الموضوع: سعر التيل والطنابير للنيو صنى 2013

المشاركة الأصلية كتبت بواسطة zambarota

وم

طيب استاذ محمد غيرهم ازاى فى الضمان والمهندس قاله ان التيل والطنابير بره الضمان
غيرهم علشان خاطره يعنى ولا مجامله لطيفه

وانا غيرت التيل ازاى فى الضمان ولو الطنابير كانت بايظه كنت غيرتهم فى الضمان بالرغم من انى عامل 16 الف كيلو متر

يااستاذى انا عارف ان التيل والطنابير قطع استهلاكيه لكن ليها معدل اهلاك

وطبعا علشان مبدأ لا يضع حق وراءه مطالب

التيل والطنابير مش معقوله يتغيرو على كيلو متر قليل جدا وحالات متكرره لمعظم سيارات نيسان
بتظهر فيها تلف التيل والطنابير

انا بتكلم ان التوضيح لازم يكون للاعضاء مالكي السياره ان ممكن يغيرو التيل والطنابير فى الضمان

حضرتك مشكلتك انك معرفتش تغيرهم فى الضمان

لكن مش المبدأ العام ان التيل والطنابير بره الضمان

يعنى افتراض لو اشتريت العربيه النهارده وبكره سمعت صوت الصفاره وكشفوا عليها فى التوكيل وقالولى محتاجه تغيير تيل مين هايتحمل تكلفه تغييره
وهل تغييره بيشمله الضمان ولا لأ

القصه انك لو سمعت صوت صفاره مبكرا لازم تروح تحفظ حقوقك فى التوكيل وهما عارفين ومتأكدين من ان التيل رديئ
لكن متكونش عامل 10 الاف كيلو او اقل والتيل يبوظ تروح حضرتك مغيره على حسابك

انا غيرته حضرتك وانا عامل 16 الف كيلو وبكررها تانى

لانى حافظت على حقوقى بانى سامع صوت الصفاره وبشتكى منها من صيانه ال 5 الاف وصيانه ال 10 الاف وسجلت شكوتى عندهم اكثر من مره

حتى لو التيل كان باظ وانا عامل 10 الاف كنت برده غيرته فى الضمان
وفى ناس ردت على حضرتك وقالتلك بالنص(شوف حضرتك لو قالولك فى التوكيل لازم تغير تيل يبقى على حساب الضمان مفيش تيل يتغير على حسابك بعد 10000 كم أنا فيه واحد جارى عامل 32000 كم وغيرة بس على حسابة طبعا لكن حضرتك لازم تغيرة فى الضمان وتصمم على كده)

تيل عايز يتغير على 10000 ليه يعنى ده يتغير فى الضمان و انت ما تتحملش اى حاجة لان دى كده مشكله تيل او طنابير عشان يتاكل بالسرعه دى

تيل عايز يتغير على 10000 ليه يعنى ده يتغير فى الضمان و انت ما تتحملش اى حاجة لان دى كده مشكله تيل او طنابير عشان يتاكل بالسرعه دى
تيل عايز يتغير على 10000 ليه يعنى ده يتغير فى الضمان و انت ما تتحملش اى حاجة لان دى كده مشكله تيل او طنابير عشان يتاكل بالسرعه دى
تيل عايز يتغير على 10000 ليه يعنى ده يتغير فى الضمان و انت ما تتحملش اى حاجة لان دى كده مشكله تيل او طنابير عشان يتاكل بالسرعه دى




وشكرا

عموما انا بتكلم على اللى حصل معايا، حضرتك لو تقرا الموضوع بتاع استاذ محمد انه عمل شكوى عند نيسان وبعدها اتغير التيل والطنابير فى الضمان، يعنى الموضوع ان التوكيل مش بيغير لوحده كده اول ما تروحله بالمشكله يقوم يغيرهم من تلقاء نفسه. وانا بقولك انا فى التوكيل قولتلهم على ان التغيير يتم فى الضمان وهما رفضوا، وكلمت شركة نيسان نفسها وكان برضه ان التنيل والطنابير بره الضمان.
وانت بتقول لا يضيع حق وراء مطالب يعنى حضرتك برضه بذلت مجهود على ما غيرتهم عند 16 الف. وانا كمان عملت كده وقدمت الشكوى فى نيسان وحشوف رد فعلهم ايه. وهى الفكرة انى علشان اخد حقى لازم اعمل مشاكل ولازم اهددهم انى اعمل شكوى فى نيسان اليابان، ولا الفكرة انى لو ليا حق اخده من غير مشاكل وتهديدات.

انا مش عارف انت زعلان منى ليه ؟!!!!!!!!!!!!!!!!!!!!!!

