موضوع مهم جدا للمزداويه عن تعلية العربيه وعن تجربه

**medokassem** · 13-02-2013 03:49 PM

هشام باشا اخبارك ايه معلش مقصر معااك بس دوشة الكلية غصب عن الواحد معلش وانشاء الله اخلص ترخيص العربية وهبقي اكلمك اشوفك
ياعم جمد قلبك شوية ^_^ انا قبل العزيزية بكون جمعت ال١٨٠ وكسرتها
تحياتي ليك

حسن بيه ^_^ انا محبش العب في تصميم العربية بس هو فعلا ال٣ سم مش هتأثر عل ارتفاع لانك مهما عليتها مش هتوصل زي الصني الجديدة او التيدا او الكرولا او حتي البومة او السيراتو
فال٣ سم لو هتريحك انتا في المطبات ومش هتحس بتأثير كبير علي الثبات عشان دي ٣سم
بس برضوا انا بحب العربية علي ابوها واحتمال كبير اركب يايات كوني العربية هتوطي وتنشف وعيش بقي في الغرز ^_^
تحياتي حسن باشا

**aldesha989** · 14-02-2013 01:07 AM

انا مش عارف هل بيض المقص لو فيه بوش احس بمطبات الهواء من اول 90 ؟
ولا من الكاوتش ؟

**hasan karmoony** · 14-02-2013 11:35 PM

حبيبيبي قلبي ياميدو
انا نفسي اعمل زيك والله بس البلد مش مسعداني خالص وكمان العربيه مدياني الاداء برضوا الحمد لله بعد ماعليت
بس انا عايز اعرف انا لو كبرت الكوتش نمره يهني هيه 16/55/205 وانا لو ركبت 16/60/205 يعني كبرت 5 بس في الارتفاع يحك عندي في الكرتيره ولا هتأثر عليا وياريت ياميدو لو تبعت ليا نمرتك في مسج ضروري عشان انا نازل من السعوديه وعايز اسئلك علي حاجه قبل ماانزل
وتحياتي ياباشا

**hasan karmoony** · 14-02-2013 11:53 PM

بص ياباشا انا عربتي لما كانت فيها مساعد كنت بحس بمطبات الهواء وبتعب نفسيا لما اخد قطع في الاسفلت بحس ان التبلوه بيتكسر وكمان كنت بحس بالخبطه في الدركسيون وبعيدن غيرت المساعدين وغيرتهم في 2010 والحمد لله مافيش حاجه وبالنسبه للكوتش فالكوتش لو كبير وا انت مجنط كبير ولو اخت مطب هواء علي سرعه عاليا بتحك في جسم العربيه لاكن لو الكوتش قديم وانت ماشي بالعربيه بتسمع صوت زن كدا وبالنسبه لبيض المقص فده اكيد مش بتحس بصوت انت هتحس بتزيق جامد وكمان لو دخلت حته مكسره بسرعه بس انا مقدرش احكم علي الصوت الي عندك الا لما اسمعوا وربنا يسترها عليك بس انا نصحيتي ان تغير بيض المقص عشان ده خطر جدا وياريت يابشا لو عرفت السبب وصلحت عربيتك تقول لينا الي حصل عشان نستفيد كلنا وتحياتي ياباشا

**medokassem** · 15-02-2013 04:10 PM

المشاركة الأصلية كتبت بواسطة hasan karmoony

حبيبيبي قلبي ياميدو
انا نفسي اعمل زيك والله بس البلد مش مسعداني خالص وكمان العربيه مدياني الاداء برضوا الحمد لله بعد ماعليت
بس انا عايز اعرف انا لو كبرت الكوتش نمره يهني هيه 16/55/205 وانا لو ركبت 16/60/205 يعني كبرت 5 بس في الارتفاع يحك عندي في الكرتيره ولا هتأثر عليا وياريت ياميدو لو تبعت ليا نمرتك في مسج ضروري عشان انا نازل من السعوديه وعايز اسئلك علي حاجه قبل ماانزل
وتحياتي ياباشا

في حسبة بتتحسب للكاوتش لما تيجي تغير مقاسه عشان ميأثرش علي ارتفاع العربية وقراية العداد والحسبة دي انا حسبتها عشان انا نفس مقاساتك وعرضه انشاء الله من 205-55-r16
الي 225-50r16
لا العربية مش بتحك
انا في واحد اعرفه مركب r18-245-40
بس تني شفايف الرفرف الخلفي لجوه سيكا بس
حبيب قلبي بعتهالك يا باشا

**hasan karmoony** · 15-02-2013 10:30 PM

ميدو باشا انا عايز اعلي الكوتش يعني اخليه r16/60/205 مش r16/55/205 انا عايز اعلي في ارتفاع الكوتش يعني اخليه 60 مش 55
وبالنسبه لصحبك الي مركب جنط 18 ازاي تني شفايف الرفارف الي وره مش المفروض لو هيتني هيتني لبره مش لي جوه وتحياتي ياباشا

**medokassem** · 16-02-2013 12:08 AM

لو هتعليه هتلعب في العرض هيقل استني هبعتلك الوصفه بتاعت الكاوتش لما تيجي تغير الابعاد عشان متخلش بالقرايات والامان
اللي فهمته واللي عندي مد ايدك علي الرفرف اللي ورا هتلاقي نص سم بزاوية قايمة دي اللي تناها لجوة