جزاك الله خيرا علي نقل التجربة ..
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
السلام عليكم ورحمة الله وبركاته
اسمحولى انقل لكم تجربتى فى تسقيط نص بولو كلاسيك (صالون) فى عربيتى ابيزا وده هيكون على كذا جزء لأن الموضوع كبير ويحتوى على شغل ميكانيكا وكهرباء وعفشة وتكييف (تقريبا نقلت كل مسمار فى العربية)
بسم الله الرحمن الرحيم
فى البداية احب اعرف نفسى للأعضاء الجدد ونبذة صغيرة عن مواصفات عربيتى ومواصفات نص البولو
أنا اسمى كريم وعربيتى سيات ابيزا موديل 98 وشاريها من شهر 6/2012 بموتور 1000 سى سى 50 حصان وزجاج كهرباء امامى مع وحدة رفع ومرايات كهرباء فقط وكانت عاملة 104 ألف كيلو اللون اسود دواخل فبريكة بدون باور وبدون تكييف وجنوط الفبريكة مقاس 13 بوصة
بعد ما اشتريت العربية تقريبا بأسبوع جابت منى موتور لأنه كان بايظ قبل كده وصاحبها صلحه أى كلام وأنا مكنتش أعرف وبعدين أشتريت موتور 1400 سى سى كامل بالفتيس والضفيرة والكونترول وركبته بس للأسف كان برده من غير تكييف وباور وكان 60 حصان وده موضوع انا كنت عامله عن تسقيط الموتور ده:
http://www.nilemotors.net/Nile/293165-98.html
بصراحة الموتور ده كان جميل وقوته معقولة تناسب داخل المدينة وفى السفر مش وحش وكنت فى حرفيين القاهرة الجمعة اللى قبل اللى فاتت وراجع بالليل على الصحراوى 160 وكنت على 4100 RPM مع العلم ان الموتور ده بيطلع أقصى قدرة ليه عند 4700 RPM يعنى بيقفل ال 170 مرتاح وبالنسبة لأعطاله فأنا معملتش فيه أى حاجة من ساعة ما اشتريته فى شهر 6/2012 الى الان غير انى غيرت سير التقسيمة والدينمو لما كنت بسقطه وغيارين زيت لأنى عامل بيه تقريبا 10 ألاف كيلو ومغيرتش حتى البوجيهات بتاعته.
بس أنا بحب الجرى + انى كنت عايز اركب تكييف وباور, كنت ناوى اعمل تعديلات فى الموتور تزود قوته وكنت ناوى اركب عليه تكييف وباور بس كان فيه مشاكل كتير بتقابلنى بتخلينى معملش كده
مبدأيا أى لعب فى أى موتور بيقصر من عمره الافتراضى وبيكون overload عليه وهتفرح بيه شوية وبعدين هيطير منك
ثانيا: عشان أركب باور لازم أغير الاسكترا واجيب خراطيم باور (3خراطيم يتحلو قدامك من سيستم باور عشان ميعملكش مشاكل فى دورة زيت الباور ويبوظلك الطرمبة) وأجيب طرمبة باور وخزنة زيت باور (هتخوشلك فى 1200 جنيه)
وكنت بقرأ كتير عن مشاكل طرمبات الباور وانها كل شوية بتبوظ وده لأن غالبا السيستم مش بيكون فبريكة (يعنى زى حالاتى مكنش باور وبأة باور)
ثالثا: عشان أركب تكييف لازم اجيب كباس وتلاجة وسربنتينة وخراطيم ومواسير وزراير طابلوه وشغل عك وانا مش بحب كده (وهتخوشلك فى 2500 جنيه) وهيكسحلك الموتور لأن كونترول الموتور متبرمج أنه نازل من غير تكييف يعنى برده هيكون overload عليه وهيطيروه بدرى بدرى وكمان مش هيكيفك
بدأت اتخنق وفكرت كتير انى ابيع العربية واشترى واحدة كاملة او انى اجيب نص كامل مكيف وافضيه عندى, الموضوع ده بأة اخدله بتاع 4 شهور تفكير لأن كل واحد مننا ليه مدرسة ووجهة نظر وأنا من النوع اللى يحب ياخد أراء ناس كتير وبعدين يقرر الأفضل والأنسب ليه يعنى مثلا فيه ناس نصحتنى أنى ابيع العربية وأجيب واحدة كاملة حتى لون نفس الموديل بس أنا كنت رافض الموضوع ده لأن مبدأى اللى أعرفه أحسن من اللى معرفوش وأى عربية هتشتريها أكيد هيكون فيها شغل وأنا كنت ميال أنى اشترى نص كامل وافضيه فى عربيتى بس فيه ناس كانت رافضة الموضوع ده وكان فكرتهم انى هصرف على العربية ولما ابيع مش هتجيبلى اللى صرفته بس انا قررت انى ادخل فى حوار النص ده واشيل من دماغى فكرة المصاريف دى وانى مش هلاقى اللى صرفته لأنى باختصار من النوع اللى بيركب العربية سنين مش اللى بيبيع ويشترى كل شوية والحظ خدمنى فى الموضوع ده ان عندى واحد صاحبى معاه ابيزا وكان عايز يشترى موتورى وده قلل التكلفة عليا شوية