المشاركة الأصلية كتبت بواسطة ehab_hamed

عموما انا بتكلم على اللى حصل معايا، حضرتك لو تقرا الموضوع بتاع استاذ محمد انه عمل شكوى عند نيسان وبعدها اتغير التيل والطنابير فى الضمان، يعنى الموضوع ان التوكيل مش بيغير لوحده كده اول ما تروحله بالمشكله يقوم يغيرهم من تلقاء نفسه. وانا بقولك انا فى التوكيل قولتلهم على ان التغيير يتم فى الضمان وهما رفضوا، وكلمت شركة نيسان نفسها وكان برضه ان التنيل والطنابير بره الضمان.
وانت بتقول لا يضيع حق وراء مطالب يعنى حضرتك برضه بذلت مجهود على ما غيرتهم عند 16 الف. وانا كمان عملت كده وقدمت الشكوى فى نيسان وحشوف رد فعلهم ايه. وهى الفكرة انى علشان اخد حقى لازم اعمل مشاكل ولازم اهددهم انى اعمل شكوى فى نيسان اليابان، ولا الفكرة انى لو ليا حق اخده من غير مشاكل وتهديدات.

انا مش عارف انت زعلان منى ليه ؟!!!!!!!!!!!!!!!!!!!!!!

انا مش زعلان منك ابدا خالص انت اخدت الامور بمحمل تانى خالص

انا بس زعلان علينا وان دي للاسف مصر

يااخي الكريم بالمنطق كده تيل الفرامل بتاع العجله (البسكلته) افضل من تيل الفرامل للصنى

يعنى التيل يبوظ بعد الف او 5 الاف او 10 الاف كم

وكمان يتكرر الموضوع مع اكثر من مالك للسياره

ونروح التوكيل يقولك ده خارج الضمان ...لا طبعا ده نصب وسرقه من التوكيل

وكمان المصيبه الاكبر ان مهندسين التوكيل يعترفو ان التيل خامه رديئه جدا

فى حاجه اسمها ضمان يعنى انا بضمنلك السياره من عيوب الصناعه

وتيل الفرامل والطنابير من الوارد حدوث عيوب صناعه بها

لكن موظفين التوكيل يضللو العميل حتى لا يتحملو اعباء ام ماذا؟

انا معملتش مشاكل علشان اغير التيل انا بس طلبت منهم تقرير يفيد بان التيل تالف ويحتاج الى تغيير

وهما رفضو لما طلبت التقرير ولاقيتهم غيرو التيل فى الضمان

الموضوع ابسط من ان الواحد يعمل مشاكل ويهدد حد

لكن انا كنت عارف ازاى هاجيب حقى منهم لو مكنش غيرو التيل فى الضمان (بالقانون) وكمان كنت هاطالب بتعويض وانا عارف الطرق القانونيه

لان انا بشترى سياره + ضمان

ياريت تكون وجهه نظرى وصلت

وجهة نظرك وصلت من الأول يافندم بس أنا حسيت أنك متحامل عليا انا شخصيا مع انى بحكى اللى حصل معايا وبس. حصل خير وفرصة سعيدة انى اتشرفت بحضرتك.

المفروض ان أحنا جايبين عربيات زيرو علشان ما نتبهدلش بيها، ولما تظهر مشكلة عيوب صناعة فيها المفروض أن التوكيل هو اللى يستدعى العربيات ويعملها الصيانة المطلوبه على حسابه، مش احنا اللى نروح ونتخانق معاهم علشان يصلحوا عيب فى الصناعة اصلا.

انا اشتكيت من نفس العيب ده فى صيانة ال 5000 كيلو وقالوا انه اتصلح، وظهر بعدها تانى. انا معايا التقرير بتاع مودرن موتورز أن التيل بحاجه للتغير فى صيانة ال 10.000 ، وطلبت منهم انه يتغير فى الضمان ورفضوا فسيبتهم وروحت على اوتو ايجيبت (بس بعدها بأسبوعين تقريبا) وبرضه كان نفس الكلام انه بره الضمان. فأنا غيرته على حسابى علشان ما امشيش بالعربية وهى كده لأن مشوارى اليومى كبير.

وبعدين قدمت شكوى فى نيسان ولسه منتظر ايه ردهم.

ehab_hamed الف شكر يا استاذي العزيز

المشاركة الأصلية كتبت بواسطة shadowgazer

ehab_hamed الف شكر يا استاذي العزيز

العفو ياباشا على ايه.... التعاون حلو بين الناس. ربنا يهدى الحال ومصر تبقى احسن بدل فى الدنيا ان شاء الله

المشاركة الأصلية كتبت بواسطة ehab_hamed

وجهة نظرك وصلت من الأول يافندم بس أنا حسيت أنك متحامل عليا انا شخصيا مع انى بحكى اللى حصل معايا وبس. حصل خير وفرصة سعيدة انى اتشرفت بحضرتك.

