النهاردة عملت حاجة كان نفسى اعملها من زمان,
أولا: اشتريت الميزان الأمامى بالصوابع بتاعتة والكاوتشات وكانت حالتها ممتازة , 400 جنية
ثانيا: رحت لواحد عفشجى ممتاز فى الحرفيين وركبتة وطبعا بالمرة كان عندى مشاكل فى العفشة من قدام والصراحة كنت مأجل موضوع الميزان دا لما اجى أعمل العفشة, توفيرا للوقت والنفقات.
أسعار قطع الغيار اللى اشتريتها من الحرفيين للعلم:
عدد 2 مقص تايوانى ب 450 جنية
عدد 2 بيض طرفى " للإسكاترا " يابانى ب 185 جنية
عدد 2 قاعدة فتيس للقنطرة الطولية أسفل الفتيس " اتوماتيك " تايوانى ب 175 جنية
عدد 2 كاوتشة مساعد ب 100 جنية
مصنعية وترصيص وضبط زوايا وبقشيش 290 جنية
الإجمالى 1590 جنية
بس بقت العربية حكاية " اتزان - ماسكة نفسها - بطلت تعمل رجة جوة مع الفرملة وهيا واخدة غيار " بكرة ان شاء الله مسافر وهاجربها اكتر على الطريق