انا جبت اخرى من العربية

**maio_do** · 15-02-2013 04:38 PM

المشاركة الأصلية كتبت بواسطة bebom

كل ده حصل معايا بالظبط والله كويس الي كان بيحصل ونته لوحده انا كان بيحصل وانا مع الاولاد
ال حمد لله علي كل حاجة
-الصبح والعربيه بارده زود مياه وبص من تحتها حاول تشوف اتسريب منين بص من فوق ومن تحت عند الماتور
لو لقيت او ملقتش
-سخن العربيه وبص برده بس لما العربيه تسخن
لو لقيت او ملقتش
-سخن العربيه وروح مشوار وبص برده
والاحسن لو ميكانيكي يبصلك عشان لازم يرفع العربية ويبص عشان لو تسريب بسيط يبان
انا غيرت الاتي:
1-خراطيم
وبرده في تسريب
2-ماسورة ملقتش جديد لقيتها فيبر روحت عملتها عند الخراط احسن
وبرده في تسريب
3- كويل الي ماسك اخرطوم كان مكسور
وبرده في تسريب
4-طرمبة مياه
وبرده في تسريب
5- جوان وش السلندر وال حمد الله مخرطتش الوش
ال حمد الله مفيش اي تسريب تاني بس عايز اقلك انا والله كنت والولاد بنخاف نخرج بيا اول مشتريتها منه لله الي باعهالي بس ال حمد الله حيتها من الاول وجديد وكنت وخدها بسعرها وممكن اغلا السعر مش لوقطة يعني والك عندي كان كاره العربية استحملتها كتير ودلوقتي بزلهم عشان اركبهم

بحكيلك مشكله من الي كانت فيها عشان انته متزهقش

نفس اللى معايا اول مجبتها لفيت لفة حلوة برده واتسرف عليها كتير انا مش عارف موضوع الجوان دا حاسس انها كده هتفتح انا شايف انى اغير الخرطوم اللى شايفة اتخرم تانى دا واشوف بعدها اية اللى هيحصل

بفكر ابيعها واجيب بريلناس اف ار فى اهى كاملة وفرق السعر مش كبير وتبقى 2011 اية رايك فى كده

**maio_do** · 15-02-2013 04:42 PM

المشاركة الأصلية كتبت بواسطة أحمد عبدالله

1-التاكد من سلامة الردياتير
2-التاكد ان طلمبة المية مش مخرومة
3-التاكد بعد ذلك ان المروحة شغالة(واغلب الظن هيه دى المشكلة-ممكن تكون بتشتغل وتفصل فاما تتاكد من علبة الفيوزات او من الترموستات ولو مش كده تخلى الكهربائى يعملك تقوية)
4-جوان
وللافادة عند الضرورة خلى الكهربائى يعرفك مكان فيشة المروحة لما تسخن افصلها هتشتغل المروحة مباشر لحد ما توصل وممكن تساعد بتشغيل التكيف

لا المروحه شغالة بس العربية مفهاش مياه

**maio_do** · 15-02-2013 04:43 PM

المشاركة الأصلية كتبت بواسطة blazer

غير الخراطيم كلهااا
غير ترموستات الحراره
غير صباع الحراره
سللك الردياتير و اغسله بميه نار مخففه " بتوع الردياتير بيغلو ميه نار مخففه بتغسله من جوه "
واتاكد من ان طبب الميه سليمه و ان طرمبة الميه مش بتسرب

تمام فى كل الكلام دا بس انا عارف ان فيه خرطوم مسرب قولى بس على واحد بتاع ريداتير كويس عندك فى فيصل انت بتتعامل معاه

**أحمد عبدالله** · 15-02-2013 04:52 PM

المشاركة الأصلية كتبت بواسطة maio_do

لا المروحه شغالة بس العربية مفهاش مياه

طيب برده اتاكد لما تسخن منك هل شغالة ولا لا لان ممكن تفصل
عند الدرجات العالية لمشكلة فى الترموستات

ولو محتاج بتاع ردياتيريوجد بجوار محطة مترو فيصل عاطف بتاع الردياتير ممتاز

**modo88** · 15-02-2013 04:54 PM

طرمبة مية ونفس للي حصل معايا بس انت شكلك جابت معاك جوان

**SAMEH_FOUAD** · 15-02-2013 05:02 PM

شوف ياباشا اى سبب لتلف الخرطوم او انة يتقطع , بتكون بسبب ارتفاع الضغط داخل المحرك , يعنى الضغط بيزيد جدا عن حدة فبيؤدى الى انتفاخ وطبعا من قوة الضغط بيروح الخرطوم مقطوع

ومشكلة اللانوس ان مافيش غير غطاء واحد هو غطاء القربة , عشان مافيش غطاء ريدياتير

فدلوقتى هنقول حل مبدأى وهو ان ممكن الدايرة عندك تكون واخدة هواء , ولازم يتفضى , ودة اللى كان بيعمل عندك انك اول لما تركن العربية تلاقى المياة بتقع

فحاول ماتملاش القربة غير على الماكس

**bebom** · 16-02-2013 10:02 AM

ابقا طمنا عملت ايه وبلاش تمسي بيها لحد متعملها افضل

**tarek_2005** · 16-02-2013 10:04 AM

كل الي بيحصل ده ومرحتش تكبس دورة التبريد
ياراجل روح اكبس دورة التبريد

**shaddadfalcon1** · 16-02-2013 10:37 AM

انا الحوار ده حصل معايا وطلعت عين اهلي مره علي الصحراوي ومره في طلعة الدائري ومره علي الزراعي وفي الأخر جابت وش سيلندر واللي حصل كالأتي

اول مره ماسورة الريداتير اللي علي الناحيه اليمين ويومها ريحيت دماغي وغير الريداتير بواحد جديد وبعدها اشتغلت تمام
بعد كده سخنت علي الصحراوي وكان معايا مراتي والعيال بس الحمد لله عملتها عند الرسيت بالظبط وكانت الماسوره اللي واصله المكنه بالريداتير فيها خرم صغير جدا وغيرتها الحمد لله

بعدها رحت الميكانيكي لقيت الطبات كلها بايظه وبعدها سخنت تاني لقيت الماسوره اللي طالعه من طرمية المياه متاكله قمت شتلها ورحت للخراط عملي واحده
بعدها سخنت تاني لقيت الخرطوم اللي واصل من صدر العربيه للمكنه بتاع السخن مشقوق طوالي وده بقي كان يوم مايعلم بيه اللي ربنا لاني كنت مسافر القاهره وكنت لسه قبلها بيوم عامل حوار الطبات ده يعني المفروض العربيه متظبطه ويومها بقي سخنت وانا طالع الدائري من الزراعي والدنيا نااااااااار واالطريق واقف ومفيش اي حاجه اعملها غير انه دخلت في الكبوت وفضلت الف شكرتون لحد ماوقفت التسريب ولحد ماعديت الزحمه وبقيت في نص الدئري سخنت تاني والشكرتون ساح قمت حاطط مياه وطاير لحد ماوصلت مدينة نصر وغيرت الخرطوم

بعدها سخنت تاني بسبب خرطوم تاني فيه خرم بسيط والمره ده بقي كانت القاصيه والعربيه جابت وش سليندر