الموضوع: استفسار عن الكرولا

لا الخليجى فيتسها اتوماتيك عادى غير الجنوب افريقى Mmt

بس انا سمعت انا الخليجى من اول 2010 هينزل بفتيس Mmt

السعر للخليجى اول فئة اتوماتيك 142 الف من كام اسبوع بس ممكن تسال فى اى معرض بيباع الخليجى

بس انا عايز اعرف مين طوب الارض اللى مش راضى عن فتيس Mmt؟ الا اذا كنت بتتكلم على المواضيع اللى فى المنتدى

بصراحة المنتدى اما تقرأ المواضيع عن الفتيس تكرهك فى الجنوب افريقى

بس انا هتكلم عن نفسى انا روحت عملت تست دريف وفهمت الفتيس شغال ازاى وسقت العربية بنفسى لقترة ومحستش باى مشكلة

اتوكلت على الله واشتريت العربية وما شاء الله زى الفل ومش حاسس باى مشكلة فى الموضوع دة بالعكس انا راضى جداً عن الفتيس واداءة وعاجبنى اكتر من الاتوماتيك العادى ولو رجع بى الوقت هشترى نفس العربية تانى..... دا راى الشخصى

نصيحة جرب الاول واحكم بنفسك وبلاش تسمع كلام حد

شكرا جدا لحضرتك وان شاء الله هجرب الاول وشكرا

خلى بالك
الفرق بين المصرى والخليجى مش فى الفتيس بس دا فى الموتور كمان
المصرى الموتور الجديد مش عارف بالظبط كام حصان (124) فتيس Mmt (الموتور ده تحفة وافضل بكتير)
انما الخليجى موتور الشكل القديم وفتيس اوتو عادى
انا شايف ان المصرى افضل بكتير رغم انى مجربتش الفتيس
وفعلا لازم تجرب بنفسك

فية فروق كتير بين الجنوب افريقة والخليجى

فية موضوع جميل ومميز للعضو أحمد ابو سمرة عن الفرق بينهم:-

نستعرض من خلال ذلك الموضوع عدة نقاط لايضاح الفرق بينالكورولا اليابانى والجنوب افريقى
1- تتميز الكورولا الجنوب افريقى بانه مصفحه تصفيح كامل من اسفل السياره غير الكورولا اليابانى الغير مصفحه ولكن هذا يقلل ارتفاعها عن الارض بالنسبه لليابانى ويعزز من ثباتها
2- تتميز الكورولا الجنوب افريقى بوجود كاسيت وسى دى كانه قطعه واحده لا تتجزا من التابلوه بعكس اليابانى نفس كاسيت الكورولا القديمه ومركب فى التابلوه بصوره تقليديه
3- وجود باركينج سينسور فى الكورولا اليابانى كتجهيز اساسى وعدم احتواء الجنوب افريقى بها
4-المرايا فى الكورولا اليابانى (شافت) يمكن ثنيها كهربيا بعكس الجنوب افريقى لا تحتوى على هذا الاوبشن
5- العدادات فى اليابانى شكلها قديم وغير ظريف وعدادات الكورولا القديمه افضل منها بعكس الكورولا الجديده التى تاتى بشكل جيد جدا واضاءه مميزه واحتواها على كمبيوتر لحساب معدل استهلاك الوقود وكميه الوقود المتبقيه ودرجات الحراره
6-تتميز الكورولا الجنوب افريقى بوجود ارزار فى الدريكسيون للتحكم فى الكاسيت والسى دى وغير موجوده فى اليابانى

7- تتميز الكورلا الجنوب افريقى بوجود اطارات مقاس 16 وعرض 205
اليابانى 15 وعرض 195
8- تتميز الكورولا الجنوب افريقي بوجود الموتور الجديد dual vvti بقوة 124 حصانا وعزم 157 نيوتن.متر والكورولا اليابانى 107 حصان فقط اى نفس الموتور القديم
9- تتميز الكورولا الجنوب افريقى بالفتيس mmt (multi mode transmission with paddle shaft) ويتميز بانه يحتوى على وضع قياده مانيوال واوتوماتيك ويعطى نفس عزم وتسارع المانيوال تماما بعكس اليابانى التى تحتوى على الفتيس الاوتوماتيك العادى
10- تتميز الكورولا الجنوب افريقى بالثبات والتحكم افضل من اليابانى لاحتواها على كاوتش اعرض بالاضافه الى تصفيحها الذى يجعل مركزها للارض اقرب مما يعطيها تحكم افضل على السرعات من اليابانى
11- تحتوى الكورولا الجنوب افريقى على فرامل تحتوى على abs ,ebd,asr,basكتهجيز اساسى ولا تحتوى اليابانى عليها الا فى اعلى نوع منها
12- يوجد موديل من اليابانى يحنوى على فتحة سقف وسبويلر خلفى بينما لا يوجد فى الجنوب افريقى
13- يوجد من الجنوب افريقى موديل يحتوى على زينون وبخاخات لغسل الفوانيس الاماميه و4 airbags ومفتح keyless ومثبت سرعه وتكييف تاتش ومراءه عاكسه للضوء وعدم احتواء اليابانى على كل هذه المواصفات


ملاحظه هامــــــــــــــــــــــ ــــــــــــــــــــه

استغرب البعض من احتواء الجنوب افريقى على اوبشنز اعلى من اليابانى واحتواها على موتور وجيربوكس جديد وتكنولوجيا اعلى من الخليجى وادعى البعض هما بيجربوا فينا الاول
هذا الكلام غير صحيح ولكن السبب بعض دراسه السوق اذا تم وضع تلك المميزات فى اليابانى فلن تقل عن 180 الف جنيه باى حال من الاحوال وبذلك تكون غير منافسه للموديلات الاخرى لذا فالجنوب افريقى لان العماله بها تاخد اجور اقل من اليابانى اضف الى ذلك سهوله الشحن وقلة المصاريف فكان لابد من الحصول على تلك المميزات من الجنوب الافريقى واليابان بالفعل اعتمدت المحرك الجديد والفتيس الجديد فى الكورولا الاوربيه اوريس
وتقبلوا تحياتى

ودا اللينك بتاعة http://www.nilemotors.net/Nile/showthread.php?t=37338

طب ويعنى يحرموا الخليج وباقى العالم كله لية من الحاجات الجامدة دى لية...العالم برضة مش لة نفس يركب عربيات متطورة ولا هتكون غالية قوى عليهم ؟!!!!..مصر الدولة تقريبا الوحيدة اللى بتبيع العربية دى بالاضافة الى جنوب افريقيا.....عفوا...مش مقتنع بصراحة