المفروض ان أحنا جايبين عربيات زيرو علشان ما نتبهدلش بيها، ولما تظهر مشكلة عيوب صناعة فيها المفروض أن التوكيل هو اللى يستدعى العربيات ويعملها الصيانة المطلوبه على حسابه، مش احنا اللى نروح ونتخانق معاهم علشان يصلحوا عيب فى الصناعة اصلا.

انا اشتكيت من نفس العيب ده فى صيانة ال 5000 كيلو وقالوا انه اتصلح، وظهر بعدها تانى. انا معايا التقرير بتاع مودرن موتورز أن التيل بحاجه للتغير فى صيانة ال 10.000 ، وطلبت منهم انه يتغير فى الضمان ورفضوا فسيبتهم وروحت على اوتو ايجيبت (بس بعدها بأسبوعين تقريبا) وبرضه كان نفس الكلام انه بره الضمان. فأنا غيرته على حسابى علشان ما امشيش بالعربية وهى كده لأن مشوارى اليومى كبير.

وبعدين قدمت شكوى فى نيسان ولسه منتظر ايه ردهم.

ياباشا انا الى اتشرفت بمعرفتك واسف لو حسيت انى متحامل عليك انا بس صعب عليا انك دفعت فلوس مش من المفترض انك تدفعها

عايز اطمنك ان نيسان ايجيبت مش هايردو على شكواك وحتى لو ردو على شكواك هايقولولك ان التيل والطنابير لايشملهم الضمان

طبعا حضرتك خلاص غيرتهم على حسابك فمعتقدش ان الموضوع هايبقى بالنسبه ليهم سواء مودرن موتورز او اوتو ايجيبت او حتى نيسان ايجيبت نفسها مشكله كبيره

انا عايز ابعت رساله لكل مالك للصنى ان مشكله التيل هى مشكله عامه فى السياره وليس سوء استخدام كما يخيل لهم التوكيل

وكمان مشكله التيل وماينتج عنه مش ان الطنابير تتلف هى عيب صناعه ايضا وليس سوء استخدام

من حق اى مالك للصنى تغيير التيل داخل الضمان طالما لم يتعد كيلو متر كبير

معلش يا جماعه أنا أتأخرت فى تكملة بقية الموضوع، كنت مشغول شويه فى الشغل. المهم بالنسبة للموضوع بتاع اتيل الفرامل والطنابير. أنا قولت لكم انى عملت شكوى في نيسان. هما اتصلوا بيا بعدها بحوالى يومين كده واخدوا شويه تفاصيل عن الموضوع، وبعدها لقيت الناس بتوع اوتو ايجيبت بيتصلوا بيا وقالوا لى ان نيسان قررت أنهم يرجعوا لى نصف الفلوس اللى انا دفعتها فى تغيير التيل والطنابير. هما بيأكدوا ان القطع دى مستهلكة ولكنهم عملوا كده لأرضاء العميل.
رحت فعلا لأوتو ايجيبت وصرفت الفلوس من عندهم.

وشكــــــــــــرا.

المشاركة الأصلية كتبت بواسطة ehab_hamed

معلش يا جماعه أنا أتأخرت فى تكملة بقية الموضوع، كنت مشغول شويه فى الشغل. المهم بالنسبة للموضوع بتاع اتيل الفرامل والطنابير. أنا قولت لكم انى عملت شكوى في نيسان. هما اتصلوا بيا بعدها بحوالى يومين كده واخدوا شويه تفاصيل عن الموضوع، وبعدها لقيت الناس بتوع اوتو ايجيبت بيتصلوا بيا وقالوا لى ان نيسان قررت أنهم يرجعوا لى نصف الفلوس اللى انا دفعتها فى تغيير التيل والطنابير. هما بيأكدوا ان القطع دى مستهلكة ولكنهم عملوا كده لأرضاء العميل.
رحت فعلا لأوتو ايجيبت وصرفت الفلوس من عندهم.

وشكــــــــــــرا.

الف مبروك عليك

موضوع انهم يرجعو نصف الفلوس تكاليف تغيير التيل والطنابير مع انه بادره طيبه من نيسان

الا اني لازلت متمسك ان التيل يمكن يتغير بالكامل فى الضمان لان الموضوع عيب عام وعيب صناعه يتحمله الصانع

ومبروك مره تانيه ومن تحامل اهو