الموضوع: مشكلة صغيرة في الاوبل استرا سيدان الجديدة 2013

المشاركة الأصلية كتبت بواسطة essam wahby

السيفك من العربيات اللي الواحد لازم يرفعلها القبة ... بس غربية اوي حاجة زي دي تعدي علي السيفك والاوبل ... علي العموم احسن من مشاكل كتير اوي في عربيات تانية لو جت علي دي يبقي الحمد لله

عندك حق لو صوت البنزين هو بس المشكله يبقى بسيطه وللعلم الباسات الجديده برضوا صوت البنزين فيها مسموع وواحد عمل شكوى لفولكس وقاللولوا ان ده بسبب ان العربيه من الداخل مستخدم فيها اجود الخامات (يعنى مفيش لا تزييق ولا غيره) وده يخليك تلاحظ صوت رجة الوقود وان دية من وظائف التشغيل العاديه للعربيه

الحمد لله انا كنت في التوكيل واتاكدت ان الخبطة عبارة عن البنزبن بيخبط في التنك وهو مليان ولما بينقص البنزبن الي ثلاث اربع التنك الصوت تقريبا مش بيتسمع واتاكدت بنفسي لما جربت كذا عربية هناك في التوكيل ووقفت مع اصحابها وطلع الموضوع عادي ومش مؤثر اوي بس انا من الناس اللي ودنها حساسة اوي مع سواقة العربيات ...... بس للاسف توكيل منصور سيئ وفي الغالب مش هروح تاني عنده

انا بردوا رائيى كده فى التوكيل اولا بياخروا العربية جدا حتى لو الحاجة بسيطة يعنى انا روحت صيانة ال5000 وهى عباره عن تغير زيت وفلتر روحت الساعة واحده ونصف خرجت 4.45 العربية دخلت وفتحو الكبوت وفضلوا سيبنها يجى ساعة وبعدين رفعوها وسبوها تانى ساعة وبعدين اشتغلو فيها وكنت قيلهم على زيت الفرامل انوا ناقص شوية وقلولى انهم بيشوفوا السوائل كلها وبيظبتوها ولم خرجت متاخره سالتهم زوتوا الزيت قلولى ايوه وطبعا العمال والمهندسين كانوا مشيوا ولم بصيت علية لقته زى مهوا حتى بعد تغير الزيت المفروض بيعملوا ريسيت من المنيو علشان يرجعوا حالة الزيت تانى ل100*100 تانى لقتهم معملوهاش وسئلتهم على ازى افصل الفتيس علشان لو العربية عطلت لقدر الله اعرف احركها معرفوش وقلولى هنسئلك المهندس وبعدين طلعو قلولى انها موجوده فى الكتلوج وحلولوا يعملوها وحست انهم مش عرفين وبعدين قلى لو فى حاجة كلم الهوت لين واطلب خدمات الطريق وهما هيقلولك

انا حاسس ان توكيل منصور مش فاهم في العربية وبيضحكوا علي الناس في حاجات كتير وعملوا معايا حاجة غريبة جدا ... انا كان عندي رجة خفيفة جدا جدا في الدريكسيون وانا جايب الفتيس علي r ( مرشيدير ) ودايس علي الفرامل لفترة قصيرة ( بتحصل معايا وانا بركن العربية بس ) فقولتلتهم عليها ... لقيتهم بيقولولي دي حاجة بسيطة في السوفت وير وسابوني ساعة تقريبا وقالولي خلاص عملناها فاخذت العربية ومشيت .... ففوجئت انهم عملوا حاجة في ( الار بي ام ) يعني لما بجيب ال (D) بلاقي العربية مشيت لوحدها لغاية سرعة 8 تقريبا وكان من مميزات العربية من اول ماجبتها ان وانا جايب (d) العربية مش بتمشي خالص .... فرجعتلهم تاني يوم وقولتلهم رجعولي العربية زي ماكانت ففوجئب بردهم بيقولولي ما ينفعش احنا عمالنا update للسوفيت وير وده السوفت وير الجديد ليها وكنت حاسس وهما بيكلموني انهم كدابين جدا ... المهم بدون اطالة وبعد خناقة وشد وجذب قعدت في التوكيل 4 ساعات وشايفهم جايبين الاب توب وموصيلينوا بالعربية قالولي احنا كل اللي قدرنا نعملوا اانا عملنا reset للموتور وكانت النتيجة ان العربية بقت بتمشي علي سرعة 5 وانا جايب (D)..... المهم خدت العربية وحلفت ما انا رايح عندهم تاني من اللي شوفته ومن شكاوي كتير من الناس اللي بتعمل صيانة هناك ... لكن يبقي السؤال الواحد يعمل الصيانة فين ؟؟؟؟ في ناس بتقولي علي ياسين اللي في طريق السندباد بمصر الجديدة ؟؟؟

انا عندى نفس الرجة دى ولم قولتلهم عليها قلولى دى حاجة طبيعية والعربية مفيهاش حاجة ومعملوش فيها حاجة بس انا حاسس انهم مش فهمين فى العربية وفى ناس بتقول مقار كويس بس محدش جربهم فى الاوبل الجديده كلة على موديلات قديمة

من جهة هما مش فاهمين فانا ابصم بالعشرة انهم مش فاهمين ولما تحاول تتكلم معاهم تﻻقي كﻻمهم مش مترابط ببعضه وتحس بالكدب ... والمشكة الحقيقية ان العربية جديدة وبيكتشوا فيها علس حسابنا .... المهم لو حد جرب او لسة هيجرب توكيل غير منصور ياريت يفيد الكل ويبقي يقولنا عليه سواء كان كويس او سيئ

السلام عليكم جميعا. انا معايا أوبل استرا 2013 انجوي. اتعاملت مع مركز خدمة أوبل معتمد في الرحاب اسمه (الحبيبة موتورز) في حادث بسيط و الحمدلله. مركز الخدمة ممتاز و المهندسين شاطرين جدا و مواعيدو مظبوطة و صادقين. انشالله هتعامل معاهم في الصيانات و اقولكم الupdate.