الموضوع: صوت فى دبرياج الفيرنا

انا كان عندي نفس المشكلة ودخت في السناريو ده وطلع عينى جوه التوكيل أكثر من مرة حتى تم حل المشكلة وأحب انى انقلك خبرتى المتواضعة في هذا الشأن .
بص ياباشا انا الصوت ده كان عندي والحمد لله اتحل عايز بس اسالك كام سؤال علشان اعرف إن شاء الله احلك المشكلة ونعرف السبب الفعلي علشان متغيرش حاجة وتدفع فيها فلوس وفى الاخر متكنش هي السبب :
1- اخبار سحب العربية اية ؟
لو السحب تمام يبقى اسطوانة الدبرياج تمام وكده نبقى استبعدنا فكرة الإسطوانة لو السحب مش اد كده معاك يبقى الإسطوانة متاكله .
2- لما بتكون في حتى زحمة يعنى وماشي على 1 و2 وانت بتدي الغيار وبتشيل رجلك من على الدبرياج بتحس ان العربية بتترج جامد ولا عادي؟
لو العربية بتترج جامد يبقى العيب عيب دسك لو مفيش رجة يبقى الدسك تمام.
3- عايزك تجرب انك تزود بنزين والعربية واقفة لو الصوت ده بدأ يظهر اسند رجلك على الدبرياج (مجرد سند بس )لو الصوت راح يبقى ده فرش الدبرياج هتشحمه وإن شاء الله الدنيا هتتحل لو الصوت مرحش يبقى ديه بلية دبرياج .
اغلب زمايلى الي معايا في الشغل كان عندهم مشكلة فرش الديرياج في الفرنا لما بيتشحم صوت الصفارة ديه بيروح.
وارجع وافكرك ان طقم الدبرياج حسب استخدامك للعربية يعنى أنا في عربتى الي فاتت ( الشاهين) كنت مغيره على 65000 اما في عربتى الفيرنا فيفا غيرته على 45000 بس لأسف لإن لمدام كانت لسه متعلمة السواقة على العربية وكانت رجلها على طول على الدبرياج فمعش معايا كتير .
اسف على الإطالة واتمنى إنى أكون عرفت أفيدك