من نوبيرا إلى أوبل ... حول

**amr elsisi** · 17-02-2013 09:51 PM

دور علي موتور ايكوتك

**elshreef_hemo** · 20-02-2013 10:10 AM

المشاركة الأصلية كتبت بواسطة kar!m

العربية الفيكترا ال بي 2 من العربيات المحترمه جدا .. هي تعتبر عربية عائلية .. مريحه جدا في السفر .. ثبات ولا كلمة .. ال 1600 سحبها كويس جدا .. في الطلعه بس تقيل سنه بسيطه.

عربيتي كانت عامله 160 ألف كيلو و مكنش فيها مشاكل في الكنترول الحمد لله .. و تكييفها ممتاز لو سليم و بيتصلح عند ناس بتفهم.

قطع غيارها أقل ما يمكن انك تقوله عليها انها مرطرطه في السوق .. و الميزة ان لو عندك مثلا جزء من قطعه ميكانيكية عاوزه .. هتجيب الجزء ده .. مش محتاج تجيب القطعه كلها.

مشاكلها باختصار:

البوهيه بتاعتها بتكلح زي معظم الأوبل.

محتاجه صيانه عند جد بيفهم .. لو اللي اشتغل فيها مش صنايعي أوبل هتلاقي كليبسات مكسره و بلاستيكات و كده.

فرشها محتاج عنايه أوي .. خصوصا فرش الأبواب.

الايه بي اس بيبوظ كتير .. بس بيتصلح بالكتير بألف جنيه و المشكله بتتحل نهائيا.

فك التابلوه بتاعها مقرف جدا .. لو لا قدر الله تلاجة التكييف باظت بتكوم مشكله .. حتى لو لمبات العدادت باظت فكها مقرف.

من الاخر لو لقيت عربيه نضيفه و استخدام كويس .. و حتى لو رشه بره نتيجة تكليح أو خرابيش بس دواخل فابريكه .. تبقى فرصه كويسه .. حتى لو موتورها مش كويس .. انت لو شفت كمية المواتير الاستيراد اللي في المخازن مش هتصدق نفسك.

و ربنا يوفقك لما فيه الخير.

الله ينور يا كريم ، انا قريت مشاركاتك عن العربية وبينى وبينك قلقت شوية بس دلوقت اتطمنت
وتبقى معاناة البحث عن عربية نضيفة بقى يا مسهل

**m7nsh** · 19-02-2013 07:58 PM

انا كنت فى نفس حيرتك بس استخرت و عربنت فى واحده خلاص هاستلمها على اخر الاسبوع ده ان شاء الله ..والعربيه من تجربتها (خصوصا انى سقت نوبيرا كتير ) اثبت وماسكه نفسها عنها
واستاذ kar!m ماشاء الله قال كل حاجه تقريبا ..
ربنا يوفق حضرتك للخير ..

**فادى محمد** · 20-02-2013 10:20 AM

كان فيي واحده مو 96 وارد النمسا
كامله اوتوماتيك -لون ذهبي-جنوط مروحه اصليه-فتحه سقف كهرباء
2 اير باج -طاره مالتي-مرايات كهربا-موتور 1600 ايكوتك (بتاع التيجرا)
فابريكه بالكامل ماعدا جزء من الباب الخلفي ورفرف
ماشيه 142000كم
العربيه واقفه ماشاء الله زي الاسد
كل حاجه فيها اصليه ومتحافظ عليها جدددددا
مطلوب فيها 57 الف نهائي
لو ب51000 كنت اخدتها
عيب العربيه انها نازله من غير تكييف بارد ,دفايه بس
وطبعا علشان ناسس تكييف من الاول هيتكلف 3500ج
مع اني كنت شاكك انه صعب يركب لاني لقيت مكان تركيب الكمبروسر
كرسي للموتور فالكمبروسر كده مالوش مكان ؟
ومع ذلك العربيه اتباعت وشفتها قدامي ع الطريق امبارح !!!

**elshreef_hemo** · 20-02-2013 12:21 PM

المشاركة الأصلية كتبت بواسطة lanos2004

شوف النوبيرا اوسع بكتيررررررررررررررررررررر رر من الاوبل
دة انا بحس ان الانوس اوسع من الفيكترا
لازم ماتورها يكون ايكوتيك غير كدة هتلاقيها بطه العربيه تقيله جدا
مهما حملت العربيه مش بتوطى زى النوبيرا لما بتفطس وهيه محمله
الصاج ممتاز جدا غير النوبيرا خالص
لو العربيه مانيوال دواسه الدبرياج ناشفه شويه-مش زى النوبيرا حلاوة
عيب الاوبل كهربا معقدة جدا---و حرارة عاليه عن الطبيعى فى الصيف فى الزحمه لو مسافر بتكون الحرارة زى الفل
التكييف ضعيف مش زى النوبيرا خالص--واحيانا قلته افضل
مقابض البيبان جلدها بيتاكل لوحدة
الكراسى نشفه حبتين-متحبش تركبها كتير لو متعود على الراحه بس ليها حل طبعا
استهلاك بنزين اقل من نوبيرا طبعا
واهم حاجه عمرها ما حكت فى مطب زى النوبيرا

النوبيرا فيها 3 مشاكل لو اتحلوا هتبقى احسن عربية فى السوق
الصاج(ودى اكبر مشكلة من وجهة نظرى)
العفشة
إستهلاك البنزين(فى الزحام مش عالطريق السريع)