الموضوع: صوت فى دبرياج الفيرنا

السلام عليكم
انا بردو سمعت صوت كدة .روحت التوكيل المهندس قاللي دي بلية دبرياج..والصوت زاد وبدأت احس بهزةفي الدبرياج اما ادوس عليه. لو سمحتو انا بسال اغير بلية بس ولا الطقم كله.وكم تكلفته في التوكيل وشكرا

صباح الفل
عندي تقريبًا نفس المشكلة
العربية 1600 موديل 2007 وعاملة حوالي 138 ألف وما غيرتش قبل كده أيحاجة في الدبرياج أو الاسطوانة
الصوت بدأ لأول مرة من حوالي 3 أسابيع بصوصوة كده زي العصافير بتظهر ع البارد غالبًا
فضل الصوت مستمر لغاية أما سافرت من تلات ايام مشوار كده خارج القاهرة مشافة 150 كيلو
خلصت المشوار وركنت وجيت طالع تاني بعد حوالي ساعة الصوت اتغير وبأة خروشة مزعجة كده زي ما يكون اسطوانة بتخروش أو مروحة واقعة من الأكس بتاعها مثلاً، حاجة زي كده
مافيش ميكانية فاتحين طبعًا ومافيش توكيل هنا النهاردة لقيت ميكانيكي فاتح -مش غامق- رحت له فقال لي دي بلية دبرياج عايزة تتغير.

فأنا مش عارف أغير عنده والا ارجع بالعربية ع التوكيل أحسن!

ماذا تفعل لو كنت مكاني؟

إضافة أخرى
برضه من حوالي شهر كده تقريبًا فيه مشكلة صغيرة في الفتيس بس ما ركزتش معاها أوي اللي هي إن الغيار بيلقط متأخر سنة
بمعنى...
بادي الغيار الرابع مثلاً وارفع رجلي من ع الدبرياج.. مفروض تلقط بأة في لحظتها.. اللي بيحصل إن اللقط بيتأخر ثواني وبيكون محسوس شبه كده النقلة بتاعة الأوتوماتيك... طبعًا نقلة الأتوماتيك بتتأخر سنة بعد ما تكبس بنزين وتشبع السرعة بتاعة النقلة.. هي بتعمل حاجة شبه كده
ده اللي هو اسمه "بتنتش" تقريبًا
مش متأكد يعني عشان أول مرة تنتش مني