بدأت رحلة بحثى عن نص كامل مكيف فى الاسكندرية ونزلت القاهرة ويكون ابيزا او كوردوبا عشان استفاد بكل محتواه من صاج وعفشة وتابلوه وفوانيس بس فى الاخر استقريت على نص بولو كلاسيك (صالون) وده لكذا سبب:
أولا: عفشة البولو الكلاسيك مختلفة عن البولو العادية (بطاحات – أكسات – قنطرة – مقصات - صدر) لأن البولو الكلاسيك أعرض من البولو العادية ولكنها متطابقة تماما مع عفشة الابيزا والكوردوبا (يعنى مش هضطر انى اشترى حاجة من الحاجات دى)
ثانيا: معظم الابيزا والكوردوبا اللى بتيجى استيراد بتكون 1400 سى سى وطبعا مش هشيل موتور 1400 سى سى عشان احط واحد 1400 سى سى عشان التكييف
ثالثا: رفارف وفوانيس وكبوت البولو الكلاسيك نسخة طبق الاصل من ابيزا 98 و 99 وبالنسبة للشبكة والطارة يركبوا بس شيل علامة الفولكس وبالنسبة للتابلوه برده زى الابيزا بس امبير الحرارة عليه ارقام درجة الحرارة وزرار الانتظار بيكون على يمين ذراع المساحات تحت زرار سخان الزجاج الخلفى بعكس الابيزا بيكون على زور الطارة وبالنسبة للأكصدام برده يركب بس الكساحة والهواية اللى فى المنتصف شكلهم مختلف وهو ده الحلو اللى فيهم انهم شكلهم مختلف (وجهة نظرى) وبالنسبة للطوربيدو برده شكله مختلف بس بيركب عادى
والغريبة ان كل حاجة مكتوب عليها Made In Spain مع انها فولكس بس ده دليل على انها كوردوبا مع اختلاف العلامة
ومواصفات نص البولو الكلاسيك:
الموديل: 1998
اللون : رصاصى
عدد الكيلومتر: 82 ألف كيلو
الموتور: 1600 سى سى 8 صباب 101 حصان عند 5800 RPM وعزم 140 نيوتن عند 3500 RPM 74 كيلو وات
ملحوظة: الموتور ده الكود بتاعه AFT وده بينزل فى الابيزا والكوردوبا والتوليدو والبولو الكلاسيك (مش بينزل فى البولو العادية) والجولف 3 والفينتو والباسات وبس
وبتوع قطع الاستيراد معروف عندهم بأسم المنافولد المقلوب
الموتور ده هو النسخة اللى قبل ال SR اللى بينزل فى الجولف 4 والاسكودا A4 طبعا مع اختلاف وش الموتور وأن البوابة فتحتها من الشمال بعكس ال SR فتحته من اليمين
الكماليات: تكييف + باور + وسادة هوائية للسائق فقط + زجاج كهرباء أمامى + ايموبلايزر + طارة متحركة
نظام التعليق: مساعدين غاز KYB Excel G
ودى مقارنة بسيطة بين الموتور ال 1400 بتاعى وال 1600 بتاع البولو الكلاسيك
ملحوظة: يوجد اربع انواع من الموتور ال 1600 بيركبو فى الابيزا من موديل 94 الى 99
قبل ما أشترى النص جبت معايا ميكانيكى و دورناه على الأرض (النص معاه مفتاحه) والحمد لله دار من أول مرة مع انه اكيد بقاله سنين مدارش وكمان حطينا البنزين فى البوابة مباشرة لأن طبعا مفيش طرمبة بنزين وكمان مفيش علب شكمان (وده معناه ان ماشاء الله حالته كويسة)
بس كان فيه كام ملاحظة على الحالة العامة:
1. خرطوم الردياتير العلوى والسفلى مقطوعين عن قصد وده عشان يفضوا المياه اللى جواه قبل التخزين عشان متاكلش فى الردياتير
2. زور مقاس الزيت مكسور لأنه بينشف عشان بلاستيك
3. كابلات البطارية الموجب والسالب أطرافهم مقطوعة ومفيش اواطيش
4. الرفرف الشمال مخبوط وفانوس الاشارة اليمين مكسور حتة صغيرة وهوايات الشبورة فى الاكصدام مش موجودة وكل ده بسبب النقل والتخزين
شيلت النص بالكلارك على نص نقل ووديته للميكانيكى وكان قايللى انه هياخد من اسبوع الى 10 ايام لأنه هو اللى هيعملى كل حاجة (ميكانيكا وعفشة وكهرباء)
أسيبكم مع شوية صور للنص
وتحت امركم فى اى استفسار والى اللقاء فى جزء أخر
وشكرا
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
جزاك الله خيرا علي نقل التجربة ..
