بخصوص المخالفات والمرور

**wael_power** · 10-02-2013 09:35 AM

كنا اشترينا عربية لأخويا من سنة ونصف وصاحبها جاب لنا شهادة المخلفات وشهادة بيانات وعملنا توكيل في الشهر العقاري وعقد غير مسجل بينا وبين صاحب العربية الاول
فوجئنا الان عند انتهاء الرخصة ورحنا نجيب شهادة مخالفات من المرور لاقينا ع العربية مبلغ 3650 مخالفات وكلها من قبل ميعاد الشراء بسنه تقريبا
روحنا للرجل اللي اشترنا منه العربية قالنا انا دافع كل مخالفتها كنت دافع 3500 وقت ماجبتلكم شهادة المخالفات ومالكوش عندي حاجة
والمشكلة ان شهادة المخلفات ديه ضاعت مننا ومش عارفين ايه الحل
والراجل بيحلف ميت يمين انه طلع شهادة المخلفات قانوني وماجبهاش شمال
واحنا فاكرين ان شهادة المخالفات كان مكتوب فيها " لا شيء " فهل لو العربية عليها مخالفات بتطلع الشهادة بعد دفع المبلغ بلا شيء ولا بيتكتب فيها ان كان عليها مخالفات بمبلغ كذا
وصاحبها الاول بيقول انا دفعت المبلغ يمكن هما ماسقطوش المخالفات وديه مشكلة المرور مش مشكلته !خاصة انه كان دافع في الدراسة وهي اساسا تابعه لمرور عين الصيرة بس التظلمات والمخالفات بتكون في الدراسة ,, طب هو لو دفع وشهادة المخالفات ضاعت مافيش اي تسجيل في المرور يثبت انه دفع ؟
ويارب حد يكون عنده حل للمشكلة ديه لان فعلا مالناش ذنب في دفع مخالفات تمت قبل الشراء
وعلي العلم في العقد الابتدائي الغير مسجل كان في بند ان البائع مسئول عن جميع المخالفات المرورية المدنية والجنائية حتي تاريخ الاستلام ,وكتبنا التاريخ والساعة للأستلام وكل المخالفات قبل هذا التاريخ
يارب يكون حد عنده حل لان الرخصة هتنتهي خلال 5 ايام وتظلم النيابة جربته قبل كده في مشكلة مخالفة بالخطاء خارج المحافظة وعمري ماعرف طريق المحافظة ديه اساسا وماتخفضش ولا مليم

وشكرا جزيلا

**aymn2003** · 10-02-2013 09:41 AM

حضرتك روح مرور الدراسة وقدم تظلم مرفق به عقد بيع السيارة وسجل فى اسباب التظلم ان تاريخ البيع قبل وجود مخالفات على السيارة وان شاء الله خير

**wael_power** · 10-02-2013 09:56 AM

شكرا لردك
المشكلة ان شهادة المخلفات ضاعت مننا , ممكن النيابة تقولك انت كنت عارف ان عليها مخالفات واتخصمت من سعر العربية بالاتفاق من الاول مع صاحب العربية فأنا مقلق من التظلم خاصة اني جربته قبل كده واتظلمت
انا كنت عايز اعرف هو لو فعلا دفع المبلغ ده في المرور في طريقة او مستند بيكون في المرور يأكد لينا الكلام ده ولا لأ قبل التظلم

**mtradwan** · 10-02-2013 10:26 AM

السلام عليكم....
بس ياباشا ممكن نشوف الموضوع ده من جميع الزوايا ... 1- اذا دفع صاحيب السيارة المخالفات فلازم يكون هناك صورة من شيك الدفع فى النيابة اللى دفع فيها ممكن تروح حضرتك وتتأكد عن طريق شهادة البيانات لازم تكون معاك ممكن تحتاجها ... 2-لما بيدفع صاحب السيارة المخالفات بياخد ايصالا مكتوب فيه حجم المخالفات ومختوم ... لكن لاشئ ده معناه انه لا يوجد مخالفات وبيدفع 10ج معونة شتوية.... 3-اما موضوع التظلم ده اعتقد انه مش هينفع بالذات فى موضوعك لان المشكلة زى ما طرحتها انك خدت السيارة من شخص وومكن يقوللك انك اتفقت معاه وخصمت ثمن المخالفات من السيارة، لكن جرب مش هتخصر حاجة...... لكن انا عايز اقولك على حاجة مش هتفرحك ، انه ممكن يكون مزور الشهادة دى ، لانه حضرتك بتقول هو دافع المبلغ طب ازاى دافع المبلغ ودلولقتى النيابة عايزة المبلغ تانى ....وهنصحك بانك تروح مرور الدراسة واكيد هتلاقى حل هناك.... ربنا معاك ...

