فيات 128 محتاج خبرتكم فى سعرها

**pop man** · 10-02-2013 05:45 PM

مساء الفل على الاعضاء والمشرفين الكرام
معلش انا تاعبكم معايا بس ده لأنكم مصدر ثقه كبير بالنسبه ليا
انا كنت عاملت موضوع عن تسعير 128 أخويا كان هيشتريها وبعد ما لفيت على السمكريه وأخدت رأيكم اكتشفت مؤخرأ انها فيها حادثه قديمه والحمد لله اخويا ما أخدهاش
المهم انهاره شفنا واحده تانيه بس عيبها الوحيد انها موديل قديم جدأ مش هطول عليكم وهخش فى صفات العربيه
موديل 77 معدله
فابريكا دواخل ماعدا بعض الاجزاء راشه فى الحوض لكن مش الحوض كله
فيها الشرخ المعرووووووووف اللى بيبقى فى الكارتيره هو خفيف لسه مافتحش وصاحبها مرديش يعملو علشان يبيعها فابريكا وفى سمكرى قالى انه بسيط وزرجينا وهيبقى زى الفل لان باقى الحوض نضيف
عفشه كامله جديده وشفت الفواتير
5 فرادى كاوتش جديد لانج وتيوبلس بالأستبن
5 جنوط أسبور جداد جدا
ماتور 1300 بتاع الريجاته هو خفيف سنه صغيره يعنى ممكن يعمر كمان سنه ولا حاجه
العربيه لسه راشه بره فرن مكملتش اسبوعين علشان كانت بتفحص
رخصه 3 سنين وهيعملى توكيل علشان استفيد بيهم
عتب وأكصدمات جديده "شبابى جدأ"
سنتر وانذار
العدادات والانوار تعمل بكفاءه
يعنى من الاخر مافيهاش غلطه
هى كل اللى مضايقنى فيها حاجتين بس انها قديمه قوى كموديل وان هيتلعب فى الحوض علشان نعمل الزرجينه والسمكرى قالى هيتكلف 500 جنيه غير كده العربيه مفيهاش غلطه
الراجل كان بيتكلم فى 12 الف وصلناها 11 بالعفايه وقال اقل من كده مش هبيع

رأيكم بأمانه هو الفيصل واللى هيفرق معايا كتير
أسف جدأ لو تاعبكم معايا

**lada2010** · 10-02-2013 06:41 PM

تسمع راى بال12 الف هات 132 ال1600 عربية حملة قاسية او بولونيز بلاش تغلط واحد جارى اشتر 28 موديل 87 وكل يوم 20 و30 ج من ساعة ما اشتريها وتخبطت منة وظهر المستخبى ان العربية كلها بارومة وواخدها على 14.5 الف

**pop man** · 11-02-2013 12:59 AM

اولا متشكر جدا للردود
lada2010 هى بصراحه مش ليه هى لأخويا وهو بيعشق ال 28 ودماغه فيها :)
مواطن مصرى هى مش موتورها خفيف بمعنى الكلمه هو خفيف سنه صغيره جدا وانا واخويا معرفناش لان الماتور مش بيتلع دخنه والكبس بتاعه حلو ده الميكانيكى اللى قالنا خفيفه حاجه بسيطه ومعاك سنه سنه ونص على العمره ومش عارف حضرتك تقصد ان ال 1300 ميزه ولا عيب ؟؟

والشرخ هو عباره عن تنميله طفيفه لسه موصلتش لمرحله الشرخ بس هتوصل طبعأ لو اتسكت عليه وفى المنطقه المعرفه فى ال 128 وهى عند الصواميل بتاعت المساعد الايمن والعربيه كانت مرفوعه وده واضح لأنها مش كلها راشه فى الحوض هى راشه بعض الاماكن وده اللى اجمع عليه الميكانيكى والسمكرى
واللى شاددنا ليها كميه المصاريف الل مصروفه صح عليها من الابره للصاروخ والراجل ورانا فواتير
ومستنيى نكمل النقاش ورد باقى الاعضاء الافاضل
معذرتأ للأطاله

**pop man** · 11-02-2013 10:29 PM

انا اللى بجد خايف منه الموديل :(

**pop man** · 12-02-2013 11:15 PM

خلصتها ب 10500 وعليها سماعتين بايونير اصليه وكاسيت سى دى وفلاشه غير باقيه الكماليات اللى كاتبها فوق
ولسه خايف من الموديل مش قادر أطمن :(
بس احنا عملناعقد مبدئى واستلمتها وقالى ان اجازته الاحد هنروح الشهر العقارى يعملى توكيل البيع لنفسى او للغير والتعامل مع المرور والفحص والتجديد
هل العقد ده أمن لحد ما نتمم البيع يوم الحد ؟؟؟؟