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
بسم الله مشاء الله
ربنا يبارك ياكريم بك
شكرا على نقل تجربتك
ياريت تقلنا كلفك كام
تحياتى
_________________________
ماشاء الله كان ومالم يشأ لم يكن
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
رقم العضوية : 1483
تاريخ التسجيل : 18Jul2007
المشاركات : 2,590
النوع : ذكر
الاقامة : cairo
السيارة: just one
السيارة[2]: sunny 2006
دراجة بخارية: no
الحالة :
كلام عالمي
في انتظار بقى التسقيط والتجربه بعد الكلام ده
وربنا معاك
واختيارك جميل برضو مش وحش انك تجيب عربيه بتحبها وتصرف عليها وتقعد معاك
رقم العضوية : 22731
تاريخ التسجيل : 20Oct2008
المشاركات : 3,291
النوع : ذكر
الاقامة : القاهرة
السيارة: الحمدلله حمداطيبا كثيرا مباركا فيه
السيارة[2]: Seat IBIZA 99 6K 1.6
دراجة بخارية: لا
الحالة :
ماشاء الله اللهم بارك مبرووك مقدما يا كريم باشا انا عملت زيك وكانت برضه بولو كلاسيك لكن الموتور aee 1.6 وكان قدامي ال aft في قطعية ايبيزا بس ماحصلش فيه نصيب
" اللهم إنا نجعلك في نحورهم ، ونعوذ بك اللهم من شرورهم "
رقم العضوية : 126634
تاريخ التسجيل : 25Jun2012
المشاركات : 687
النوع : ذكر
الاقامة : المعادى - القاهرة
السيارة: لا يوجد
السيارة[2]: Ibiza 98
دراجة بخارية: no
الحالة :
مبروك يا كريم وربنا يباركلك فيه ان شاء الله ... اخبار الاسعار اية ؟؟؟؟؟
وفى انتظار باقى نقل التجربة
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
جزانا ايانا واياك
شكرا لمرورك
الله يباركلك
ان شاء الله هكتب كل التكلفة فى الجزء الاخير
متشكر ليك
ان شاء الله هكتب كل الخطوات
الابيزا عربية جميلة وانا من النوع اللى بيبقى فيه عشرة بينه وبين العربية
الله يبارك فيك
قدر الله وماشاء فعل
ال aee موتور كويس وقوته 75 حصان وميزته انه بيركب بدون اى تعديلات يعنى على نفس عفشة ال 1000 سى سى وادوات التغذية وتقريبا نفس الشكمان وحتى نفس شكل ال 1000 و ال 1400
الله يبارك فيك
والله الاسعار مش وحشة وان شاء الله فى الجزء الاخير هجمع كل المصاريف وهكتبها
شكرا ليك
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
شكر واجب لمنسق قسم السيات مهندس محمد سيد نايل موتورز - NileMotors.net على تشجيعه و مساعدته ليا فى تنسيق الموضوع وطريقة السرد اللى تخلى الموضوع شيق ويستفاد منه كل الاعضاء
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
ما شاء الله ولا قوة إلا بالله
الموتور ده اللي بيسموه 1600 المانيفول الحديد و هو جامد الصراحة ربنا يباركلك فيه و منتظر البقية اهم شيء تكون كملت و يكون النص ده عفشته فيها ميزان لأن كان معايا ابيزا 98 و كان مافيهاش و حاليا الكوردوبا نفس العفشة لكن فيها ميزان و ده بيعطي ثبات اكبر للعربية و للعلم يمكن تركيبه لأي عربية
نظرتي مخيبتش ابدا يا كيمو ... اكيد فهمني
أتمني يكون لنا لقاء قريبا للأهمية و منتظرين الباقي و النتائج
و بالتوفيق لك و للجميع
م / إيهاب منصور
SEAT CORDOBA 2002 1.0 16V AVZ
رقم العضوية : 95760
تاريخ التسجيل : 21Apr2011
المشاركات : 118
النوع : ذكر
الاقامة : Alexandria
السيارة: Still in my 1st one :)
السيارة[2]: Ibiza
دراجة بخارية: No
الحالة :
موضوع هايل....
متابع باهتمام
المفضلات