الموضوع: الجزء الأول من تجربة عزل الصوت فى اللانسر

انا مش مقتنع ان الطريقه ده هتجيب نتيجه
يعني العربيه الكورولا فيها عزل كويس يعني هيكون أخونا الخواجه الياباني حشيها فل
أكيد المسأله غير كده وانت نفسك بتقول ان ماحصلش تغيير
بس عموما لو فكرتك ده ليها أساس علمي انت عارفه كمل وياريت توصل لحاجه والكل هايدعيلك.
ماتزعلش انا مش بكسر ماقاديفك بس مش عاوز تعبك يروح على الفاضي.
Good Luck Any Way

العزل بتاع الخواجه عباره عن فوم بيحقن بيه جميع الفراغات اللى فى الشاسيه عشان الصاج يتكتم و ما ينقلش اصوات العفشه و الموتور مع اضافه بعض افرخ اللباد فى سدر العربيه من جوه وراء التابلوه و ده عشان عزل الحراره و الصوت ايضا (و ده موجود فى الانسر) و كمان بيحط منه اسفل الموكيت فى الارضيه(وده مش موجود فى الانسر ) بالإضافه طبعا ان فراغات الشاسيه مش محقونه بالفوم و على فكره الكرولا محقونه بالفوم و كنت عند السمكرى بتاعى و كان شغال فى عربيه كورولا و هو شغال بلمبه الأكسجين كان الفوم بيتحرق منه و عمال يدخن جامد و كان و جاهز بالميه عشان لو ولع يطفيه.

وضع الفوم فى فراغات الشنطه مش بأهميه ان علب الشاسيه تتحقن بالفوم و علب الشاسيه ده علب مقفوله صعب الوصول اليها زى القوايم من جوه و العتب من جوه و فرد الشاسيه اللى فى حوض الموتور و كمان لازم الفوم يكون Fitt كويس و مالى كل الفراغات وده بيبقى سايل و بيتحقن تحت ضغط مش بيتحشر و على فكره الموضوع ده ممكن يتعمل فى الانسر بس محتاج امكانيات و المكن اللى بيحقن و لو لاحظت هتلاقى اجزاء الشاسيه مليانه طبب بلاستك و هى ده اللى بتتم عنليه الحقن منها. و اعتقد ان ده اوبشن و اكيد الشركه المصنعه عملاه فى موديلات معينه رايحه بلاد تانيه مثلا. و لو لاحظت فى الانسر الشكل الجديد ان فى منها موديلات فيها اوبشن عازل صوت و موديلات لأ و الفرق بينهم مش هيزيد عن كونه واحده محقونه و التانيه لأ.