لو حد بيثبتك وانت سايق العربية ومعاه سلاح تعمل ايه

**ahmad--ezzat** · 14-02-2013 04:47 PM

المشاركة الأصلية كتبت بواسطة friendship7897

ياااه الموضوع دا صعب أوي
أنا فكرت كتير في الموضوع دا ( ربنا يستر علينا جميعاً )
بس قررت مع نفسي ( والله أعلم برد الفعل التلقائي في الحالات اللي زي دي ) إني هحاول (دا لو رجلي ما أرتعشتش) إني أدوس بأسرع قوة واللي يحصل يحصل يموت أو مايموتش ميهمنيش - بس لازم يموت لأني مش هعرف أهرب وأعتقد أني بعد ما هعمل كدة هعمل حادثة مع نفسي ( هدخل في رصيف أو شجرة ) فلو ما متش يبقى أدته فرصة ليسرق وينتقم ، ولو مات ومعرفتش أهرب وأتظلمت فيه إنه هو اللي برئ. فدا دفاع عن العرض والنفس والمال .
جَاءَ رجلا للرسول فَقَالَ: "يَا رَسُولَ اللَّهِ أَرَأَيْت إنْ جَاءَ رَجُلٌ يُرِيدُ أَخْذَ مَالِي، قَالَ: "فَلَا تُعْطِهِ مَالَك، قَالَ: أَرَأَيْت إنْ قَاتَلَنِي؟ قَالَ: "قَاتِلْهُ"، قَالَ: أَرَأَيْت إنْ قَتَلَنِي؟ قَالَ: "فَأَنْتَ شَهِيدٌ"، قَالَ: أَرَأَيْت إنْ قَتَلْته؟ قَالَ: "هُوَ فِي النَّارِ" .

"يَا رَسُولَ اللَّهِ أَرَأَيْت إنْ جَاءَ رَجُلٌ يُرِيدُ أَخْذَ مَالِي، قَالَ: "فَلَا تُعْطِهِ مَالَك، قَالَ: أَرَأَيْت إنْ قَاتَلَنِي؟ قَالَ: "قَاتِلْهُ"، قَالَ: أَرَأَيْت إنْ قَتَلَنِي؟ قَالَ: "فَأَنْتَ شَهِيدٌ"، قَالَ: أَرَأَيْت إنْ قَتَلْته؟ قَالَ: "هُوَ فِي النَّارِ" .

بالظبط كده
دة ملخص الموضوع
اللهم صل وسلم وبارك على سيدنا محمد ص

**mahmoudfawzypr** · 14-02-2013 05:24 PM

المشكلة ان حادثة عربية البنك المركز دي ...عربيتين جيب قطعوا الطريق عى كوبري صفط اللبن ,.....يعني لو حاولت تدخل فيهم بالعربية عربيتهم مش حتتزحزح ملي من على االارض وعربيتك حتتخيش والله اعلم حيعملوا فيك ايه ثانيا لو جربت تشد هاند وتعكس اتجاهك ...كوبري صفط ديق جدا جدا وممكن متقدرش تعكس العربية من اول مرة

انا من حوالي شهر كنت في شارع وادي النيل وفي عز الضهر . ونازل النفق وكنت لابس نضارة شمس فلما بتنزل في حته ضلمة الرؤية بتبقى صعبة ....فجأة لقيت صاحبي بيقولي حاسب موتسكل جاي عكسي وانا مكنتش شايفه خالص فحوت جامد وكنت حطلع على الرصيف فشتمت اللي راكب الموتسكل وكملت طريقي ......ببص في المرايا لقيته بيلف وجاي ورايا فانا شديت شوية بس الدنيا كانت زحمة فدخلت في شارع جانبي لقيته جه جنبي وعداني وقام موقف الموتسكل بعرض الطريق وكان معاه واحد راكب الموتسكل ......انا استنيته لغاية لما نزل وقمت جايب اخر الدواسة وخبط الموتسكل ووقعته وطلعت على شارع واد ي النيل واخدت حتة منه عكسي وفلقت ...ولو كنت اطول اقتله كنت حقتله لانه قطع عليا الطريق

