سعر التيل والطنابير للنيو صنى 2013

**ehab_hamed** · 14-02-2013 09:27 PM

معلومتين على السريع عرفتهم وانا النهارده فى التوكيل بغير تيل الفرامل:

راجع قصة تركيب التيل والطنابير فى الرابط هنا

صوت صفارة لما تدوس فرامل: سببه تيل الفرامل، واللى عنده المشكله دى لازم يسوفها بسرعه علسان ما تبوظش الطنابير زى ما حصل معايا

صوت زى العربيات النقل لما بتدوس فرامل: سببها صاجه تيل الفرامل الخلفى. ودى حاليا مش موجوده فى التوكيل.

بعض الاسعار:
تيل فرامل امامى: 450 + 45 (ضريبة) + 52 (مصنيعة تركيب) = 547 جنيه
طنابير امامى: 792 (سعر الاتنين طنبورة) + 79 (ضريبة) + 52 (مصنعية تركيب) = 923 جنيه

مسمار الكاليبر: 70 جنيه

**hatahet** · 14-02-2013 10:23 PM

اعتقد ان القطع دى بيشملها الضمان صح؟

**midooo_119** · 14-02-2013 10:56 PM

هى العربية دى مقلب و لا ايه

**ehab_hamed** · 15-02-2013 01:15 PM

المشاركة الأصلية كتبت بواسطة shadowgazer

معلش يا استاذ ايهاب سؤال
انا عندي مشكلة الصفارة لما افرمل في الاخر زي صوت التريلة كده بس ده مش على طول يعني احيانا يظهر واحيانا لا

هل ده محتاج اني اصلحه بسرعة ولا و اعمل ايه علشان اصلحه ؟؟؟؟؟؟
ولو رحت اوتو ايجبت ابو رواش يعمل لي فحص على العربية تكلفتها كام ؟

صوت الفرامل اللى عامل زى صوت العربية النقل ده بسبب صاجه تيل الفرامل الخلفى، وهو ساعات بيظهر وساعات لأ، وغالبا بيظهر بعد العربية ما تسخن وتكون مشيت بيها شويه حلوين كده. دى بيتم تغييرها فى التوكيل بس مش عارف هل بتتغير فى الضمان ولا لأ ونسيت أسأل على سعرها.
والمشكله دى مش بتأثر على الفرامل ولا بتأثر على قوة الفرامل فى اى حاجه ده موضوع صوت بس، واصلاحها مش ضرورى يتم بسرعة بما انه مش بيأثر على قوة وأداء الفرامل.

الكشف على العربية بس بيتكلف 75 جنيه فى اوتو ايجيبت. يعنى لو مش حتعمل اى حاجه غير انك تكشف على العربية تدفع ال 75 جنيه. انما لو حتصلح أو تغير اى حاجه بيبقى الكشف مجانا ساعتها.

**ehab_hamed** · 15-02-2013 01:17 PM

المشاركة الأصلية كتبت بواسطة hatahet

اعتقد ان القطع دى بيشملها الضمان صح؟

مع الأسف تيل الفرامل والطنابير لا يشملها اى ضمان. لأنه حتى الأصلى اللى العربية طالعه بيها من المصنع مش داخله فى الضمان.

**ehab_hamed** · 15-02-2013 01:29 PM

المشاركة الأصلية كتبت بواسطة midooo_119

هى العربية دى مقلب و لا ايه

لأ لأ لأ خالص العربية كويسه جدا بالنسبة لفئتها السعرية، انما اللى بيحصل ده اعتقد ان سببه الاستعجال فى طرح العربية فى السوق بدون تجربتها فترة كافية، لأن العربية نزلت السوق فى شهر 6-2012 تقريبا وانا اشتريتها فى شهر 8-2012 يعنى عربيتى كانت من الدفعات الاولى اللى نزلت السوق. ومتهيا لى انهم بيعالجوا المشاكل دى فى الدفعات الجديدة اللى بتنزل بعد كده.

والمشكلة التانية فى التوكيلات ومحاولتها انها توفر حتى ولو حساب العميل.

**zambarota** · 15-02-2013 02:19 PM

لا لا لا حضرتك غلطان طبعا ودي معلومات مضلله يجب ان تتأكد منها قبل نشرها

برجاء مراجعه الموضوعات السابقه الخاصه بتغير التيل فى الضمان والطنابير ايضا

بالنسبه للتيل انا غيرت التيل الامامي فى الضمان وانا عامل 16 الف كيلو

لو التوكيل كان اكتشف ان الطنابير كانت محتاجه تغيير كان غيرهم ايضا فى الضمان

التيل الموجود فى الصنى الجديده رديئ وده سبب صوت الصفاره الى بتصدر من الامام

وصاجه التيل الخلفى متوفره الان لكل من يسمع صوت احتكاك خلفى وايضا يتم تغيرها مجانا فى الضمان

**ehab_hamed** · 15-02-2013 02:29 PM

المشاركة الأصلية كتبت بواسطة zambarota

لا لا لا حضرتك غلطان طبعا ودي معلومات مضلله يجب ان تتأكد منها قبل نشرها

برجاء مراجعه الموضوعات السابقه الخاصه بتغير التيل فى الضمان والطنابير ايضا

بالنسبه للتيل انا غيرت التيل الامامي فى الضمان وانا عامل 16 الف كيلو

لو التوكيل كان اكتشف ان الطنابير كانت محتاجه تغيير كان غيرهم ايضا فى الضمان

التيل الموجود فى الصنى الجديده رديئ وده سبب صوت الصفاره الى بتصدر من الامام

وصاجه التيل الخلفى متوفره الان لكل من يسمع صوت احتكاك خلفى وايضا يتم تغيرها مجانا فى الضمان

مع الاسف انا كنت امبارح فى توكيل اوتو ايجيبت علشان عندى صوت صفارة مع الفرامل والموضوع ممكن تشوفه من الرابط ده

وهما اللى قالوا على ان التيل والطنابير بره الضمان اصلا، وانا عملت شكوى فى نيسان نفسها وبرضه قالوا لى ان التيل والطنابير بره الضمان، وعلى فكره حضرتك انا مش بكتب اى حاجه الا لما اكون متاكد منها علشان كده مشاركاتى قليله ومعلوماتى مش مضلله.

وراجع برضه مشاركه ا/ محمد هنا http://www.nilemotors.net/Nile/33171...post3874767672 هو صحيح غيرها فى الضما بس كلام المهندس معاه من الاول ان التيل والطنابير بره الضمان

وبالنسبة لصاجه التيل الخلفى برضه سألت عليها امبارح فى اوتو ايجيبت وما كنتش موجوده وطلبوها من المصنع وفى انتظار وصولها. وصاجه التيل الخلفى مش علشان صوت الأحتكاك دى علشان صوت بيبقى عامل زى العربية النقل لما تدوس على الفرامل للأخر.
وشكرا ليك