صيانة 5000 لصنى 2011 فى اتوايجيبت

**ahmed_hanafi** · 14-02-2013 09:16 AM

المشاركة الأصلية كتبت بواسطة nisssan.lover

متشكر جدا لكل الناس المحترمة اللى فادتنى قبل الصيانة ,
انا رحت اوتوايجيبت ابورواش كنت حاجز صيانة 5000 قالولى الاربعاء الساعة 9.30 و صلت 9.15 و كنت اول عربية دخلت المهم قابلنى المهندس و قالى اللى بيتم فى الصيانة من الكشف و تربيط العفشة و تغير زيت و فلتر انا كنت واخد معايا شيل الترا 10000 والكشف على الانوار .... وسألنى لو فى اى مشاكل قلتلوا ان كان عندى ال rpm ساعات بيعلى لوحدو و استهلاك بنزين زيادة قالى هنكشفلك على الضفيرة و استلم منى العربية و قالى هتستلمها الساعة 12 .
العربية خلصت فى الميعاد الساعة 12 و قعدت مع المهندس قالى اية اللى حصل :تم تغير الزيت والفلتر و العفشة تمام و لمبة المارشيدير ماكنتش بتنور و اتغيرت مكنة المارشيدير فى الضمان معنى كنت فاكر انها كانت شغالة ..... اهم حاجة بقى حكاية الضفيرة قالى الجهاز مطلعش اى حاجة وان كلة تمام وانو نضف حساس ال tps وبوابة الهوا و قالى لو حصلت معاك حكاية ال rpm دى تانى صور العداد فيديو والدواسة انك مش دايس بنزين وابعتلى الفيديو وانا هغيرلك الضفيرة المهم مش مقتنع خالص بالحكاية دى ولا اية رائيكوا ؟؟؟؟؟
بس كانطباع عام على المركز انو احسن كتير من مودرن و بغض النظر عن حكاية الضفيرة انا كنت مبسوط من كل اللى تم..

الف مبروك يا باشا علي الصيانة ....بس الكلام اللي قالك عليه بخصوص ال rpm مضبوط تمام .....انا حصل معايا قبل كدة في صني 2011 وفعلا نظفوا بوابة الهوا والموضوع ظبط شوية ورجع تاني موضوع ال rpm وروحت تاني وغيرولي الضفيرة كلها في الضمان من غير ما ادفع ولا مليم ودة كان في السبع اللي في زهراء المعادي والمشكلة انتهت تماما

لو حصلت تاني معاك روحلهم وان شاء الله هتتغير في الضمان

**nisssan.lover** · 15-02-2013 06:07 PM

طب تمام بس فى حاجة تانية غريبة العربية على السلانسية ال rpm بيقف على .2-.3 مش .8 زى الاول ده طبيعى ولا اية ؟؟؟

**nisssan.lover** · 16-02-2013 09:11 AM

????????

**nisssan.lover** · 18-02-2013 04:14 AM

يا جماعة حد يرد عليا فى موضوع السلانسية الللى بقى 0.1 ل 0.2 كمان والعربية واقفة بدل مكان 0.8 ؟؟؟؟؟ كدة عادى ولا اية ولا من الضفيرة ؟؟؟

**Sehsss** · 18-02-2013 03:13 PM

المشاركة الأصلية كتبت بواسطة nisssan.lover

يا جماعة حد يرد عليا فى موضوع السلانسية الللى بقى 0.1 ل 0.2 كمان والعربية واقفة بدل مكان 0.8 ؟؟؟؟؟ كدة عادى ولا اية ولا من الضفيرة ؟؟؟

روح غير الضفيرة

**nisssan.lover** · 23-03-2013 09:34 AM

مشكلة الضفيرة اتكررت تانى بعد اخر مرة كنت فيها فى اتوايجيبت و كانوا كشفوا على العربية و نضفوا بوابة الهوا و حساس ال tps بس المشكلة اتكررت تانى و ال rpm رفع ل 1.5 على السلانسيه ... المهم كلمت المهندس محمد الرفاعى مهندس استقبال فى اتوايجيبت قالى ابعتلى رقم الشاسية و هخليهم يجيبوا ضفيرة و بتاخد من 4-5 ايام ..... استنيت اكتر من 10 أيام و كلمتوا قالى لسة مجتش و معندهمش ضفاير فى المصنع و كلمنى تانى كمان اسبوع ... هل ده الوقت الطبيعى ولا ده بطئ متعمد و بيتهربوا خصوصا بعد اول مرة لما روحت وقولتلهم الضفيرة بايظه قالولى هنضف حساسات وبتاع و هتتظبت .... أعمل ايه ؟؟؟

**Land_Cruiser** · 23-03-2013 10:42 AM

المشاركة الأصلية كتبت بواسطة nisssan.lover

مشكلة الضفيرة اتكررت تانى بعد اخر مرة كنت فيها فى اتوايجيبت و كانوا كشفوا على العربية و نضفوا بوابة الهوا و حساس ال tps بس المشكلة اتكررت تانى و ال rpm رفع ل 1.5 على السلانسيه ... المهم كلمت المهندس محمد الرفاعى مهندس استقبال فى اتوايجيبت قالى ابعتلى رقم الشاسية و هخليهم يجيبوا ضفيرة و بتاخد من 4-5 ايام ..... استنيت اكتر من 10 أيام و كلمتوا قالى لسة مجتش و معندهمش ضفاير فى المصنع و كلمنى تانى كمان اسبوع ... هل ده الوقت الطبيعى ولا ده بطئ متعمد و بيتهربوا خصوصا بعد اول مرة لما روحت وقولتلهم الضفيرة بايظه قالولى هنضف حساسات وبتاع و هتتظبت .... أعمل ايه ؟؟؟

هما غيروها لناس كتير قبل حضرتك فمجتش عليك يعني . يوم الأحد ان شاء الله اتصل بالمهندس لآخر مره و شوف جت و لا لأ و لو قالك ما جتش اعمل شكوي و دي هتخليهم ان شاء الله يدوروا بسرعه شويه و في الشكوي اكتب المشكله بالتفصيل و الانتظار اللي حضرتك انتظرته ده كله و ان شاء الله خير

**KoKyKa** · 21-04-2013 09:36 PM

هو إيه علاقة آل أر بى أم بالصفيرة و هو الطبيعى للأر بى أم على السلانسيه كأم

**wardet** · 22-04-2013 11:20 AM

الار بر ام على السلانسية بيبقى تحت ال 1 يعنى تقريباًَ 0.8 ( 800 لفة )
ولو على ال d ودايس فرامل بينزل بيبقى على 0.2 تقريباًَ ( 200 لفة )
ولو ماشي على 120 كم/ساعة بيبقى على 3 تقريباًَ ( 3000 لفة )
الكلام دا فى صنى 2011