والناس الي خايفة من المسائلة القانونية لو خبط حد ..انا خريج حقوق وبقولك دوسه واقتله واطلع على اقرب قسم وبلغ باللي حصل لانك لو مقتلتوش هو حيقتلك وده دفاع شرعي عن النفس

**mody_halawa** · 14-02-2013 07:54 PM

حصلى موقف مشابه للموقف دة
كنت على طريق زراعى فرعى لوحدى وقفل عليا عربيه لادا ووقفت ... بس اول لما قفل عليا انا اديت مارشدير علطول علشان اوسع لنفسى ونزل منها 3 كان معاهم شوم
وطبعا دوست بنزين على الاخر وشيلت رجلى من على الدبرياج وكانت النتيجة انى شيلت واحد على الكبوت ( اللى كان قدامى ) ودوست فرامل مرة واحدة نزل على الارض وروحت طاااااير بالعربية من فوق رجلة او جسمة الله واعلم
وكلمت واحد صاحبى ظابط فى المنطقة اللى كنت فيها قالى خدت رقمة قلتلة لا طبعا انا ملحقتش لان الموضوع ماخدش اكتر من 30 ثانية

**ali_333** · 14-02-2013 08:44 PM

في حل لذيذ تنزل من عربيتك عادي ومعاك مطوة وتخبط الكوتش بحيث كده مش حيقدرو يمشو بيها

حيعملو ايه؟ معتقدش حيضربو نار مش حيستفيدو حاجة

**M_Marwan** · 14-02-2013 08:58 PM

وليه يا جماعه الأفلام الأكشن دى كلها !!

ركبوا جهاز تتبع وفى زرار أستغاثه بيبعت رساله ل 5 أشخاص تكون انت مظبط معاهم ومديهم

رقم الشريحه ايلى جوه الجهاز وتقف زى الباشا وتسيب العربيه وبعدين اى رقم من الأرقام دى يبعت

رساله صغيره للجهاز Cut Engine وكل سنه وانتم طيبين

**w-m-a** · 14-02-2013 11:23 PM

ربنا يكفيكم شر هذا الموقف
صدقونى مش هتعمل حاجه
كان امين الشرطه الله يرحمه عمل
معاه سلاح وعربيه محترمه
اتقتل والعربيه اتخدت
انا شخصيا مريت بموقف مشابهه
والحمد لله لم اتهور
والخسائر كانت الزجاج
وكان معى سلاح
والحمد لله لم استخدمه
وانت فاكر لو موته واتعمل محضر
اهله هيسكتوا
اعرف واحد موت الحرامى بعد الحرامى ما اطلق عليه وعلى زوجته النار
وتسبب فى اجهاض زوجته
لولا ان تدخل كبار المنطقه
واقناعهم بأنها روح قصاد روح
ربنا يسترها معانا جميعا

**Ahmed salamaa** · 14-02-2013 11:26 PM

انا من راي لو الطريق يسمح و هما جنبي هدي سنة فاجءة كدة لحد متوصل لاخر رفرفهم من ورا و اكسر عليهم العربية هتلف بيهم و مش بعييد يتقلبو او خليك في ضهرهم لحد متلاقي حتة تطلع منها و طيير ولو حد وقف اداامك متسبوش الا وهو تحت العجل

**Gamal.Eid** · 15-02-2013 01:09 AM

اللهم استرها عليكم وعلينا وعلى الجميع ربنا يعافينا مما ابتلى به غيرنا انا لا قدر الله لو حصل معايا عمرى ما هقف هعمل اى تصرف هموته هخبط العربية بتاعته هجرى باقصى ما يمكن هلف او همشى عكس اى شىء الا انى ااقف لانى لو وقفت هو ده اللى هيبقى انتحار فعلا ومتخافوش لو قتلته المجرم ده ولا هتاخدوا فيه ساعة انا محامى وعارف كويس انت كده بتدافع عن نفسك دفاع شرعى انا بقول الكلام ده للاخ اللى بيقول هدخل فى سين وجيم لا اخى لاتخاف وربنا يسترها علينا جميعا انا خارج مصر الان بالعمل بالخارج وبسبب اللى بيحصل فى مصر ده ان شاء الله بعد السنة الدراسية دى هاخد اسرتى معى لانى قلقان جدا عليهم