**mahmoud_anwar** · 10-02-2013 11:28 AM

ياباشا اعمل تظلم واثبت في التظلم العقد الي بينك وبين المشتري مع وكيل النيابة وان الغرامة دي قبل الشراء
والنيابة ان شاء الله هتحملة المسؤلية

**wael_power** · 10-02-2013 11:38 AM

المشاركة الأصلية كتبت بواسطة mahmoud_anwar

ياباشا اعمل تظلم واثبت في التظلم العقد الي بينك وبين المشتري مع وكيل النيابة وان الغرامة دي قبل الشراء
والنيابة ان شاء الله هتحملة المسؤلية

شكرا ياباشا علي الرد
بس برده هنا المشكلة اللي قلقان منها يقولك انك كنت عارف ان عليها مخلفات من الاول واتخصمت من تمن البيع
وانا مش معايا الشهادة دلوقتى واهملتها من سنة ونص وضاعت
بس هل فعلا ممكن يتحملها هو او يحملوها علي عربيته التانيه المتسجلة بأسمه في نفس المرور لو امتنع ؟
وهل العقد الابتدائي يلزمه بما انه في بند تحمل جميع الخالفات قبل تاريخ البيع؟
وشكرا لاهتمامك

**limo** · 10-02-2013 12:05 PM

يا باشا الشهاده الى معاك ده مش مضروبه ولا حاجه كل الموضوع ان المخالفات عقبال ما بتسجل على سيستم النيابه بتاخد وقت ممكن يوصل سنه او اثنين وهوه بيكتب ليك على الشهاده انه لا توجد مخالفات مسجله على الحاسب الالى حتى هذا التاريخ حل الموضوع بتاعك فى التالى :-
حاول قدر الامكان تجيب شهاده المخالفات الى انت اشتريت بيها وخد العقد والتوكيل بتاعتك وصور الرخصه والبطاقه وادخل لوكيل النيابه قولوا عايز ارحل المخالفات على المالك السابق هوه الموضوع بياخد يومين بس نتيجته مضمونه
صحيح ممكن تشوف فى ملف العربيه شهاده مخالفات مقاربه لتاريخ الشراء يعنى شهاده المخالفات الى هوه جدد بيها
لو مفيش شهاده مخالفات ممكن تعمل تظلم فى الدارسه وتذكر فيه ان اسباب تظلمك ان انا مالك حالى وتقدم الدليل على كده وتذكر ان شهاده المخالفات بتاعتك بس الحل ده مش مضمون اوى .
الحل الثالث فى المعارضه لو الرخصه مش باسمك ممكن تتفق مع الراجل الى اشتريت منه على انه يعمل ليك توكيل قضايا وتعمل معارضه فى نيابه المرور التابع ليها الرخصه وهيتحدد ليها جلسه ادام المحكمه فى الدارسه وهتدخل للقاضى وهينزل المخالفات كلها وممكن يديك براءه اصلا وتاخد شهاده بعديها ب 15 يوم واساسا وهتاخد منهم تصريح لحد ميعاد الجلسه

**IronHead** · 10-02-2013 12:27 PM

لو مكان دفع المخالفات كامله كان هتلاقي قيمه المخالفه فى شهاده المخالفات اللى ضايعه منك
انما فكره ان الشهاده طالعه مكتوب فيها لا شئ فده معناه ان صاحب العربيه غالبا الله يسامحه استخدم اسلوب ملتوى عشان ميدفعش الرقم الكبير ده وطلع شهاده مضروبه من غير مخالفات
هو طبعا ممكن ترفع على صاحب العربيه السابق قضيه عشان تاريخ المخالفات سابق لتاريخ الشراء, بس الموضوع هياخد وقت كبير بس نقطه انك ضيعت شهاده المخالفات دى مش فى صالحك
مش عارف والله اقلك ايه