لو حد بيثبتك وانت سايق العربية ومعاه سلاح تعمل ايه

**lanos2004** · 23-02-2013 12:04 PM

المشاركة الأصلية كتبت بواسطة formulator

للأسف الشديد

حصل حاجة بشعة أمبارح، أعتقد عرفها كل اللى شغالين فـ قطاع صناعة الدواء فـ مصر..

زميل -إشتغلت معاه فـ شركتين قبل كده..
مدير مصنع (يمكن من أصغر مديرين المصانع فـ مصر -مكملش 40 سنة)،

راجع من بلده لمكان عمله أول الأسبوع (المنوفية/قويسنا لـ بلطيم/رأس البر) وبيمشى مسافة عـ الزراعى،

كل الى عرفناه انه بعد قليوب (أو قبل بركة السبع مش عارف).. ضربوه بالنار فـ الرأس، وخدوا العربية كيا كارينز؟!!

- يعنى كل زمايلنا متأكدين ان د/حازم الله يرحمه أكيد إتاخد غدر.. وأكيد الكلاب دى حتى ما إتكلموش معاه!!
يمكن كان يديهم اللى عايزينه -ويغوروا فـ داهية الله يحرقهم.

هو كان شخص دمث الخلق وهادى ومؤدب جدا.. (وده اللى محزن الناس كلها)
ماعتقدش انه كان هيقاومهم لو تيقن انهم مجرمين كفرة والعياذ-بالله مايعرفوش ربنا!!

أنا عرفت ليــــــــــــــه الإسلام شدد حد الحرابة وقطع الطريق -وأتمنى من الله انه يتطبق بشدة!
أن دول مش مجرد حراميه.. لأ دا قتل وسرقه بالإكراه وترويع -حرابة زى ما الإسلام بيوصفها؟!!
وده فساد شديد فـ الأرض.

دة قدرة وربنا يرحمه
بس الطرق دى بسافر عليها ومتاخر جدا كمان
بس متقفش ممنوع انك تقف حتى تشرب حاجه او تقضى حاجه
علشان متديش فرصه لحد ان يثبت العربيه لانه من المستحيل حد يثبت عربيه ماشيه 80 او 90
دة غير ان بيكون فيه حوارات تانيه لا يعلمها الا الله
يكون معاه فلوس بيع ارض او منزل ومعمول له خطه قتل وسطو وحركاته بكون مرصودة-لحد اما يبقه ضحيه-ودة اكيد الى حصل لانه اتقتل علشان اكيد الى قتله شخصيه معروفه ليه وبعد السرقه هيعرفه فكان القتل لطمس معالم الجريمه

**lanos2004** · 23-02-2013 12:12 PM

المفروض المنتدى كله يركب مواتير 2000 سى سى او تيربو علشان لحظه الهروب الكبير

**khaled65** · 23-02-2013 02:07 PM

انا أعتقد أن الأخطر من سرقة العربية هو أنهم نجحوا في زرع الخوف فينا ، و أصبح شويه مجرمين جهله يتحكمون في مصيرنا .
ليس عندي حل أو أقتراح لما سبق و لكن لو العربية حتكون مصدر للرعب و الخوف بيعها أحسن و أستخدم مواصلات لفترة و لحين أنتهاء هذه المحنه أحسن من كل هذه المغامرات السابق ذكرها لأن زي ما أنتم بتفكروا ليهم هم كمان بيفكروا ليكم .

**ewp** · 26-02-2013 12:11 PM

دائماً تقول وانت خارج من المنزل أستودعك الله فى الأرض والسماء

**Ranamohamed90** · 27-02-2013 02:06 AM

أقف واسيبله العربية

**khalid_adel** · 03-03-2013 02:20 AM

المشاركة الأصلية كتبت بواسطة lanos2004

المفروض المنتدى كله يركب مواتير 2000 سى سى او تيربو علشان لحظه الهروب الكبير

ده اللي جه في دماغي بعد ماقريت الموضوع بالكامل :) وربنا يسترها علينا جميعا

**EngAhmedSakr** · 28-03-2013 09:36 AM

الله يكون في عون الناس اللي عندها اسر واولاد بيخافوا عليهم
الحمد لله ان الواحد لسا بطوله .. فبيمشي ومش خايف اوي لا علي نفسه ولا علي غيره اللي ممكن يتبهدلوا من بعده
انا شخصيا مادامت فيه فرصه ولو 10% اني اقدر افلت هدوس بنزين واطير
وطبعا هحاول اتفاداهم انما لو وقفوا قدامي هفرمهم طبعا

يلا ربنا يقدم اللي فيه الخير ويصلح حال البلد ويحرصنا جميعا

**swimmer25** · 28-03-2013 12:15 PM

أنا جمعت الفكرة في دماغي من ردودكم
اللي أنا رافضه حاجتين..مش هقف وأسيب العربية أبدا لاني مضمنش هيعملوا فيا ايه لو وقفت وخصوصا لو معايا الأسرة
كمان مش هحاول أدوسه للموت

أنا هحاول الهروب والإفلات من أي مكان لو فيه مجال بس بحيث أكون مسيطر علي العربية...لو مفيش مجال يبقي أخبطه بحيث إنه يقع بس وأجري

طيب لو متوسيكل..نفس الكلام خبطة بسيطة وأجري
طيب لو عربية زي الفيديو المنتشر بتاع سرقة التويوتا ياريس

أنا شايف إنه كان فيه مجال إنه يهرب من قدام اللانسر ولو مزنوقة أوي هخبط وش عربيته بجنب عربيتي وأحاول أعدي وسرعتي هتساعدني
أو أقف بسرعة جدا وأجيب مارشدير والف وش العربية وأطلع أجري وبردو الفيديو كان فيه مجال إنه يعمل كدا

الفكرة بقي إن ممكن يكون كان بيغلس عليك اول الطريق ومعيشك موقف إنه متغاظ من سواقتك عشان كده سواق الياريس وقف كان فاكره نازل يتخانق معاه ويقوله ما تعديني مثلا فطلعوا حرامية
نخلي بالنا من النقطة دي واي حد يقف قدام عربيتي عايز يتخانق معايا او بلطجي عايز يسرقني يبقي ولا اعرفه
وفي المقابل محدش فينا يعمل كدا انه يكسر علي حد رخم عليه لانه ممكن يفكر نفس التفكير ويشيله تماما وبصراحة حقه

**khalid_adel** · 30-03-2013 03:31 AM

المشاركة الأصلية كتبت بواسطة m.khalil

الواحد يقول الدعاء ده وميهمهوش حاجة بعد كده :
في سنن أبي داود والترمذي وابن ماجه ومسند أحمد قال رسول الله صلى الله عليه وسلم: من قال: بسم الله الذي لا يضر مع اسمه شيء في الأرض ولا في السماء وهو السميع العليم. ثلاث مرات لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي. وفي رواية : لم يضره شيء.
صححه الألباني.

بؤيدك تماما وربنا يباركلك وفعلا دي اول واهم حاجه
ثم او تاني حاجه موضوع ال 2000 سي سي :)

-

مشاهدة نتائج الإستطلاع: لو حد ثبتك وإنت سايق.. تتصرف إزاي ؟

الموضوع: لو حد بيثبتك وانت سايق العربية ومعاه سلاح تعمل ايه

LinkBack

أدوات الموضوع

عرض

-

-

-

-

المواضيع المتشابهه

تعمل ايه لو لقيت صرصار في العربية وانت سايق؟

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

بتفكر فى ايه وانت سايق ....؟

انشتمت وانت سايق ومش غلطان ..تعمل إيه؟

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة