الموضوع: كنترول استرا 2001

السلام عليكم

كنت عايز اعرف سعر كنترول استرا موديل 2001 في حدود كام ضروري وهل لما يبوز لازم يتغير ولا لأ ؟

وفي مشكلة كنت عايز اعرف هل هوا دا سبب ان الكنترول باظ انا بس كتبت السؤال فوق عشان اللي مش حابب يقراها

كان عندي تسريب في الزيت فروحت عند الميكانيكي المهم غيرت :
" جوان غطاء تاكيهات - جوان وش تقسيمة - جوان كرتيرة زيت - بلف كاتينة - أولسية كرنك أمامي "

المهم مشكلة الزيت اتظبطت الحمد لله بس بعد ما مشيت بالعربية حوالي 40 كيلو وركنتها وبدورها تاني يوم لقيتها اكنها راكبها عفريت .. الموتور بيترج جدا جدا وعمال تقطع وتترج كلها وتسحب لورا كدا وبعدين تنطر لقدام .. متدربكة جدا ..

فروحت للميكانيكي تاني كشف كمبيوتر وقالي ان البوجيهات والرشاش رقم 3 عايزين يتغيروا
المهم غيرنا البوجيهات ظبطت بنسبة 40% .. وغيرنا الرشاش لكن المشكلة زي ماهيا .. المهم بعد شوية تجارب قالي ان الكنترول هوا اللي باظ ومبقاش بيدي اوامر للرشاش رقم 3 عشان كدا الكمبيوتر مطلع ان الرشاش بايظ ..
فعملي مؤقتا وصلة كدا امشي بيها حالي ..

فممكن يكون تغييرة في حاجات الزيت وفكه حولين الموتور كدا هوا يكون سبب في انه باظ ..
او مثلا جت عليه مياه فباظ عشان انا غسلتها بميا عشان انضف مكان الزيت عشان نعرف التسريب منين .. بس انا غسلت الموتور بس

فياريت تفيدونا ربنا يكرمك لحسن انا مش عارف اعمل ايه

ولو مغيرتهوش دا في ضرر علي حاجة تاني ؟