مشكلة صغيرة في الاوبل استرا سيدان الجديدة 2013

**essam wahby** · 13-02-2013 09:05 AM

حد لقي حل لنور الفانوس الامامي الصغير ... النور بيفضل منور حتي وانا قافل النور من التابلوه ده عادي وﻻ في حل له ؟ وكمان انا بسمع صوت في العفشة اللي ورا ( صوت غريب اشبه بخبطة ) وده بيحصل لما بدوس فرامل فجاءة جامدة شوية مع اول طلعة للعربية او مثﻻ وانا واقف في اشارة واطلع بالعربية يدوب علي الاول واقف فجاءة .... روحت لتوكيل ياسين اللي عند السندباد ونزلت كمان معاهم الورشة والعفشة مفيهاش حاجة خالص وصنفروا كمان تيل الفرامل الخلفي امامي وقالولي مفيهاش حاجة خالص بس للاسف الصوت لسة موجود ... الناس اللي راكبة العربية هل عندهم المشكلتين دول وﻻ ايه ... افيدوني جزاكم الله خيرا

**WessamDiab** · 13-02-2013 09:26 AM

النور اللي والع على طول ده اسمه Daylightوده ميزة اوروبية لزيادة الامان. الخبطة دي يمكن حاجة سايبة جوة شنطة العربية؟؟؟

**kfarouk** · 13-02-2013 10:13 AM

النور ده حاجة طبيعية و مش حتعرف تقفله و هو لزيادة الامان الصبح

**essam wahby** · 13-02-2013 11:48 AM

طالما النور ده عادي يبقي الحمد لله مفيش مشكلة طالما في كل عربيات الاسترا الجديدة ... لكن موضوع الخبطة دي مش عارفلها حل وعلي فكرة ان شيلت كل حاجة من الشنطة وبردوا موجودة لدرجة اني خليت واحد صاحبي يقعد في الشنطة علشان نعرف مصدرها ومش عارفين منين ... انا بدأت اشك في البنزين اللي في التنك يمكن بيخبط في التنك وبيعمل الصوت ده والله حاجة تجنن ... ياريت اللي معاهم نفس العربية يفيدوني هل الصوت ده عندهم وﻻ ﻻ ﻻني عملت معاها البدع ومش عارف اذا كان ده عيب نازل في كل العربيات الاسترا الجديدةة وﻻ عندي انا بس... جزاكم الله خيرا

**m_medo** · 13-02-2013 12:04 PM

متأكد ان الكوريك والاستبن متسبتين كويس؟
اقف ورا العربية وهزها لتحت وشوف الصوت منين

**essam wahby** · 13-02-2013 12:15 PM

كله متثبت تمام التمام وشيلت كل حاجة من االشنطة كمان والصوت بيبقي موجود ... وللاسف هزتها لتحت وهي واقفة مكنش في صوت والمساعدين كويسين جدا في المطبات كمان

**WessamDiab** · 13-02-2013 12:27 PM

انت متاكد ان الصوت جي من ورا؟ جايز من جوة الصالون؟ ورا الكرسي الوراني مثلا؟ نزل الكنبة الورانية لتحت وشيل اي حاجة في الكونسول و شوف واسمع تاني

**WessamDiab** · 13-02-2013 12:33 PM

على فكرة ممكن يكون الفتيس لانه انتى اول ما تطلع و قبل مل ينقل النقلة التانية بتروح واقف فا بيروح خابط عشان الكلتش بيرجع مكانه قبل مايكون كمل نقل

**SENNI55** · 13-02-2013 12:36 PM

روح توكيل الهرم هيحلوهالك

**essam wahby** · 13-02-2013 12:45 PM

الصوت فعﻻ جاي من ورا وملوش عﻻقة بالفتيس نهائي ... هجرب موضوع اني انزل الكنبة ﻻني مجربتهاش واذا فضل الصوت هروح توكيل منصور بالهرم بس انا حبيت اعرف دي مشكلة عامة في العربية وﻻ خاصة في عربيتي انا بس ... وبشكر كل الاخوة اللي شاركوني باراءهم وافكارهم واللي عنده اراء تانية ياريت يفدني قبل ماروح توكيل الهرم