**dr.hazem** · 15-02-2013 01:12 AM

انا شفت 3 على موتسيكل بيثبتو سواق تكسي فرمضان قبل اللي فات بعد المغرب ب10 في شارع جوديف تيتو...
هوا مكنش في عربيات خالص وانا كان معايا بنت اختي الصغيرة...
كان بيني وبينهم مسافة كبيره وشفت الموقف كله..
جم بالموتسيكل قدامه مباشرة ووقفو ونزلو التلاته نزلوه ونزلو فيه ضرب هنا كنت انا بعديهم وببص في المرايه وصعب عليا الراجل لان خالي سواق تكس واتثبت قبل كده وغزوه مع انه عمل كل اللي هما عايزينه. فمكدبتش خبر عديتهم ببتاع 15-20متر ورحت راجع جامده خبطت التلاته بضهر العربية وشفتهم اترمو كلهم عالارض ورحت جايب الاول وطاير...
ويعلم ربنا لو البنت مش معايا انا مكنتش مشيت الا وانا دايس عالتلاته...
العجيب ان آخر الشارع كان في مدرعة للجيش ويعتبر كاشفين الموضوع ومعملوش حاجة...
وبعد ما خبطتهم ودست شفت في المرايه عربيات جايه وكان نفسي لعرف حصل ايه لكن لما رجعت بعدها بشويه مكنش في حد ولا كان في حاجه...

Sent from my SE Arc S using Forum Runner

**speed_magnum** · 15-02-2013 03:33 AM

المشاركة الأصلية كتبت بواسطة dr.hazem

انا شفت 3 على موتسيكل بيثبتو سواق تكسي فرمضان قبل اللي فات بعد المغرب ب10 في شارع جوديف تيتو...
هوا مكنش في عربيات خالص وانا كان معايا بنت اختي الصغيرة...
كان بيني وبينهم مسافة كبيره وشفت الموقف كله..
جم بالموتسيكل قدامه مباشرة ووقفو ونزلو التلاته نزلوه ونزلو فيه ضرب هنا كنت انا بعديهم وببص في المرايه وصعب عليا الراجل لان خالي سواق تكس واتثبت قبل كده وغزوه مع انه عمل كل اللي هما عايزينه. فمكدبتش خبر عديتهم ببتاع 15-20متر ورحت راجع جامده خبطت التلاته بضهر العربية وشفتهم اترمو كلهم عالارض ورحت جايب الاول وطاير...
ويعلم ربنا لو البنت مش معايا انا مكنتش مشيت الا وانا دايس عالتلاته...
العجيب ان آخر الشارع كان في مدرعة للجيش ويعتبر كاشفين الموضوع ومعملوش حاجة...
وبعد ما خبطتهم ودست شفت في المرايه عربيات جايه وكان نفسي لعرف حصل ايه لكن لما رجعت بعدها بشويه مكنش في حد ولا كان في حاجه...

Sent from my se arc s using forum runner

والله انت اسد
بس لو معاهم إلي أو رشاش ؟؟؟
كنت هتعمل ايه ؟؟

مشاهدة نتائج الإستطلاع: لو حد ثبتك وإنت سايق.. تتصرف إزاي ؟

الموضوع: لو حد بيثبتك وانت سايق العربية ومعاه سلاح تعمل ايه

LinkBack

أدوات الموضوع

عرض

-

-

-

-

-

-

المواضيع المتشابهه

تعمل ايه لو لقيت صرصار في العربية وانت سايق؟

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

بتفكر فى ايه وانت سايق ....؟

انشتمت وانت سايق ومش غلطان ..تعمل إيه؟

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة