخدام ؟؟

الفكترا a معرفش عنها حاجه لكن الفكترا سي اقل اعطالا بكثير من الفكترا بي

2. هل التكييف بتاعها ضعيف ومشاكله كتيره زى الموديلات اللى فاتت ؟؟

[COLOR="rgb(46, 139, 87)"]التكييف مش ضعيف خالص بالعكس و لكن نسبه مش قليله من العربيات بتجيب مبخر و في كل العربيات صوت الكمبرسور مسموع للي ودنه حساسه زي حالاتي كدا

[/COLOR]3. هل العربيه دى بالذات بتتأثر بالكيلو متر الكتير ؟؟ .. يعنى لو جبتها ماشيه كتير اكتر من 100000 كيلومتر هتكون تعبانه ؟؟ وايه احسن موديل فيها ؟؟

[COLOR="rgb(46, 139, 87)"]دا يرجع للي كان راكبها .. لامؤاخذه
[/COLOR]

4. ايه اكتر مشاااكل فيها ؟؟ وايه الحاجه اللى مش معمره فيها ؟؟ عشان انا سمعت كلام عن ديسك واسطوانه وحاجات كده

[COLOR="rgb(46, 139, 87)"]الدسك ولاسطوامه مفيهومش مشاكل ولا حاجه و معمرين بس جيب الاصلي واهم حاجه لما تغير دسك واسطوانه في الايزي ترونك تبص عالشربون بتاع موتور الدبرياج عشان لو خلص منك عالطريق ونش طبليه على طول[/COLOR]

5. الصيانه العاديه بناعتها كل أد ايه وتكلفتها كام ؟؟ فى التوكيل وبره التوكيل ؟؟ وهل قطع غيارها متوفره بره التوكيل وايه اسعارها مثلا ؟؟

6. هل المانوال يفرق عن الأيزى ترونيك فى السحب ؟؟ علما بأن انا محبذ للمانوال اكتر

[COLOR="rgb(46, 139, 87)"]مفيش فرق خالص نفس الفتيس اصلا .. لكن لازم تجرب تسوق الايزيترونك قبل ما تشتري
[/COLOR]
[/COLOR]7. هل خامات التابلوه كويسه ولا فيها فيبر بيتكسر وايه اكتر عيوب الصالون ؟؟ والكهربا بتاعتها ايه نظامها ؟؟

[COLOR="rgb(46, 139, 87)"]خامات قيمه جدا لكن الهوايايت بتتكسر ريشها لاكن بتتصلح بسهوله
[/COLOR]
8. ايه عيوب العربيه دى بصفه عااامه ؟؟ وايه اللى المفروض اكشف علييه كويس ؟؟

[COLOR="rgb(46, 139, 87)"]عربيه مش بتاعت شد و تكشف على كل نقطه فيها في التوكيل
[/COLOR]

واخيرااا .. هل اختيااارى دى منااسب ولا لأ ؟؟


اسئله كتيره معلش انا عااارف بس معلش استحملونى ..[/color]

كتير قوي الصراحه

استاذ عاشوووور .. الف شكر ليك يا باشا تعبتك معايا وماتحرمش من خبراتك ..


loda80 .. العربيه اتباعت من شهر او شهر ونص مش فاكر بالظبط ووالله بعتها على عينى بـ 35 لواحد حبيبى .. وندمت ندم عمرى انى فرطت فيها لدرجة انى كنت هرجعها تانى .. مكنش فيهاااا غلطه

المشاركة الأصلية كتبت بواسطة mostafa hashem

استاذ عاشوووور .. الف شكر ليك يا باشا تعبتك معايا وماتحرمش من خبراتك ..


Loda80 .. العربيه اتباعت من شهر او شهر ونص مش فاكر بالظبط ووالله بعتها على عينى بـ 35 لواحد حبيبى .. وندمت ندم عمرى انى فرطت فيها لدرجة انى كنت هرجعها تانى .. مكنش فيهاااا غلطه

العفو يا باشا . وان شاء الله تلاقي عربيه نضيفه و مش هتندم خالص